الاستفسارات الخاصة بـ المرافقين - [ المرحلة العاشرة ] ( 10 )

هلا لابد أن أحصل على اجازه دراسية من عملي لإكمال دراسته الماجستير...

أتمنى اجابتي

اقتباس:

---

المشاركة الأصلية كتبت بواسطة shmo5

راح اطلع لمرافقي اخوي فيزا سياحيه
وحجزت بنفس الموعد
السوال الضمان المالي الخاص بي
يغطي المرافق
والا لازم شهاده بنكيه

---

السلام عليكم
الضمان المالي مايغطي المرافق

بس حبيت أضيف تجربتي
بدأت دراسة مرافقي قبلي بأيام (نصيحة لكل مبتعثة يا يكون معاك أو بعدك دراسته) و معهدي تأخر بتسلمي ورقة المباشرة اللي فيها أقدر اشيل إيقاف الصرف و من ثم أقدر ارفع طلب فتح ملف مرافق دارس

طبعا اضطرينا ندفع تكاليف دراسة مرافقي، و لما رفع طلب تعويض من بوابته رفض و كان الرد بأن التعويض فقط إذا انتهى و رفع تقاريره


وبس، هذا جزء من اللي حصل لي مع ملحقية حقول التجارب

اقتباس:

---

المشاركة الأصلية كتبت بواسطة Business22

السلام عليكم انا مبتعثه للمرحله العاشره
وصلت امريكا وفتحت ملف مبتعث اساسي وجاني الضمان المالي،بعدين جاني ايقاف صرف لاني لسى ما ابتديت دراسه اتوقع ! واضفت مرافقي اللي هو اخوي
اخر شي رفعت له طلب فتح ملف مرافق دارس عشان نحصل على الضمان المالي له
وجاني الرد منهم : حالة الطلب (معاده للطالب ) : والسبب :for the main student needs to remove the HOLD first before we can open the file for dependent.

ايش يعني ؟ وكيف احصل على الضمان مالي له قبل الدراسه عشان يبدا دوام !!!
جزاكم الله خير ياليت تدلوني باسرع وقت لان مابقى شي عالدراسه :"( !

---

نفس اللي حصل معانا
اول تجيبي ورقة مباشرة من المعهد
عشان هالورقة مطلوبة لرفع إيقاف الصرف
تواصلي مع معهدك و قولي ابغى proof of attendance
و بعدين من سفير الطلبة سوى طلب إعادة الصرف اتوقع اسمه كذا
و ارفقي الورقه + i-94 حقتكم

بالتوفيق والله يسخر لكم

اقتباس:

---

المشاركة الأصلية كتبت بواسطة Emcee

الله يوفقك شكرررا جدا عالتوضيح.. يعني اذا المرافق جاب قبول جامعه الملحقيه تدفع له رسوم الدراسه وينزله راتب مثله مثل المبتعث الاساسي؟ لاني سمعت ان الملحقيه تدفع دراسه للمرافق فقط سنتين .. ارجو توضيح هذه النقطه عزيزي واشكرك مجددا ..

---

اعتذر عن التأخر في الرد،
في حال إلحاق المرافق بعضوية البعثة، نعم، سيتم اعتماد مخصص شهري للمبتعث المرافق، ودفع كافة الرسوم الدراسية له.
أما بخصوص تغطية الملحقية المصاريف الدراسية لمدة سنتين.
ليس هناك أي تصريح ينص على أن الملحقية سوف تتكفل بدفع رسوم دراسية للمبتعث المرافق لمدة سنتين فقط.
نصيحة للجميع:

استخدم خاصية -- استفسار -- من البوابة الإلكترونية لضمان حقك في حال تطبيق اي قرار جديد دون إشعار مسبق. وتجنب المكالمات الهاتفية في استفسارك عن الخطة المستقبلية وكل ما يخص الأمور الدراسية.

بالتوفيق،،

اقتباس:

---

المشاركة الأصلية كتبت بواسطة هاشم رفاعي

هلا لابد أن أحصل على اجازه دراسية من عملي لإكمال دراسته الماجستير...

أتمنى اجابتي

---

نعم، لابد من حصولك على إجازة رسمية --- موثقة من الغرفة التجارية للحرص---، وبدون راتب.
كما حصل معي ، تم اعادة طلبي، بسبب أن الإجازة يجب أن تكون موثقة من الغرفة التجارية.

أو خطاب استقالة.

بالتوفيق،،

اقتباس:

---

المشاركة الأصلية كتبت بواسطة Bowsul

نفس اللي حصل معانا
اول تجيبي ورقة مباشرة من المعهد
عشان هالورقة مطلوبة لرفع إيقاف الصرف
تواصلي مع معهدك و قولي ابغى proof of attendance
و بعدين من سفير الطلبة سوى طلب إعادة الصرف اتوقع اسمه كذا
و ارفقي الورقه + i-94 حقتكم

بالتوفيق والله يسخر لكم

---

جزاك الله خير شكرا عالافاده
طيب انا ارسلوا لي ضمان مالي يعني بقدر ابدا دوام ، لكن اخوي المرافق كيف يبدا يداوم وهو ماعنده ضمان ؟!! المعهد طالب اول يوم نقدم له الضمانات :(

حابة اسأل
بالنسبه للمرافق اذا عنده فيزا سياحيه هل لازم يطلع ثانيه ولا يحولها ولا عادي يسافر بالسياحيه؟؟؟

اقتباس:

---

المشاركة الأصلية كتبت بواسطة a_nm91

حابة اسأل
بالنسبه للمرافق اذا عنده فيزا سياحيه هل لازم يطلع ثانيه ولا يحولها ولا عادي يسافر بالسياحيه؟؟؟

---

طالما أنها غير منتهية، فبإمكانه السفر دون الحاجة لاستخراج فيزا أخرى..

لو سمحتوا كم مكافاة المرافق اللي فيزته f2 والمرافق الطفل والمبتعث الاساسي .. بالدولار الامريكي