تجمع طلاب وطالبات الاعلام - المرحلة العاشرة ( 10 )

متى تتوقعون الوزاة ترحمنا من هالتوتر النفسي وتعلن الأسماء

لانو تعبت من الإنتظار ..

أو على الأقل متى تحدث الجامعات الموصى بها , عشان نراسل الجامعات من الحين

صراحة شي يقهر , الواحد يخاف يراسل جامعة ويدفع رسوم وفي الأخير تطلع غير موصى بها

الله كريم والله مازال كل شي مجهوووول والبعض لدية توقع بان القبول بعد العيد..
الدوام يوم الاحد ان شاء الله يخبرونا ع الاقل بمواعيد والمراحل المتبقية ..
ومن ناحية الجامعات تخصص الاعلام اتوقع الجامعات بتكون نفسها تبع المرحلة التاسعة وممكن يضيفو كم جامعه توقع طبعا
بس انت حاول من الان تختار لك الولاية حتى تسهل لك الامور بعدان ..
ولا تفكر في الجامعات من الحين نصيحة فكر في المعهد فقط
لان الجامعات امرها بسيط ولو سافرت تقدر تروح لهم وتستفسر منهم اكثر
وبالتوفيق لك ولي وللجميع ....

اشكرك أختي الألماسة

بس الواحد يحب يضمن نفسه من بدري
يعني يحصل على قبول جامعة مشروط ( وتدرس بنفس معهدها )
بدل التنقل من ولاية إلى ولاية وإلخ .......

انا صراحة في خاطري دنفر كولارادو , وقاعد أنتظر الوزارة يحدثون عشان اراسل الجامعة

راسلت حساب قضايا الإبتعاث في تويتر

وسألته عن تحديث الجامعات الموصى بها ورد علي بهذا الرد






معقوله !!!!


يعني المفروض إننا مراسلين الجامعات من زمان , عشان نحصل على القبول وإذا ترشحنا على طول نسلم القبول

مو ننتظر شهرين ثانيه عشان ترد الجامعة

على العموم أنا ببدأ أراسل الجامعة اللي براسي

اللي هي ( جامعة دنفر ) أتوقع انها موجودة في الجامعات الموصى بها حسب بحثي




^ ياليت تشوفون البحث صح ولا لا

العفووو
من ناحية القبول المشروط لاتخف امره بسيط
وانت تدرس في المعهد قم بمراسلة الجامعه ومن ثم اطلبهم قبول نهائي مشروط وراح تمشي امورك تمام 👌
ومن ناحية الولاية اختيار جميل بس نقول يارب مايكون فيها تكدس وانا ايضا مفكرة فيها...
بالتوفيق

صحيح بحثك وجامعة دنفر موصى بها
ارجع اقول لك الجامعه لاتفكر فيها حالا فكر في المعهد واذا درست بمعهد الجامعه نفسها اللي تبيها اموركم بتكون تمام ولا تخف من ناحية المشروط وغير المشروط ..
لان بعض الجامعات لو درست بمعاهدهم بالنسبة للقبول بيكون سهل والبعض لا تطلب شروط ايضاا
موفق..

الله يجزاك خير أختي

فعلاً رد مفيد

يعني ابدأ اراسل معهد جامعة دنفر من الآن ؟

اذا كان معك شهادة بنكية ابدا راسلهم عشان تضمن مقعدك في المعهد
واذا بتنتظر لحد يرسلو الضمان ايضا مافي اشكاليةة
بس افضل لك تنتظر الضمان لانك ع البرنامج حتى ماتواجه صعوبات قدام من ناحية التكاليف للمعهد
وشوف المناسب لك ..

صدقتي ..

ننتظر الضمان المالي بإذن الله

ياشباب
ارجو الافاده جزاكم الله خير ، والله ضرب مخي من كثر البحث،
انتم تعوفون ان الوزاره اعتمدت تخصص الاعلام الرقمي ( صحافه الالكترونيه ، وسوشل ميديا )
في امريكا لايوجد تخصص اسمه سوشل ميديا
الا في جامعه وحده ويدرس عن طريق
فقطonline
، نجي لصحافه الالكترنيه
electronic journalism
لما اجي ابعث بنفس اسم التخصص مايعطيني ولا جامعه تدرس هذا التخصص


اغير الاسم الى digital journalism
نفس الشي مايعطيني ولا جامعه تدرس التخصص هذا

اول مادخل صفحه الجامعات الموصى بها اشوف تحت "التخصصات المضافة حديثا "
من ضمنها mass media

اجي ابحث بنفس هذا التخصص
يعطيني جامعه واحده فقط تدرس هذا التخصص
معقول الاف الجامعات في مريكا ما منها الا جامعه وحده تدرس هذا التخصص

اما بخصوص تخصص digital media
فهو في امريكا "حسب علمي ومن خلال بحثي "ليس له علاقه بصحافة الالكترنيه واالسوشل ميديا
وهو تخصص غالبا يندرج في اغلب الجامعات تحت مسمى كليه الفنون والدزاين دراستهم منتاج .تقنيات 3D والاخراج والبصريات . شغل مخرجين ومصممين اكثر

التساؤلات للي عنده معلومه :
هل تتوقعون هناك سوء فهم من الوزاره بأسم التخصص ؟ بمعنى
لان امريكا التخصص الموجود في اغلب الجامعات فيها
هو mass communication
الواحد صار معاد يضمن اخاف تختار mass communication تجي الوزاره تقولك غير معتمد المعتمد هو mass media او digital media .

شكرا لكم واسف على الاطالة