احتاج مساعدتكم ..محتاره .. وطموحي لا سقف له

اختي الكريمه تذكري أن الإنسان مُسير وليس مُخير فا الله سبحانه إختار لك هذا الطريق والرسول صلى الله عليه وسلم قال من سار على الدرب وصل وأنتي مابقى لك شئ وتتخرجين ! ياختي الكريمه الناس مايرضيهم اي شئ وسوف تجدين ممن يحطمونك ويعذلونك عن هذا التخصص هذا دليل بإنهم لايستطيعون الوصول إليه فإعتصمي بالله سبحانه وارضي بما قسم لك وإذا كان لديك رغبه في تغيير التخصص إجعلي هذا في مرحلة الماستر أو الدكتوراه .

وافر الإحترام والدعوات لك بالتوفيق,,

الطب افضلك من الحاسب مليون مره ولاكن استخيري 3 ايام مو يوم ياكادي 3 ايام والي يحطه الله بقلبك وترتاحين له سويه

لوانتي مبتعثه على حساب الدوله تاكدي تقدري تدرسي في تخصص ثاني بعد ماتخلصي دراسة الحاسب اذا تقدري كملي الحاسب
وابدي طب اسنان السنه الي بعدها واذا على حسابك كملي السنه من غير تفكير دام مايهمك تبدين
دراسه 5 سنين من عمرك , اكيد سنه ماهي شي ياكادي صح؟ .. الله يوفقك

الله يوفقك
ليش ما تفتحي صفحات أعضاء هيئة التدريس في جامعات المملكة مثل جامعة الملك سعود و الملك عبدالعزيز و الملك فهد و راسليهم بالإيميل تشرحين لهم وضعك و طموحك و الاستشارة المطلوبة بطريقة منظمة و واضحة و مختصرة و انتظري الردود منهم و ألحي عليهم في طلب المشورة
و إذا يمديك تقابلينهم و تتصلين عليهم يكون أفضل أو يروح قريب لك أخوك أو أبوك أو زوجك و يستشيرهم و يشوف رأيهم
أنا قصدت أن اقترح باب آخر لطلب المشورة و إن شاء الله الإخوان في المنتدى هذا أو في منتديات أخرى فيهم الخير و البركة
وفقك الله

ارى انه حرام تتركي تخصصك بما انه معدلك عالي .. وبقي سنة على التخرج .. اقلها لو قررتي تدرسي طب اسنان فمن الافضل اكمال دراستك ثم دراسة طب الاسنان ..

النقطة المهمة .. اذا ابدعتي واجتهدتي في اي مجال ستجدي الصدى وستحصدي النجاحات .. لا يغرك الكلام المثبط .. على فكرة النظرة التعصبية للتخصصات موجودة

فمثلاً لو دخلتي طب اسنان لن يمتدحك الكل .. بالعكس ستجدين من يحطمك في هذا المجال وهم كثر ..

وبعضهم لديه تجربة سيئة في نفس تخصصك تلاقيه يذم فيه ..

واثبت لك انه كل تخصص لو الشخص ابدع فيه راح يوصل للنجاح .. وعندك تخصصات الشرعية لو ابدع الشخص يقدر يكون قاضي او استاذ جامعي .. وهكذا ..

بالتوفيق ان شاء الله قبل كل قرار مصيري استشيري وخذي الرأي العقلاني .. واكيد لا تنسي الاستخارة .. والله يوفقنا وياك ..

ياربي ... استشرت كثير وقالو لي لا تفكرين حتا تنسحبين ....
يعني قصدكم ان اتخرج وادخل بكالورياس ثاني ! .... يعني 4 + 7 = 11 سنه بكالورياس كاني دبل ميجر في تخصصين مالهم علاقه في بعض ..
لو جلست في تخصصي وكملت مسار مثل البايوانفورمتك ف اقل من 7 سنوات راح اكون دكتوره ...
انا محتاره ... ناس تقولي تو ليت وراحت عليك ... وناس تقولي كملي ولا يهمك التخصص حلو واي شي بالتقنيه حلو ....
ومستحيل اكمل دراسات عليا في الاسنان لان مافي شي تقني فيهااا ...
صح كلامك يا اخ فرونق كل تخصص فيه تحطيم بس انا اتلقى تحطيم من الدكاتره نفسهم في احطم من كذا !! :"( تعبت ....

علشان أرتب أفكاري
أنت الآن خلصتي سنتين و باقي لك سنتين و أنت الآن تدرسين في جامعة بريطانية تخصص MIS
طيب هل هذي الجامعة لديها التخصص الذين تريدين ؟ اسألي و شوفي إمكانية التحويل و تبعات هذا التحويل من معادلة الساعات إلى آخره
و أنا بصراحة ما ركزت على بالي إنك تدرسين بالسعودية ، طيب ما دامك تدرسين في جامعة بريطانية ، شوفي إذا فيه قسم لاستشارات الطلاب أو إذا دكتور تثقين في رأيه و استشيريه
الشي الثاني ، يمكن هناك برامج ماجستير في التخصص اللي تبينه ( في جامعتك أو في جامعات أخرى ) و بالتالي بعد البكالوريوس تدرسين في هذا التخصص و ممكن يفيدك في هذا الشي الدكتور اللي بتستشيرينه
أنا من أسبوعين لقيت برنامج في جامعة كاليفرونيا الجنوبية USC تخصص اسمه M.Sc in Wireless Health Engineering يقدمه قسم الهندسة الكهربائية اعتقد بالاتفاق مع كلية الطب لأن هناك مواد في هذا البرنامج مواد طبية لها علاقة بتشريح جسم الإنسان و مواد أخرى في هندسة الاتصالات و الشبكات و البرمجة و يهدفون من هذا التخصص أن يتخرج مهندسون يفيدون القطاع الطبي أو الكادر الطبي ليتمكن من متابعة حالة المرضى و كتطبيق ممكن الاستفادة من إمكانيات الهاردوير و السوفتيور في الجوالات الذكية و الأجهزة اللوحية الذكية لتطوير برامج ترتبط بأنظمة تمكن الطبيب أو الممرض من متابعة حالة مريض ما عن بعد
فهذا كمثال ، و أكيد بالتالي لا بد أن تجدي تخصص في الماجستير يربط بين التخصصين اللي انتي تحبينهم ، عاد بالذات الجامعات البريطانية معروف عنها فسلفة التخصص الدقيق

اختي الكريمه انتي قطعتي المشوار كله ما باقي الا سنه. انا عندي حل وان شالله انه يعجبك
كملي دراسه الحاسب اول شي لانه باقي له سنه وبكذا حصلتي ع بكالوريوس بعدين ابحثي بجامعات برا التخصص اللي تبينه وخاصه امريكا لانها تعتمد ساعات الدراسه ولا تنسين راح يكون الباك قراوند حقج حاسب وانتي راح تكملين ماستر بالتخصص اللي تبع الحاسب ، ولنفرض لا سمح الله انك ما لقيتي جامعه تكمل هالتخصص وتبين تخصص ثاني خلي الشهاده موجوده وادرسي اللي تبينه لكن راح يكون معاج بعدين ٢ بكالوريوس وهذا من صالحج اذا بغيتي تكملين دكتوراه بيكون السي في مليان بالشهايد

وقبل كل شي الاستخاره ،، بالتوفيق ان شالله

eng manger
كل كلامك صح الا اني ادرس في السعوديه باقي ما رحت بريطانيا ... اخر كلام جاني من دكتور اني ابحث عن مجال في الماستر طبي يتعلق في ال mis وللحين ما لقيت غير البايوانفرمتك ..
يعن الحين كلامكم كلكم يجمع على اني اكمل دراسه هالسنه ...
وبعدها لي خيارين اما اني اعيد دراسه بكالورياس ثاني ......ف الطب ...... او اني ادور تخصص ف الماستر والدكتوراه ف شي تقني طبي ...
بعد الاستخاره طبعاا ..
والله يجزاكم خير ..

على فكرة
الدكتور وليد فتيحي الكاتب في صحيفة عكاظ و ابن رجل الأعمال المعروف أحمد فتيحي
حصل على شهادة الهندسة ، ثم على شهادة الطب ، و كان عضو تدريس كلية طب هارفارد لمدة عشرين سنة ثم عاد إلى السعودية،جدة ليفتح المركز الطبي الدولي
بس بصراحة هذا ابن منغنغ ما شاء الله عليه يعني ما ينفع مقياس لنا

http://ejabat.google.com/ejabat/thre...9e2cedea3b4ae7

http://ar.wikipedia.org/wiki/وليد_بن_أحمد_بن_حسن_فتيحي