محطـة انتظـار نتائـج - [ المرحلة العاشرة ]

قريبا يعني دقايق ولا ساعات ولا ايام ؟

احتمال قريبهم يطلع اسابيع

كنت متردده اكتب هالتعليق بس قلت اكتبه ولو كان من باب الفضفضه
سواء كانت النتائج اليوم او بعد سبوع ماعادت تفرق معي لان من اول يوم تسجيل وانا عايشه توتر نفسي مو طبيعي أثر على زوجي ووولدي الصغير المسكين ا
كنت متفائله 50%
النسبه تضائلت لين وصلت الصفر
السبب كان التخصص ولاني خريجه اداره عامه من جامعه الملك سعود وغيري كثير
الكل الكل هنا يقول لنا انتم مرفوضون بالرغم من ان باقي الشرووط كلها اووكي وماعليها اي خلاف يذكر
كنت افكر ان تم الرفض اقدم اعتراض وبالامس بس كنت اتصفح المرحله السابقه
اووه شوي يقولو لهم قبول شوي رفض
والملتقى يتحدد وين بكون ع اساس عدد المقبولين منهم
ان طلع بالرياض او جده كيف اقدر ارووح
اووكي عندي قرايب بالرياض بس معقوله اترك ولدي كذا يوووم عشان هم قالو بالرياض
واذا صار بجده من لي هناك مستحيل اقدر لازوجي بيرضى ولا حتى يقدر يروح معي بحكم دوامه
للأسف ورغم كل اجتهاد علمي من الابتدائي للجامعه وسجلي من المتوفقات تأتي الوزاره بشطبه قلم لتلغي كل ماقمت ببناءه والسبب التخصص ليس له امتداد
هنيأ لنا بوزارة الغت تخصصات عده بحجه غير مطلوبه بسوق العمل
طيب اذا مو مطلووبه يبعثونا ع تخصصات مطلوبه افضل من تكدس البطاله
واللي قاهرني خلاااص يوقفو هالتخصصات في الجامعات السعوديه
ليش يظلمو اجيال قادمه
انا ماقول غير الحمد الله على كل حال
بس اتمنى اي حد يقدر يوصل صوتي لجهات معنيه لحب ومصلحة الوطن سواء كان مقروء او مسموع او حتى مرئي

اذا انتهى الاسبوع الجاي و لا ردو بسحب عليهم ---) ميتين عليك 😂