شرح طريقة التسجيل في برنامج خادم الحرمين للإبتعاث الخارجي - [ المرحلة العاشرة ]

الرقم المرجعي هو رقم موجود غالبا في اعلى الشهادة تقريبا ١٠ ارقام
لكن طالما انه غير إلزامي لايهم

تخصص ماقبل الطب مو موجود !!!! بين التخصصات ايش احط

ماقبل الطب ليس تخصص بذاته وانما هو التخصص في احد العلوم
مثل العلوم الطبية
الكيمياء
الاحياء .. الخ

في امريكا لازم تدرس احد العلوم وبعدين تدخل الطب

فاهمه دا الشي بس مو لازم احطلهم انو ماقبل الطب لانو اخاف اروح ع اني بدرس التخصص الي ححطو مثلا احياء
بعدين مايقبلو ادرس طب انو كيف بوضحلهم اني رايحه ادرس طب بعد تقديم بكلوريس الاحياء ؟!؟!
ولا اصلا مافي طب لامريكا للي ماقدم بكلوريس بالسعوديه
والله محتاره

نصيحه اقرأ عن القبول في امريكا للطب بكالريوس قبل ماتسجل

يعطيكم العافية
انا اليوم رفعت شهادتي للمعادلة
من وين اجيب افادة بان الشهادة قيد المعادلة هل من الوزارة نفسها او الملحقية الي ببلد الدراسه
او ممكن اني اطبع المعاملة الالكترونية و ارفقها هل تنفع؟!

أنا كمان حالة الطلب تبعي تحت الاجراء

انا بنت xD
قرأت و عارفه مدا صعوبه القبول بس كمان في ناس درسوا طب بامريكا و انقبلوا االواحد بس لازم يشد ع نفسو
بس انا دحين ماني عارفه ايش احط باختيار التخصص خايفه يكون مافي اصلا ماقبل الطب ببرنامج الابتعاث و اروح ادرس اربع سنين بكلوريس ع الفاضي و اتورط ><

عزيزتي .. مش انتِ اللي راح توضحي لهم , كفاءتك ودرجاتك هي اللي تثبت استحقاقك لمقعد في كلية الطب ..
الحاصل كالآتي ..
في استمارة التسجيل راح يسمح لك باختيار احدى الرغبات الخاصة بما قبل الطب ( كيمياء , فيزياء , احياء )
واثناء دراستك للبكالوريوس في احد تخصصات العلوم الأساسية, راح تدرسي مسار يربط بين الطب والعلوم
وبعدها على حسب معدلك وانجازاتك خلال فترة الدراسة "مشاريع, ابحاث, اعمال تطوعية.. الخ" اي شيء وكل شيء يدعم قبولك
بالاضافة الى درجتك في اختبار MCAT .. بعد كل هذا راح تدخلي في منافسة مع الطلاب الأجانب كلهم بغض النظر عن هوياتهم,
اخيراً بعد تجاوز كل هذه الأمور ان شاء الله .. هنا فقط يتم تحديد امكانية قبولك في احدى الجامعات الامريكية لدراسة الطب
لذلك معظم الطلبة يكون توجههم لدراسة الطب في اوروبا او احد الدول العربية .. مبتعدين عن امريكا وكندا ووجع الراس.
وبالتوفيق لك ان شاء الله


- - - مشاركة محدثة - - -

نعم اطبع المعاملة .. يكون موضح فيها ان شهادتك قيد المعادلة.

انا دا الشي فاهمتوا بس النقطه الي خايفه منها و حابه اوضحها
انو انا مثلا رحت بعثه ع دراسه علوم الاحياء بامريكا و خلصت الاربع سنين و اخدت الشهاده
بعدين بدي ادرس طب نفترض ربي و فقني و كل المتطلبات كانت معايا و نقبلت باحد الجامعات
انا كيف حرجع اقدم ع بعثه طب بكلوريس ! و اصلا مسموح لي فقط ابتعاث بشي واحد يعني ابتعث اول مرا ع احياء بعدين ارجع اقدم ع طلب ابتعاث طب في امريكا !
اخاف وقتها يرفضوا لانو صار تخصيين
بس انا ابآ افهم ايش خطت الوزاره بدا الموضوع >< >< ><
مثلا لو كان مكتوب زي موقايلين مرحله ماقبل الطب احطها بعدين اختار تخصص الي حدرسو بالكلوريس بعدين اقدم ع طب كيدا حتطمن
بس هينا بس ححط علوم احياء و انا ماني عارفه لو الوزاره موافقه ع انو ادرس طب بعدها !
لانو كمان اتعب اربع سنين اخر شي يرفضو دراستي للطب والله وقتها حنصدم
ف ياريت احد يوضحلي
و فعلاا اسسفه ع الاطاله و اسألتي الكتيره ^^