برأيكم ماهو أنسب تخصص ماستر لطلبة كليات المعلمين

اخوي البلوي الاختيار صعب وأنا اللحين نفس وضعك بس الأفضل أنك تطلع على الخطط الدراسية لكل تخصص مثل علوم الحاسب و تقنية المعلومات و نظم المعلومات و طرق تدريس الحاسب وتشوف الأنسب لك وتكمل فيه والي أعرف أن علوم الحاسب فيها رياضيات كثير وفيها مواد برمجه وبالنسبه لي انا والبرمجه ما حنا صحاب وأسهل تخصص بالي ذكرته طرق تدريس الحاسب لأنه قريب من تخصصنا أو بالأصح المناهج قريبه من التربية وحنا مواد التربيه مقاربه لمواد التخصص في كليات المعلمين والله يكتب الي فيه الخير لنا جميع وبالتوفيق اخوي ...


سلآلآلآم

معلومة:
طلاب استراليا لتخصص الحاسب الالي من كليات المعلمين قامت الماكتب المتعاقدة مع الوزارة بإحضار قبولات لهم في تخصص تربية الحاسب الالي.
وقامت الوزارة برفض تلك القبولات وإعادتها مرة أخرى للمكاتب لكي تقوم بعمل قبولات جديدة بتخصصات الحاسب الالي وأغلبها تخصص علوم الحاسب الالي.
فبالتالي ابحث عن تخصص علمي جيد وكلما كان دقيقا كانت فرص عملك أكثر.
وبالتوفيق ، واستخر ثم استشر.

السلام عليكم ورحمة الله

حيالله شبابنا خريجي كليات المعلمين


أجل ماني لحالي هنا؟؟

أقول الله يوفق الجميع وبالنسبة للتخصص ياحبيبي

انا مقتنع بمقولة المشعان

أما أستوت لي كلها ولا بلاش أشقى بها


انا أهم شي أخلص من معيارة تربوي

(ولا أخفيكم سراً يستهويني طرق تدريس ) لكن ما طرا على قلبي أضرب كل هالمشوار وبالأخير أرجع طرق تدريس؟
أخذها من الأردن أحسن وأقرب

وبعدين النظام هناك مو مثل بريطانيا بيني وبينك الاختبار النهائي (مثل ربعنا) لا تضبط نفسك إلى آخر الترم تحصل درجات والاختبار لو ما تخشه اذا انت مجموع درجات مضبوط تنجح بالراحه.

لكن وانا اخوك ابي اقولك شي (ترا شهادة كليات المعلمين تحسب عند المؤسسه العامه دبلوم عالي) هذي المعلومه ما دريت عنها إلا امس راسي بغى ينفجررررررر)

الحين اربع سنوات وبالأخير تعييني انا والجامعي سوا ولما اقدم على قطاعات ثانية تقولون انت اقل؟؟؟؟؟


المهم حط في بالك (اضرب على الكايد ليا صرت بحلان)

انت محمول مكفول وماعندك شغل غير شهادتك.

الله يفقك ومثل ما قالوا الأخوان استخر واستشر

وتأكد من ان المكتوب بيجيك يعني ومثل ما قيل:
إن لم يكن ما تريد فأرد ما يكون.

وتحياتي حلى زملاء

(أخوكم خريج كلية معلمين تخصص حاسب آلي)

السلام عليكم ...

ماشاء الله أثاري الشله واجد هنا وخريجي كلية اعدام المعلمين مش شوية ...

حبايبي والله ان تتعبوا من كثر هالتخصصات والمشكلة لا جدوى لأنه موادنا اللي درسناها أكثرها تربويه وهذا عائق كبير لنا ومن الصعب انك تطلع على مقرارات جميع التخصصات وتحكم من خلالها لانه اصلا ما نعرف نصها او اغلبها يمكن , وليتها على كذا وبس لو تفكر شوي وتتذكر السحب على المحاضرات وقردنة هالدكاتره والأهم من هذا وذاك اننا مؤهلين لنكون مربين على قولهم , لا ودبلوم عالي بعد ...

لكن يا اخواني الواحد يستخير قبل كل شي ويطلع على التخصص اللي يجيه ومن هناك يقدر يحوس شوي الين يلاقي مراده والشي اللي يناسبه بس نصيحه لحد يجلس يعابط هنا ترى الوزاره تدور لنا الطرده مدوار يعني اطلعوا على اي تخصص ومن هناك يحلها ربك بس أهم شي تكوون العزيمه والاراده موجوده وصدقوني مافي احد راح وهو صامل واذكر انه رجع بلا شهاادة ..

ودمتم ,,,

انا مثلك انا والبرمجة ماحنا اصحاب


انسب شيء تراه طرق تدريس الحاسب



اشكرك على ضافتك الجميلة


وشكرا على المرور

شكرا على المعلومة والمرور

صدقت اخوي




واشكرك على نصائحك شكلك من النوع الي ياكذا ياكذا مافيه وسط



وهذا الي يعجبني