مساعدة فزعتكم , بكالوريس هندسة برمجيات وانقبلت ماستر علوم حاسب

الملحقية تعترف فقط بتخصص الحاسب الالي ومالها دخل باختيار مسارك الدقيق ضمن الحاسب الالي

في نظام الملحقية انت تعتبر مبتعث حاسب آلي اذا اخترت تخصص هندسة برمجيات او علوم حاسب او تقنية معلومات او هندسة حاسب او غيرها من تخصصات الحاسب
ولك الحق باختيار التخصص اللي يناسبك مادام تحت كلية الحاسب فتقدر تكمل علوم حاسب او تقنية معلومات او برمجيات او غيرها

بس فيه بعض مشرفين الملحقية يجهلون النظام وما يعرفون النقطه هذي فيحتاجون اخذ وعطا بالكلام

الله يعطيك الف عافيه اخوي على تجاوبك

ولكن اخوي انا ماقصد الملحاقيه اقصد الوزاره ,, مرسلي لنا رساله تقول (تم ترشيحك لتخصص علوم حاسب . ماجستير )
اذا عطوني الضمان المالي وجاء وقت احضار القبولات انا ابي تخصص هندسة برمجيات ماستر ,, هل مجبور اجيب على نفس التخصص اللي رشحوني له والا عادي اجيب هقبول بتخصص هندسة برمجيات

شكرا لك عزيزي

ما اعرف اذا الوزارة عندهم نظره مختلفه عن الملحقيه
بس الاصل كان ان الوزارة تبتعثك على تخصص عام مثل الحاسب وانت لك حرية اختيار التخصص الدقيق مثل هندسة برمجيات او غيرها من تخصصات الحاسب
اعذرني ما اعرف اجراءات الوزارة الحالي ( انا كنت مبتعث زمان )

بس بقولك معلومه ممكن تناسبك
(( الوزارة ما تطلب قبول جامعه من مبتعثين الماستر في امريكا وتكتفي بقبول اللغة فقط ))

اذا كان ابتعاثك على امريكا
فالوزارة قبل كم سنه ما كانت تطلب من مبتعثين الماستر في امريكا يجيبون قبول جامعه للحصول على البعثه ويكتفون فقط بقبول اللغة.
والسبب ان اغلبية جامعات امريكا ما تعطي قبول الا بعد ما تخلص اللغه. فصار الشرط كأنه تعجيزي على الطلاب عشان كذا حذفوهـ ( طبعا اقصد طلاب الماستر)
فالوزارة ما يطلبون من طلاب الماستر في امريكا انهم يجيبون قبول جامعه الا بعد انهاء دراسة اللغة بالخارج. (هذا الكلام حتى عام 2012 )


اما اذا كان ابتعاثك لدولة ثانيه , فاعذرني ما اعرف اجراءات القبول.

اتمنى جوابي كان وافي
بالتوفيق لك

والله مادري عنهم ياخوك

والنظام اللي تقول حسب ماقريت انه للحين مو مطلوب من حقين الماستر الا اللغه
ولكن بعد سالفة امتداد التخصص لخبطنا شوي وصرنا متخوفين من اي زله
وانا الدوله اللي مبتعث لها امريكا

الله يجزاك خير ,, ماقصرت يالغالي

إذا أنت بالرياض ، رح للوزارة على شارع المعذر و اسألهم هناك علشان تكون مطمئن و أنت تمضي في مشروع التقديمات و تكون على بينة.
اللي أعرفه أن هندسة البرمجيات تابعة لعلوم الحاسب و تصدر من قسم أكاديمي واحد .