تجمع المتضررين من شرط امتداد التخصص أو إلغاءه - [ المرحلة العاشرة ]

ليه قلبي حاسس انو مافي شي راح يتغير

بيتغير اذا تجمعنا ووصل صوتنا

( تمت المشاركة باستخدام تطبيق مبتعث )

فيه احد يقدر يكتب مقال ما يزيد عن 500 كلمة عشان بينشر بإذن الله في جريدة الرياض عن مشكلتنا ؟؟

السلام عليكم ورحمة الله وبركاته،،،
انا تخصصي بكالوريوس ادارة موارد بشريه وناوي ان شاء الله ماجستير على نفس المسار ولاكن مع الاسف مو موجود ماجستير ادارة موارد بشرية في المرحلة العاشرة ما هو الحل برأيكم

معليش تحملني شوي .. اسئلتي واجد .

متى تواصلوا معك بالظبط وبلغوك بالترشيح ؟؟ والضمان المالي كم خذا منك وقت ؟؟ ومن وين صادر من المستشفى او الجامعة ؟؟

شد الهمه معنا و اكتب برقيه في موقع الديوان او عالهاشتاق بالتويتر ، وعسى ربي يغير احوالنا و يسهل علينا هالبعثه

#متضرري_المرحلة_العاشرة_للابتعاث


( تمت المشاركة باستخدام تطبيق مبتعث )

ماني فاهمه طريقة موقع الديوان معليش ممكن احد يشرحلي احس اني تنحت
وبالنسبه للقروبات ممكن نسوي قروب للبنات وقروب للشباب والمسؤول عن كل قروب يتواصل مع القروب الثاني
لو ضروري موضوع القروبات
وبالنسبه لي اتمنى يصير فيه تجمعات في الوزارة المشكلة احنا البعيدين جدا مانقدر نجي ياريت يكون فرض كفايه يقومون فيه اهل الرياض والقريب منها واللي يقدر يجيهم والله هذا الحل المثالي

( تمت المشاركة باستخدام تطبيق مبتعث )

ابد اخوي خذ راحتك اسأل وسأل وسأل

اسبوع بعد التقديم حددو لي موعد المقابله وبعدها

باسبوعين تقريبا طلعو النتائج وبعدها ارسلت لهم

الوثايق عشان يرسلوها للوزاره بس للاسف الوزاره

تاخرة بالرد علينا بس الحمد الله ردة قبل شهر

الضمان المالي صدر من الجامعه لان المستشفى

تابع للجامعه الضمان المالي ما يخذ وقت مجرد

ما ترجع المعامله من الوزاره ترسل لك الجامعه على

الايميل تقولك تعال خذ الضمان المالي. المشكله

بالوزاره تتاخر بالمعاملات


( تمت المشاركة باستخدام تطبيق مبتعث )

ياسلام عليكم كذا طريقة التفكير ولا بلاش

حلو ان الجميع الان قاعد يفكر بحل بدون مايقعد يحرق بنفسه وهو مكانه

فيه وحده من الاخوات كاتبه معروض يصلح ترسلونه برقيه وصيغته ممتازه جدا
و ابي اعقب على فكرة المحامي حالياً ماتصلح بدري عليها لان المحامي ماراح يسوي شي
انا اقترح انه من هنا للعيد ماصار شي نتفق مع محامي ويكون شخص معروف ويقدر يدخل ويتكلم مع الوزير
ويصعد الموضوع اعلامياً لان مو كل محامي فاهم ولا كل محامي له علاقات ويقدر يدخل على المسؤولين

اما الشي الضروري انه لازم الاسبوع هذا نضغط نفسنا ونكثف الايميلات والرسايل وجهودنا في تويتر والمنتديات الاخرى
لازم يعرفون ان حنا طموحين ونبي نكمل دراستنا
وفيه نقطه ضروريه اخوانا في المرحله التاسعه عرفت كيف تفرقهم الوزاره بحيث كل واحد صار اهم شي انه هو يطلع وماعليه من احد
وبالمقابل لو تكاتفو مع بعض كان طلعو كلهم
الخلاصه ابيكم تعرفون انه افضل وقت يسمعون لنا فيه هو رمضان عشان يحدثون النظام ويسمحون لنا بالتقديم الكتروني
لان لو بدى التسجيل الكتروني ولا واحد منا يقدر يسجل بيرفضه النظام بحجة ان تخصصه مو موجود
لكن لو تحركنا وتجمعنا الاربعاء عند الوزاره ومعنا معروض بنفس الكلام بحيث نوحد الكلام الي نبي نوصله
صدقوني مايجي يوم الاحد الا وحنا مستثنين
انا اعرفهم زين موظفين التعليم العالي وتربطني بهم علاقات يكرهون التجمعات ومستعدين يتنازلون
لان البرنامج بالاساس بدون شروط وهم من حط الشروط والتعقيد

الخلاصه : طلبتكم خلونا نشد الهمه هالاسبوع و اقترحو في تويتر و المنتديات الاخرى عن تجمع الاربعاء عشان يكون عندهم وقت للرد بحيث لو ماردو علينا الاحد نقدر نضغطهم الاحد والاثنين
الي هي اخر يوم دوام ( الي يبي يحقق حلمه لازم يتعب و يجتهد له بعدها يحس بطعمه )

اتمنى لكم التوفيق و تقبل الله صيامكم وقيامكم

كلامك جميل..بس احب الفت نظرك لنقطه..انا من المرحله التاسعه ومن التخصصات التي تم اعادة ترشيحها..انت ذكرت ( اخوانا في المرحله التاسعه عرفت كيف تفرقهم الوزاره بحيث كل واحد صار اهم شي انه هو يطلع وماعليه من احد) والله ماعرفت تفرقنا الا والله اننا طفشناهم كل يوم واحنا قدام الفوزان والزهراني..

و اعذرني هنا انت غلطان كنا على قلب رجل واحد وسوينا اشياء ادت ثمارها وصعدنا الموضوع لمستوى اكبر من تخيلك...فرجاء لا تضيع جهود طلاب المرحله التاسعه بكلام ليس له مرجعيه وتم العمل على ترشيح جميع التخصصات وليس تخصص معين..مع العلم تم ترشيح اغلب التخصصات

وكم لله من لطف خفي.