تقنية معلومات أم علوم حاسب

صراحــه أنا ما أعرف عن خلفيتك العلميه يعني أنا مدري من أي جامعه أنت متخرج؟
عشان أحكم على قوة التعليم او لا حسب المعروف عندنا بالمملكة
(و إلا أنا مو كفؤ لإصدار مثل هذه الأحكام) و هل أنت خريج كلية معلمين اولا؟
فأقول لك و بالله التوفيق :
أولا ً :لو إنت من كليات معلمين و طامح للمجال الأكاديمي كمستقبل فانت بحاجه لدخول مجال CS حتى يأسسك من جديد بشكل قوي حتى تصل إلى مبتغاكـ و تتجاوز نقطه الضعف في شهادتكـ الجامعية <<(أنا تربويه على فكره و نعاني من القبول على برامج الماستر بجامعات المملكه بسبب هالنقطه),,
ثانياُ : إذا كنت من قسم حاسب مستقل و هدفك إنك تكون :
1 - محاضر فقط يعني كل طموحكــ هو للماستر فـــخذ (ماستر تقنية معلومات) اللي هو رغبتكــ ,,
(الناس غالباً تبغى هذا التخصص عشانه يميل للعملي و يندر فيه النظري) هنا مايصير عندكــ مشاكل و ممكن هنا تتوظف بالتدريب المهني مدرب .

لكن إذا نويت تكمل دكتوراه بعد كم سنة من رجعتكـ للسعودية رااح يصعب عليكــ إيجاد قبول
(هذا أصعب الأمور لأنكــ محصور بمجال معين) و بطبيعة الحال مجال تقنية المعلومات أغلبه عملي و كل الأبليكيشن اللي أنت متعلم عليه في إدارة الأورجنيزيشنز اللي كنت متعلمها في الماستر ماراح تفيدكــ إلا شيء بسيييط و مارا يبقى معكــ إلا بيسكز
لأنو عارف كل 5-10 سنوات تتغير طريقة تعاملنا مع الداتا بيس و الملتيميديا.

2- تكون دكتور او بروفسور و تتميز بعلمكــ و فهمكــ على المدى الطويل
و يكون عندكــ بيسكــ قوي لكل فروع CS -- خذ لكــ (CS master )من جامعه قوية و فوايده :
1-تعزز معرفتكــ بالتخصص. 2- تعطيك الحرية في مرحله الدكتوراه لأي تخصص يعجبك و بأي جامعه فيكون عندي رينج كبير من الخيارات و ماراح تنحصر في مجال و تتصعب عليك
<<<النصيحه هذي أخذتها من دكتوره عانت معاناه بدراستها لأنها أصرت
إنها تدرس Artifical Intelligent بالماستر ثم أكملت الدكتوراه بنفس التخصص
مع معارضه مشرفتها على الموضوع و بعد سنتين من البحث لقت نفسها في طريق مسدود !!
رجعت و بحثت من جديد بموضوع لا يمت للذكاء الإصطناعي بصله !!
و قبل أشهر تقولي يا ...منصــورة (ماتعمليش زيي خدي CS عام وفي الدكتوراه حتختاري اللي تحبيه من كورسات الماستر)

3-إذا ماش بخاطركــ تقنية معلومات و بتكمل دكتوراه فنصيحــه :
خذها في جامعه توفر كورس الماستر و الدكتوراه لهالتخصص و يكونوا وراء بعض و ببعثه وحده لأنكـ إذا رجعت بالماستر و توظفت محاضر بالجامعه و بغيت تكمل تبي تتعقد خصوصاُ على قسمنا لأننا نادرين و يبي يتحججون لك بالإحتياج و من ذا الكلام و أنا شفت جامعه موناش و شفت تخصصات الدكتوراه الدقيقة اللي تقدمها اللي هو المنور Minor اللي هي:
Computing science
Software engineering
Information Systems, and
Information and knowledge management
ممكن تاخذ الأخير هو المناسب لماستر تقنية المعلومات
نصيحه صغيره : خذ لكــ مشرف شاب حريص على البحث و على إنجازه <<من ضمن نصائح أعضاء هيئة التدريس عندنا

روابطكــ مافتحوا بس وصلت للصفحه (صفحه الكورسات اللي في موقع الجامعه)