[استفسارات] : لو تدرس علوم حاسب تعال :$

يارب احد يرد

الجامعات كثيره انتي حددي الدوله وبعدها شوفي جامعاتها

التخصص حسب علمي يعتمد على الرياضيات بشكل كبير وبيدخل فيه تفاضل وتكامل الي بتدرسوهم بثالث

وكيف مناهجهم حسب علمي كل جامعه خطتها الدارسيه تختلف بس علوم حاسب طبيعي الكل يدرس رياضيات ويدرس لغات برمجه

انا متخرج علوم حاسب من جامعة الملك سعود

التخصص يعتمد بقوة على الرياضيات بس اشوف انك اذا قدرت تعدي الرياضيات بالثانوي بشكل كويس تقدر وتمشي

ومن اهم الاشياء بالتخصص انك تحبه وعندك اهتمام فيه وموهبه ونفس الوقت انك تشتغل بجد

لاني احب التصميم والتطوير و والبرمجة يعني بشكل عام السوفت وير

وبما انك تحب البرمجه والتصميم والسوفت وير هذا كويس مره وراح يفيدك كثييييييييير

وان كانك كويس فيها معناتها انك تقدر تعلم نفسك وهذا شيء مهم بالتخصص

لانك بعد اربع سنين دراسة اذا تخرجت ان شاء الله ماراح تطبق شيء من اللي درسته راح تطر تعلم نفسك اشياء جديده ما عمرك شفتها وراح تشتغل عليها حتى وانت تدرس

ومن ناحية الوظايف والفلوس فيها حاليا بالسوق في وظايف كثييييييييير وفلووووووووسسسسس كثييييييييير والشركات حاليا يتضاربون على خريجين علوم الحاسب

بس اهم شيء وهذا الشركات تدقق فيه حاليا ان مو اهم شيء المعدل اهم شيء انك تشتغل وفاهم وش انت تسوي

في ناس كثير يتخرجون معدلاتهم عاليه بس تسأله عن شيء بسيط يمكن ما يعرف هذا نحد يبيه

وفي ناس اسمع عنهم معدلاتهم عادية ويمكن اقل من عادية بس فلتات ويسوون اشياء خرافيه وصعبة وهذولي الشركات تدورهم

بالنهاية نصيحتي لك انك بما انك تحب الكمبيوتر وعندك مقدرة انك تعلم نفسك وتشتغل بجد ادخل والله يوفقك وخلال نفسك لا تطور نفسك خلال الجامعة بس حتى في التصميم والبرجمة بلغات ثانية ومواهب ثانية لو تطور نفسك فيها راح تفيدك كثييييييير

وانا درست بجامعة الملك سعود عند ناس مجانين ومتخلفين وهمهم يهبلون بالطلاب بس كانت دراسة الحاسب ممتعة على انها صعبه بس فيها متعة وجمال لا راح تنكشف لك اشياء ما كنت تدري عنها وراح تكبر مخيلتك معها

ومن ناحية البلد اشوف كوريا واليابان صعبات كثير ودراستهم صعبة كثير والاصعب من كذا لغتهم نفسها انا ما ادري عندهم
و حتى اشوف سوقهم بعيد عن سوقنا لان السوق السعودي يلحق السوق الامريكي والاوروبي بمجال الأي تي