تجمع طلاب وطالبات تخصص علم النفس الاكلينيكي - المرحلة العاشرة ( 10 )

مو الأزم تكون ١٠٠٠ ساعه
حتي ف بريطانيا وهي القوي ف تخصص مافي كدا تدريب وكمان جامعه تبوك فيها ماستر عيادي هم ما عندهم كدا تدريب والهيئة تعطيهم تصنيف .
هذا تصنيف قديم قبل مايستبعدوا بريطانيا من الابتعاث
وانا اعرف كثير ماستر عيادي ف أمريكا .،، فلا تخافوا

ف لو سمحت ❤️
تعطينا افضل جامعات بنسبه لتخصص
الآني والله تعبت وانا ابحث
وشكرا

عفوًا أخي ، ماستر علم النفس العيادي جامعة تبوك ١٠٠٠ ساعة تدريبية .. لانني كنت بسجل فيه بس بطلت و شفت كل المعلومات عن البرنامج..
و ترا هيئة التخصصات الصحية اعيد و أكرر و رب الكعبة في ناس ما اتصنفو بسبب عدم موافقة ماعيير الشهادة الي من الجامعة الخارجية لمعايير الهيئة السعودية للتخصصات الصحية ..
خلينا نكفي انفسنا شرهم و ندور على البرامج التي تحتوي على الاقل ١٠٠٠ ساعة تدريبية نكون في بر الأمان على الأقل ..
خلينا نتعاون يا أخوان و اللي يلاقي جامعة متفقة مع المعايير يحطها هنا و كده نقدر نحصر أفضل الجامعات بإذن الله ..
بس صدقوني حتى أفضل الجامعات الأمريكية مو شرط ان الجامعة الامريكية معروفة و مستواها عالي يعني ان علم النفس الاكلينيكي فيها بيرفكت
بعض الجامعات مهي مهتمه بالتخصص مع انها من افضل الجامعات و تلاقي مكتوب في نفس وصف البرنامج باللغة الانجليزية ( لمن يريد ممارسة المهنة اكلينيكيًا فالتدريب في هذا البرنامج غير كافي ) أو ( التدريب المتضمن في هذا البرنامج لا يعتبر تدريبًا يؤهلك لممارسة المهنة الاكلينية )
يعني بالعربي مفتوح البرنامج ممكن للمعيدين و المعيدات أو الي ما همته الرخصة و العمل بالمجال الصحي و يبغى وظيفة تعليمية ساعتها ما يهمك ساعات التدريب ..
سامحوني عالاطالة بس اتمنى من كل قلبي ان الفكرة وصلت ، و انا متفائلة ان غيري يملك معلومات اكثر عن هذا الموضوع ..
و يارب يجي احد و يفيدنا

و أعيد و أكرر أنتبهو لوصف البرنامج عند بحثكم عن برنامج ماجستير علم نفس عيادي .. وصف البرنامج يوضح اشياء كتير مهمة منها قدرتك على الممارسة الاكلينيكية و تأهيلك لها بعد التخرج + الوظائف التي يؤهلك البرنامج الى شغلها بعد التخرج من هذا البرنامج ، و كل برنامج في كل جامعة ١٠٠٪ الكلام يختلف .. فتحو عيونكم ترا في اشياء في نص السطور الواحد ينتبه دحين احسن..

يعني من كلامك ان الماستر ف جامعة تبوك افضل
ومعني كدا الأفضل تكنسل بعثه ونتجة لجامعة تبوك ؟؟
وليه مانقول ان
طلاب للي تعرفينهم ماصنفتهم الهيئه مايكون تخرجوا من جامعه معتمده من تعليم العالي ؟

وانا كمان اعرف ناس تخرجوا من جامعة بانقور ف بريطانيا ودي الجامعه مافيها تدريب ١٠٠٠ساعه
وهم الان يشتغلوا ف مستشفي الملك فهد تخصصي !!

ومستحيل ف جامعات بامريكا موصي عليها من تعليم العالي ومعتمده ف الابتعاث وتصرف مصاريف للابتعاث وآخرها الهيئه ماتصنفك؟

ماستر تبوك يا بخت الي يلاقي القبول فيه ، لكنني قررت عالبعثة لاسباب شخصية منعتني من تبوك..

الي تخرجو و ما تصنفو متخرجين من بعثة الملك عبدالله من جامعات معتمدة من التعليم العالي..

و لعلمك اخي الكريم لما تروح برا و تخلص اللغة و لما تجيب قبول من جامعة التعليم العالي لو شاف الجامعة غير معتمدة يرفض .. الابتعاث ما يرموك في اي جامعة لازم تكون من ضمن الجامعات المعتمدة الموصى بها + مع ذلك معظم هذه الجامعات الموصى بها لا تمتلك التدريب الي يهيئك للممارسة الاكلينيكية طبقًا للهيئة السعودية للتخصصات الصحية..

اخي اتمنى تتأكد من معلوماتك جامعة بانقور فيها تدريب ١٠٠٠ ساعة تكلم عنها حساب ethics4psychology أو ( علم النفس الاكلينيكي ) في تويتر و قالو عنها انها جامعة ممتازة مؤهلة للممارسة الاكلينيكية و يوجد بها تدريب تحت افضل الناس.. تكلم عنها دكتور فلاح العنزي مؤسس برنامج علم النفس الاكلينيكي بجامعة تبوك و ايضًا تكلم عنها الدكتور أحمد صاحب حساب علم نفس لطفلك في تويتر و نصح بها و هو طالب دكتوراة في احد جامعات استراليا حاليًا ..

+ مو بس خريجي علم النفس الي تضررو من هذا الجانب ، اعرف وحده خريجة تخصص تغذية اكلينيكية رفضت الهيئة السعودية للتخصصات الصحية تصنيفها بسبب عدم موافقة معايير الشهادة من الخارج للمعايير التي وضعتها الهيئة ..

صحيح ممكن الكلام محبط قليلاً بس انا زيكم بالزبط و معاكم .. و انا كلامي هو فقط للتنبيه للاخوة و الاخوات فقط لا غير عشان ارتاح نفسيًا انه معلومة عرفتها و نقلتها لكم و اتمنى يكون الجميع عنده علم الان بأهمية هذا الموضوع ..

جامعه بانقور فيها طالبه ماستر اسمها مها الراجحي وانا كلمتها ومتابعها بتويتر وقالت بحرف ان جامعتها مافيها تدريب ولكن فيها معمل وبعض المحاضرات يجيهم مريض يشرحوا عليه
ولكن ليس معتمد ف المقررات الدراسيه

اما عن حساب علم النفس الاكلينيكي كلمته قلت أنتم عندكم تدريب ١٠٠٠ ساعه قال لا ولكن عندنا تدريب وعندنا شراكه من جامعه بأستراليا

رجعت وسألته تنصحني أخد ماستر ف جامعتكم او في امريكا ... طنشني

رديت عليه بضحكه وقلت وصل الجواب
ف سوا لي بلوك بتويتر
( افضل جامعات بتخصص هو استراليا هي فيها تدريب ١٠٠٠ ساعه وبس)
ولكن مافيها ابتعاث

ومثل ماقلتلك دا الحساب متعصب لجامعة تبوك
وانا كلمته بنفسي
وهدا الدليل

اوكي اخي ما اختلفنا أنا أصلاً تمنيت أحد يثبتني خطأ لأن الموضوع شنيع و هو لا في صالحي ولا في صالحنا جميعًا و حيضرنا اكتر مما ينفعنا !
بس برضو لازم نحط فكرة معايير الهيئة بالنا .. الواحد ما يضمن ايش بكره يسير بالذات ان رخصتنا لمزاولة المهنة في يد الهيئة ..
موجود جدول اعتقد ما ادري اذا شفتو ولا لا قائمة التصنيف لتخصص علم النفس من موقع الهيئة !
لو احد لقيه يا ريت يحطو هنا ..

و شكراً للتوضيح اخي و اتأسف لطيلة النقاش

ابي اتأكد بس طريقة بحثي عن جامعات في الجامعات الموصى بها
المرحله / ماجستير
التخصص/ Clinical Psychology
نوع الجامعه / الكل
وضع الجامعه / غير موقوفه


صح كذا ؟!
انا بكالوريوس علم نفس -
مقدمه ماجستير علم نفس عيادي امريكا

للأسف يا اخوي اصحاب هذي الحسابات غير متعاونين
وأتكلم عن تجربه انا يا دوبي طالبه لسا صغيره احتاج توجيهم ومع ذلك صدوني ولا ساعدوني

بالإضافة يوم بحث في حسابات علم النفس العيّادي لقيتها باللغه الانجليزيه 💔


ولو تلاحظوا كل المسؤولين في جامعة تبوك و اللي يشجعون الطلاب انهم يكملوا في تبوك شهاداتهم من كندا و استراليا و بريطانيا
هههههههههههههه

لا تنتظرون مساعده منهم لان حساباتهم فقط ( حب ظهور )

وكل ما سألتهم يقوموا يحطموني القبول صعب جدا القبول شبه معجزه طيب كيف هم انقبلوا ! ههههه



اساسا بالمنطق اكيد مستوى جامعات برا افضل من جامعة تبوك 😂💔


ونقطة مهمه اللي مقرر يمارس العلاج و التشخيص يطلب من الجامعة اللي مقدم عليها انه يضيفون ٢٠٠ ساعه على الساعات المعتمده و يشرح لهم الوضع

لاني سمعت شخص يدرس في جامعة في امريكا و ساعات التدريب المعتمده له ٨٠٠ وطلب منهم أضافه ٢٠٠ ساعه

دا حقيقه وللاسف