هنا شاركنا افكارك .. رغباتك وتطلعاتك - المرحلة العاشرة ( 10 )

شكراً على الموضوع
مع اني سافرت لحالي بدون العائلة من قبل ودرست ترم صيفي في الصين واوروبا

وكنت جداً متحسمة على البعثة
بس لمن يقرب الوقت والحقيقة تصدمك... شعور جداً غريب
ما اتخيل ابعد عنهم سنتين او ثلاثة وبالزات في بلدان ماعمري زرتها

الله يسهل بس

مشكلة واجهتها مرة في سفرة: اهتزاز الهوية. لمن تكون إنت لحالك اللي يبغى يروح يصلي ولحالك اللي مايشرب خمر وياكل من مطاعم محددة ولحالك اللي ماتصافح وتحضن الجنس الآخر وينظر لك البعض على إنك من دول العالم الثالث المتخلفة و إنك إرهابي متطرف وماتعرف تحل المشاكل إلا بالعنف وووو...إلخ تبدأ هويتك تهتز وإيمانك بمعتقداتك يضعف. هذي مشكلة جذرية تؤثر على دين الواحد ودنياه ويسير مو واثق من أي شي حتى من نفسه ودينه وتربية أهله إلا أن يستره الله بفضله! الحلول في نظري هيا إنك تقرأ القرآن لأن فيه تثبيت، تقرأ كتب مفيدة تعزز الهوية الإسلامية والعربية زي استرداد عمر للكاتب أحمد خيري العمري، وتوصي الوالدة ربنا يحفظها بالدعاء بالهداية لك، يقول الشافعي رحمه الله "أتهزء بالدعاء وتزدريه وماتدري بما صنع الدعاء؟ سهام الليل لاتخطي ولكن لها أجل وللأجل إنقضاء"

موضوع جميل إذا خطرت في بالي خواطر ح يسعدني جدا إني أشاركها هنا! شكرا لصاحبته

شكراً لكِ أختي سارا على جهدك ..
شكراً لكِ أختي بائعة التوت أيضاً ..
لا غنى لنا عنكم , لكن أسمحوا لي طاقم الإشراف يرغب بالحدّ حالياً من المواضيع الجديدة ..
لذا سيتم دمج مواضيعكم في موضوع واحد ..
مع تغيير مسمى الموضوع الأساسي .. ليناسب الجميع ..
اعذرونا .. وبالتوفيق لنا ولكم.

الموضوع ليس رائع فقط بل اكثر من الرائع

العفو

بالعكس اهم شي نفيد الكل ونستفيد بغض النظر عن الطريقة
وان شا الله نوصل لمبتغانا

موضوع جميل

وأفكاركم فعلا تبعث الحماس ،، بما إنكم متفرغين فعلا استثمرو وقتكم
بالنسبة لي ليس لدي كثير من الوقت كوني موظفة لكن سأحاول استغلال مايمكن في قراءة كتب الـ gre موجودة في مكتبة جرير
أولا تطور لغتي في القراءة والاستيعاب .. ثانيا هناك الكثير من التمارين التي سترفع من مستوى استعدادي لهذا الاختبار
هذا الاختبار مطلوب في بعض التخصصات وليس جميعها وهناك تخصصات مطلوب منهم اختبار gmat وهناك كتب له ايضا
ايضا كتب الايلتس والتوفل موجودة
و من انجليزيته ضعيفة جدا ضروري يأخذ كورس لغة على الأقل يتعلم الأساسيات ومن ليس لديه القدرة يمكنه أن يستعين بالكتب

موفقين جميعا

كلامك صحيح نوعا ما
الحين كثير عرب او بالأصح مسلمين يسافروا سواء سياحة او دراسة . . الخ
و انا أشوف انه الحين فيه تقبل كبير خصوصا انه البعثات في سنتها العاشرة و ناس كثير يدرسوا بره ولا يشوفوا انه إرهابي او غير ذلك
و بصراحة ما أشوف هالمشكلة منتشرة و اذا كانت موجودة تكون من كم من شخص و عددهم قليل
و الواحد ما يخلي موقف واحد سلبي يأثر عليه

من الاشياء اللي ممكن الشخص بسويها يقرأ عن تخصصه و يأخذ معلومات عن وش بيدرس
عشان اذا راح هناك ما يكون ما يدري عن شي

أهم شي ان الواحد يستخير و يبحث كوييس عن المدينة و الولاية و المعهد و الشعب اللي حيروح عندهم و يعرف كيف نظام الجامعة يدخل موقعها الإلكتروني يقرأ عنها و يدخل منتديات يسأل عن جامعته و معهده ، يصادق مختلف الجنسيات لا يحكر نفسه بنفس جنسيته منها لغة و منها تنويع

ربنا يوفقنا و يسهل علينا غربتنا و بعدنا عن أهلنا