استفسار عن الابتعاث للدكتوراه

التخصص في مرحلة الدكتوراه يعتمد بشكل أساسي على الرسالة. الجامعات الي ذكرتها قوية جدا وأفضل شئ انك تراسل الدكاترة الي يسوون أبحاث في مجال تخصصك. أهم شي ان الكورسات تكون مناسبة بالنسبة لك وانك تلاقي دكتور مستعد يشرف على رسالتك في التخصص اللي انت تبغاه. كل الجامعات الي انت ذكرتها تقع في مدن كبيرة والمدن الكبيرة لايوجد فيها عنصرية.

أولا أشكر لك ردك
هل هذا يعني إني لازم أكون محدد أي تخصص فرعي أبغاه
أقصد من قبل التقديم أحدد هل هو
computer forensics
or wireless sec.
أو غيره
وبعد هذا أراسل مشرف؟

الي يخليني أختار حسب فهمي إنه أغلب الجامعات في امريكا تكون السنتين الأولى كورسات، فأشوف انه بدري أنسق مع مشرف وأنا ما رح أبدأ في الرسالة إلا بعد سنتين. صح فهمي أو لا؟

شكرا لتعاونك

العفو يالغالي،

لا مو ضروري تكون محدد تخصصك ، بس اذا كانت عندك رغبة في تخصص معين ، طبعا من الأفضل انك تتأكد ان الجامعة فيها دكاترة مختصين في هذا التخصص (علشان ماتتوهق وتضطر تسوي رسالة في تخصص ماترغبه).

مثلا ، ال wireless نفسه فيه تخصصات فرعية: الخوارزميات والأمور النظرية Algorithms and Theory ، أو تصميم الأنظمة System Architecture ، أو السرية والخصوصية Security and Privacy ، أو ال Quality of Service الخ. ممكن الجامعة تلاقي فيها دكتور مختص في الأمور النظرية البحتة بس غير مهتم بالأمور المتعلقة بتصميم النظم وهكذا.

النقطة الثانية ، اذا لقيت مشرف مناسب ، من الأفضل انك تراسله ، لأنه في الجامعات القوية مثل اللي انت ذكرتها ، المشرف ممكن يقدر يساعدك في القبول (حتى لو ماقال لك الكلام هذا). يعني لو أخذ الطلب حقك وقال "أنا أبغى الطالب هذا يشتغل معي" ، اعتبر موضوعك منتهي ، ولجنة القبول على طول بتوافق..

بالتوفيق،

الله يجزاك خير وينور دربك