استفسار تخصص Inormation Security عدة استفسارات ارجو المساعدة

ي الربع محتاجين ل مساعدتكم وينكم ؟

Information Security
احيانا يكون تخصص مستقل
واحيانا يندرج تحت علوم الحاسب او هندسة البرمجيات او نظم المعلومات او تقنية المعلومات
حسب تصنيف الجامعة للتخصص
فان كانت الجامعه توفر مسارات تحت التخصص فيحتاج انك تبحث في المسارات التابعة لكل تخصص في موقع الجامعه



بالتوفيق لك

المشكله ي اخوك اني عليمي وابغى مساعدتك تشوف لي الوضع لاني ميح بهـ الامور وتشوف لي الجامعات ب فانكوفر لاهنت تحت اي تخصص او هي تخصص لحالها

مافيها عليمي وانا اخوك ،، انت داخل على دراسات عليا ولو ما تعرف تبحث بتضيع

عن طريق قوقل ادخل على رابط اي جامعة ترغب تدرس فيها
في موقع الجامعه ابحث عن رابط Graduate programs او ادخل على كلية الحاسب وبعدها ادخل على Degrees
وشوف تخصصات الماستر عندهم
اذا فتحت على التخصص بتحصل موصفات التخصص موجودة
ابحث عن الخطة الدراسية وبعدها بتشوف المسارات ان وجدت
مسارات بالانجليزي ممكن تكتب Area او Concentration او Track
وشوف المسار اللي يناسبك وشوف الخطة الدراسية اللي تناسبك

واذا ناسبتك الجامعة ابحث عن Graduate Admission وعن طريقها تقدر تعبي نموذج التسجيل وترسل اوراقك وتنتظر منهم الرد

اول خطوه لازم تتعلمها انك تبحث في مواقع الجامعات
لان اكثر المبتعثين الان ضاقت فيهم الدنيا في الابتعاث وصعب عليهم القبول
اللي ما يعرف يقدم وما يرغب يتعلم كيف يقدم على الجامعات ما قدر يسجل في اي جامعه ويستعين في مكاتب تاخذ على الجامعه ما يقل عن 2000 او 4000 ريال فما يقدم الا على خمس جامعات بالكثير وقد ما يجيه قبول وتروح عليه البعثه ( وكثير صار معهم هالشيء)
اما اللي عنده همه ويعرف يقدم ويتصفح مواقع الجامعات ،، تصفحوا النت وقدموا على عشرات الجامعات الى ما حصلوا على قبول ببلاش.


الله يوفقك اخوي

اول شيء بيض الله وجهك يالغالي والعذر منك شكلي م قدرت اوصل لك المعلومه بشكل صحيح

انا ابي بكالوريوس امن معلومات لاني قريت بكذا موقع ان فيه بعض الجامعات تقدم هـ التخصص بكالوريوس ماهو دراسات علياا

واللي يخليني اسال ان انجليزيتي ضعيفه جدا بحثت بعض الجامعات في فانكوفر كندا وحاولت ولا عرفت اي شيء قدرت اطلع بعض التخصصات مثل علوم الحاسب

سؤالي ب طريقه اخرى هل يوجد تخصص امن معلومات بشكل فعلي لراغبين في البكالوريوس ؟

وان كاان نعم اين وفرصه قبولي ؟

والشيء الثاني ان لم يكن موجود هذا التخصص او صعب التخصص بهه ماهي التخصصات الاقرب له تقنيه معلومات او علوم الحاسب هندسه حاسب او نظم معلومات او هندسة برمجياات انا ب اختصار تايه ابغى تخصص مرتبطط ب امن المعلومات فهو حلمي البعض يقول ممكن يكون مسارات لتخصصات اخرى مثل تقنيه معلومات او علوم الحاسب اتمنى يالغالي مساعدتك بحكم خبرتك وحصولك على الماجستير ما شاء الله واكيد لك خبره بهـ التخصصات اكثر واعذرنا مره اخرى على ازعااجك

بعد محاولات عده وما ادري اني اللي استنتجته صحيح او اللي لقيتهه جامعات تقدم تخصص امن معلومات بكالوريس صحيح او لا لكن راح احط الروابط لكم ياليت تعطونا العلم الصحيح هل هي تقدم تخصص امن معلومات ولا فاهم خطأ

هذا رابط الجامعه والتخصص اعتقد اسمها جامعه تورنتو ان م كنت غلطان

Information Security | Mathematical & Computational Sciences

الرابط الثاني لجامعه اخرى اعتقد اسمها يورك ان م كنت غلطان

http://futurestudents.yorku.ca/progr...puter-security

ياليت ي اخوان مساعدتي ابغى اعرف هل فيه جامعات في فانكوفر تقدم تخصص امن معلومات بكالوريوس ؟

وان كاان غير موجود عطونا جامعات تقدم التخصصات هذي بكندا ويفضل مقاطعة بريتش كولومبيا لولا ضعف انجليزيتي م كنت ازعجتكم لذا المعذره

هذي وحدة
UOIT - Information Technology - Networking and Information Technology Security
بس تأكد من التوصية على البرنامج من وزارة التعيم العالي

أخي الكريم
البحث عن البرنامج اللي تبيه فرصة كبيرة لك لتعلم اللغة الإنجليزية
ترى السالفة مو اختراع الذرة
السالفة و ما فيها افتح موقع الجامعات الموصى بها ru.mohe.gov.sa
و افتح الجامعات وحدة وحدة
و اشتغل على ترجمة قوقل translate.google.com

افهم من كلامك انه عادي لو كان مدرج تحت علوم الحاسب أو تقنيه المعلومات كتخصص دقيق ؟؟