انطلاق مرحلة تدقيق الوثائق والمستندات - [ المرحلة العاشرة ]

اقتباس:

---

المشاركة الأصلية كتبت بواسطة gaida

😥😥😥😥 زوجي حاليا في ابها وراح لمقر المطابقه نيابه عني قالوا لازم حضورها شخصيا
قالوا له ينتظر شوي ويستفسرون من الاداره
تتوقعون يرفضون ولو رفضوا وش الحل ؟

فيه احد يابنات راح عنها وليها امرها ودقق اوراقها بدون تواجدها ؟؟

---

لا مايرفضون ترى بعضهم يجاوبون من عقلهم
هذا اللي شفته ببعض الموظفات مو فاهمين جميع الامور .. لا يتحرك زوجك وخليه يصر عليهم انه مسموح

تكفون ردو علي
وثيقتي بالعربي وسجلي بالعربي وتدقيقي بعد ساعتين من الان
هل يجب ترجمتها ولا فقط احتاج الترجمه وقت التقديم عالجامعات

تكفوون فيه احد طابق ووثيقته وسجله عربي فقط ومشت اموره
انقذوني توترت

اقتباس:

---

المشاركة الأصلية كتبت بواسطة hajor

لا مايرفضون ترى بعضهم يجاوبون من عقلهم
هذا اللي شفته ببعض الموظفات مو فاهمين جميع الامور .. لا يتحرك زوجك وخليه يصر عليهم انه مسموح

---

فعلا كان الكلام من موظف ماعنده خبر بس الاداره قالت عادي وجاري التدقيق

مشكووره
الله ييسر لنا جميعا

اقتباس:

---

المشاركة الأصلية كتبت بواسطة كاسبر ٩

فاتني مطابقة الشهادة في ابها ، وعندما اجي للموقع مايجي معي موعد عشان انتهى الموعد
وش الحل ؟
انا من الرياض ، هل لو رحت للوزارة هنا يقدرون يطابقون ولا لابد اروح مكان ثاني ؟
علما باني ما اقدر احجز من موقع الوزارة

وش الحل ؟ افيدوني الله يسعدكم


( تمت المشاركة باستخدام تطبيق مبتعث)وووو

---

فوراً مفروض تتواصل مع وزارة التعليم العالي الادارة او اللجنة المسؤولة عن الابتعاث ، إما بزيارتهم او الاتصال فيهم... لا تضيع وقتك واتمنى يفيدونك ..

اقتباس:

---

المشاركة الأصلية كتبت بواسطة khloodsaeed

تكفوون فيه احد طابق ووثيقته وسجله عربي فقط ومشت اموره
انقذوني توترت

---

هي ي عربي ي انجليزي لو غير هاللغتين تحتاج ترجمه
مايحتاج تتوتر .

قولي امين الله يرزقك راحة بال حياتك كلها وييسر امرك خفت وانا صرت خلاص في ابها ماعاد عندي اي فرصه

بس في الاسئلة الشائعه في الصفحه الاولى مكتوب اذا كانت بالعربي تترجمها هذا الي لخبطني والمشكله ماطحت على هالنقطه غير قبل نص ساعه

شكرا عالعموم لمن ردو لاحرمكم الله الاجر 

يا اختي مكتوب بالموقع الوثيقة و السجل إما بالعربي او بالانجليزي ان كانت بغير اللغتين تترجم. جدا واضحة

اقتباس:

---

المشاركة الأصلية كتبت بواسطة khloodsaeed

تكفون ردو علي
وثيقتي بالعربي وسجلي بالعربي وتدقيقي بعد ساعتين من الان
هل يجب ترجمتها ولا فقط احتاج الترجمه وقت التقديم عالجامعات

---

ما يحتاج الا وقت التقديم ع الجامعات

بالتوفيق

الحمد لله تووها تغيرت حالتي الى حضور ملتقى المبتعثين !
الحمدلك ربي حتى ترضى والحمدلك اذا رضيت والحمدلك بعد الرضى .. الحمدلله <3
عقبال الجميع يارب

اقتباس:

---

المشاركة الأصلية كتبت بواسطة Business22

الحمد لله تووها تغيرت حالتي الى حضور ملتقى المبتعثين !
الحمدلك ربي حتى ترضى والحمدلك اذا رضيت والحمدلك بعد الرضى .. الحمدلله <3
عقبال الجميع يارب

---

الف مبروك
الله يفرحنا وتتغير الحاله يارب 🙏