استفسار جديد في المنتدى وجديد على الابتعاث

السلام عليكم ورحمة الله وبركاته

مثل مافي الموضوع انا انسان بصراحه ماحب اتفلسف كثير

اخوكم ابراهيم الشمري

أنا جديد في المنتدى وماجابني الا سمعته ومعلوماته الي جداً استفادو منها اشخاص قبلي

فـ/ شكراً للقائمين والمشرفين على هذا الصرح الجميل




نخش بالموضوع

أنا خريج من جامعة حائل بتخصص علوم حاسب آلي
معدلي الاكاديمي على قولتهم مايقود الوجه

معدلي مقبول بس ترا مو لأني ما افهم " لأني بيني وبينكم ماكنت مهتم "
المهم


مثلكم عارفين لاوظايف ولا تعيينات

وجالس اتلفت " طقت براسي الابتعاث من كم يوم وشغلت تفكيري "

قلت ي ولد وش عندي جالس هنا ليش ما اكمل دراسه برا بدال جلستي الي ماله داعي

وانا اصلاً كان عندي حلم يوم انا صغير اروح اطلع وكيذا بس تعرفون الواحد يخلص جامعه يطيح الي براسه ويبي الفكه

المهم بعد هالجلسه الممله قررت اطلع برا اكمل دراستي " عــلى حسابي طبعا " وهذي حط تحتا الف خط




أسألتي :-

1- بالبدايه وش اسوي ؟؟
2- وكم يلزمني فلوس .. وسمعت انه اذا عديت ومشيت ترجعلي دراهمي
3- الي اعرفه انه لازم لغه بالبدايه وانا لغتي خبر خير يعني يالله امشي حالي بكم كلمه يمدي تضبط معي واعدي بالمعهد ؟؟
4- هل اكمل نفس تخصصي والا ادخل تخصص ثاني
5- اذا نقص شي ناسيه والمفروض اسأل عنه لاتبخلون علي



جاوبو جعلكم بالجنه