تجمع طلاب وطالبات علوم الحاسبات - المرحلة العاشرة ( 10 )

الحمدالله كلو من فضل الله ومنه .. ايوا الصراحه انا مرافقي يتعالج في ولاية بنسلفانيا ولازم اكون عنده ..

شكراً لك
انا باذن الله سأنتهي من اللغة في أقل من سنة كون لدي حصيلة مناسبة
المعاهد التجارية الاغلبية لا تنصح فيها الا للمبتدئين جدا وتكون لبضعة أشهر .. صحيح الجزء الكبير في التعليم على الطالب لكن بيئة الدراسة ونظامها له دور في التطوير أيضاً

شكرا لك

اذا كذا .. ف الرأي لك بكل الأحوال وفكري فيه زين ومثلك ما شاء الله عارف وفاهم هالأمور كلها .. ولكن نصيحتي للي مستواهم مثلك، خلّي وجهتك دائماً للجامعة الأم في الولايه نفسها ( PENNSYLVANIA STATE UNIVERSITY ) .. اقرأي عن الجامعة أكثر وتعرّفي على القسم والدكاتره، وتصنيفها مره ممتاز وفيها تخصصك .. وعسى الله يوفقك ..

هذا المووضوع جداً تختلف فيه وجهات النظر .. ولكن أنا اقولك تجربتي والي مقتنع فيها تماماّ ولو عاد بي الزمن تسع سنوات للخلف لاتخذت نفس الاجراء ..

بدات في الدراسة في معهد لغة تجاري في بريطانيا ، وكان دخولي للمعهد على مستوى upper int. بمعنى باقي لي مستوى واحد فقط على الأخير وهو advance .. جلست في المستوى حقي شهر واحد بس وبعدها رفعوني للمستوى الأخير ..
كان ما عندي مشكلة أعرف اتكلم واكتب بس قلت أباخذها على رواقه، أنا طالع في البداية وهدفي الأول تعلم اللغة قبل الماستر .. وجلست بالمعهد التجاري هذا ست شهور، وبعدها لمعهد ثاني ست شهور أخرى ... كملت سنة كامله في المعاهد التجارية وانا مستواي متقدم من الأساس، ولكن تبقى الانجليزية ( لغة ثانية ) وليست اللغة الأم .. صح ان لغتي ممتازه، لكن ترى كل يوم اتعلم شيء جديد .. وأنا عارف من الأساس ( وهذه حقيقه ) ان المعهد الأكاديمي ليس الا (جسر) لدخولك للجامعة سواء بكون المعهد تابع للجامعه او يأهلك للاختبارات .. أما موضوع انه يساعدك عشان بحوث الجامعه ووو .. ف هذي اكتشفت ان كلها كلام فاضي ... كل الي تعلمته في ست شهور في المعهد الاكاديمي ( صحيح انه أفادني ) لكن ليس للجامعه ... كل ما يتعلق بالجامعه راح تتعلمه بالجامعه ( من كتابة بحوث ووو ... ) وراح تجي معك كلها من أول شهر لك بالجامعة كثر الي درسته بالمعهد الأكاديمي ( وأكثر ) ..
وأنا أؤمن ايمان تام بأن حديثك يعكس شخصيتك، واختيارك للمفردات ( سواء عربي أو انجليزي ) يعكس مستوى ثقافتك .. وأشوف الكثير من زملائي ما شاء الله عليهم عندهم علم جبّار في مجالهم، لكن مستوى اللغة عندهم ليس بتلك الاحترافية التي ممكن تظهر كل ما لديه من علم وثقافة ..

كان الموضوع بالنسبة لي أكثر من أنه فقط يخولني لدخول الجامعة، بل بحثت عنها باللهجة المحلية البريطانية ( الأصلية ) .. والله سبحانه وتعالى كان خير معين ،،،


خلاصة الكلام، موضوع اللغة مثل ما قلت كل واحد له وجة نظر .. كل حسب أهدافه ..

والله يوفقكم جميعاً ،،،

وعليكم السلام ورحمة الله

أنا سؤالي ليه تخصصت ماستر نظم بعدين دكتوراة بتقنية المعلومات ؟ ليه ماكملت بتخصصات النظم الدقيقة ؟ وهل هذا الشي مهم والا كلو واحد أكاديميا يعني


وسؤالي الثاني لك وللجميع

انا معي بكالوريوس نظم وانا بمنطقة اذا رجعت ماقدامي وظيفة تتناسب مع شهاداتي الا أكاديميا ومحتارة بين تخصص نظم أو أمن معلومات

أمن المعلومات اللي خايفة منه انه يكون صعب واتخرج بمعدل منخفض وبالنهاية بتكون شهادته مثل النظم اكاديميا

نظم المعلومات مو حلبته لاني ماابي أتخرج وأنا مامعي مهارة محددة مثل البكالوريوس أحس اني تخرجت معي معلومات كثيرة عن اشياء كثيرة بس ولا شي محترفة فيه ، لاتقولون لي انتي طوري نفسك وبلا بلا بلا أكيد بطور تفسي بس حابة اتخرج بمهارات عملية تفيدني لو حصلت وظيفة احسن من الاكاديمي


وشكرا

بالنسبة للسؤال الأول: بحكم اني طالب دكتوراهـ ، ف يهمني في المقام الأول المشرف الخاص بي .. وبعد البحث والتواصل لقيت المشرف المناسب في الجامعه ولكن للأسف فقط تخصص IT المتاح في الجامعه ، ولا يوجد فيها تخصص IS .. والتشابه بين التخصصين كبير جداً .. وبحكم مجال بحثي في الماجستير والدكتوراهـ ( التجارة الالكترونية ) فهي ممكن أن تكون ضمن هذين التخصصين .. ولا يهمني اسم التخصص بالمقام الأول ! ولكن نقطه هامه جداً لك وللأخوه جميعاً : إذا تخصصكم في البكالوريوس كويس، كمّلو عليه لا تغيرونه .. انا تخصصي في البكالوريوس من البداية كان تربية حاسب آلي .. وكان لازم علي أغيره .. وهذا سبب لي مشاكل يوم رجعت أقدم على بعض الجامعات للتوظيف ... ومع ان معدلاتي كلها جيدة جداً وعندي خبرة ممتازه في مجالي، ولكن كان سبب رفضهم ( أن الجامعة تسعى لتطبيق نظام ( XXXX "لا يحضرني اسمه" ) ولكنه معيار لأحد المنظمات الأمريكية والتي تمنح الجامعة شهادة إذا كان جميع الموظفين الاكاديميين لديهم نفس التخصص ( أو نفس الامتداد ) في جميع المراحل .. وبناءاً عليه ف طلبي مرفوض ( تحديداً حصلت لي في جامعة المجمعة وجامعة الخرج ) ...


بالنسبة للسؤال الثاني ، من الآخر أقولك، انسي حاجه اسمها خبره عملية تاخذينها من دراستك في اي تخصص .. أي نعم هناك حلول ( ممكن تشتغلين وانتي تدرسين بالجامعه ومعظم الجامعات تسهل وتوفر لك الوظيفة إن اردتي للتطبيق في مجالك ) .. لكنها مستحيله تتخرجين بخبرات عمليه من خلال دراستك بالجامعة فقط ... تخصصك ممتاز جداً ومطلوب، أسألي الي شايف سوق العمل عندنا .. أنا اقولك اذا خريج نظم معلومات ماجستير وبدون خبرات نهائياً أول راتب لك ١٢ ( ويوصل الى ١٨ حسب مستواك ) .. وبعد السنة الأولى او الثانية على الأكثر يجيك الخير ... ما يجي بعد التخرج على طول ..

شكرا لك ردك أفادني كثير والله يوفقك في الدنيا والاخرة

الطلب تحت الإجراء: يرجى استكمال إجراءات مطابقة الوثائق، وعدم القيام بذلك يعني انسحابك من التقديم

تغيرت حالة الطلب إلى هالكلام

بحثت عن معناها واتضح لي ان المقصد (تم قبولك مبدئياً وسيتم تحديد موعد المطابقة ولازم نحضرها لان عدم الحضور يعني الانسحاب)

ونقول مبروك لكل من طلع له هالكلام ..
واللي انرفضوا نقول ان الخيره فيما اختاره الله
وارضو بقضاء الله و قدره

بالتوفيق لكم جميعاً

ملاحظة : لا تنسوا سجود الشكر

السلام عليكم..
عندي استفسارين اتمنى احد يفيدني..
١- انا حطيت رغباتي امريكا كندا استراليا هل استطيع البحث عن معهد لدراسة اللغة في كندا وبعدها ايضا دراسة الجامعة في كندا! ام يجب التقيد بالرغبات؟
٢- عند بحثي في موقع الوزارة (ماجستير هندسة برمجيات) بس طلعتلي امريكا! المقصود انه الجامعات المعتمدة لتدريس تخصصي في امريكا فقط؟

نعم تستطيعين تبحثي معهد ب كندا بس ايش الي مأكد لك انك راح تترشحي ل كندا ممكن تترشحي لامريكا او استراليا هذا اولاً وبعدين انصحك تبحثي عن قبول مشروط لان القبول للماجستير صعب تحصلي قبول بعد اللغه اذا ماعندك قبول مشروط من اول
اما بشان بحثك عن التخصص فهذا غير صحيح في جامعات في كندا واستراليا معتمده في تخصص هندسة البرمجيات وانا شخصياً ابغى احول تخصصي من علوم الحاسب الى هندسة البرمجيات او نظم المعلومات وايضاً حاط رغباتي مثلك الاوله امريكا و كندا واستراليا
وحاب اتواصل معاك اذا ممكن