ماذا يعني هذا التخصص !!

تقنية معلومات مايمز هذا التخصص انه شامل ويدخل في مجالات واسعة فيمكنك دراسته منفرد تحت مسمى تقنية معلومات تدرسين فيه كل ماله علاقة بالحاسب الآلي وغيره من الاجهزة الالكترونية واستخدامها في الحياة بشكل عام
وبامكانك ان تدرسيه تحت نخصص آخر مثلاً تقنية معلومات حيوية أو تقنية معلومات صحية
بحيث تدرسين تطبيقات الحاسب الآلي في مجال الصحة او الأحياء
تخصص جميل فرصة لكِ أن حصلت لاتتردي في قبولها .
اطيب الامنيات بالتوفيق

اشكرك اختي على الرد
لكن اول مره اسمع تقنية معلومات صحيه \ حيويه
اذا ممكن تقولين لي عن هالتخصصين اكثر اذا عندك علم ..
والف شكر اختي

اضافه ايضا ..
الي عنده علم عن تخصصات الحاسب في الجامعات ..!! الاحظ انو تخصصات الحاسب كثيره جدا والمعلومات الي عندي عن التخصص لا تكاد تقارن مع الي اقرأه ..
اذا ممكن المساعده ..

شكراً لكم على المشاركة

هلا وغلا
ام جاسم بعتذر على تأخري في الرد عليكي السمووحة
شوفي هيا تخصصات الحاسب كثيييييييييرة ومتفرعة بشكل ما ح تتصوريه
و تختلف التخصصات من دولة للثانية في كثرة التخصصات بس افضل الدول للحاسب انا عندي الهند و اليابان و الصين والمانيا و امريكا و كندا
طبعا كمان دول ثانية بس هدول الللي عندهم تخصصات اشمل للحاسب ما ح اقدر اعدد لك التخصصات يكفي في عمو جوجل تحطي فروع الحاسب الآلي و حيطلع لك بحر تغوصين فيه
الحاسب دخل في كل حاجة بحياتنا لذلك مافي اي جامعة بالعالم ما ح تشوفي فيها تخصص الحاسب غالبا يكون المنتشر حاسب آلي عام اللي هوا computer sience
لكن الشاطر هوا اللي ح يدور على تخصصات ادق و اصعب
انتي حددي ميولك وربما تحصلين على تخصص يناسبك تماما
سأعود لك ان شاء الله لو احتجتي اي حاجة بالتوفيق ان شاء الله

اشكرك اختي ..
ياختي ياليت تكوني قريبه هالايام ..
انت قلت المانيا وكندا ..
واني حاطه في بالي استراليا نيوزيلندا ..
بس هل المانيا لازم ادرس بلغتهم لو عادي بالانجلش ..
وبالنسبه لميولي والله احترت اختي لان في تخصصات ماهي موجوده عندنا هنا وبس اسمع بها تعجبني
مثل تخصص ما يتعلق بالتصميم وهالامور ..
وماعرف الدوله الي راح اقدم فيها عشان اخطط شنو التخصص
وشكرا

امم ..
يعجبني شئ اسمه قواعد بيانات - شبكات - برمجه ..
لكن مادرسناه بشكل عملي لذا ماعرف كيف دراسته !!
احس انو هنا تعقيد من جميعو ..
بعد كندا كانت في القائمه
اني اريد دوله احس فيها بالراحه وبعيده عن الفوضى مع ان الفوضى في كل مكان
بس الجو الدراسي مطلبي الاول بلاشك

رجعت مره ثانيه ..
والله اختي الي في بالي التخصص يكون مطلوب بكثيره ويكون التخصص يستحق الغربه فعلا وله وجوده هنا مو ادرس شئ وبعدين اندم عليه ..
يعني مصيري راجع البلد ما ظل طول عمري هناك
اشوف يمدحون نظم معلومات اداريه
هدفي الوظيفه تكون في شركة قويه .. مثل ارامكو ..
اتمنى ذلك .. والله يسهل

اختي ام جاسم

اذا تبين دوله ترتاحين فيها عندك نيوزلندا حلوه حيل

وراحه نفسه ودراسه قويه بعد


الله يوفقك يارب