الأعضاء الإشتراك و التسجيل

الملتقيات
ADs

التجارب مع مراكز مطابقة الوثائق - [ المرحلة العاشرة ]

التجارب مع مراكز مطابقة الوثائق - [ المرحلة العاشرة ]


NOTICE

تنبيه: هذا الموضوع قديم. تم طرحه قبل 1132 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. بسم الله الرحمن الرحيم
    اليوم طابقت في جدة فندق الهيلتون الساعة 8مساءً
    ماكان مرررة زحمة الوضع وسط
    امم ماعندي زيادة ع كلام الاخوان والاخوات فوق
    طبعا الموعد ولا سالت عنه
    عبيت استمارتي وتوجهت للاستقبال اللي هي المطابقة الاولى كل شي تمام عدا القدرات والتحصيلي
    قالت اللي معك ماتنفع!* وانا كنت داخلة عالملف الشخصي وطابعتها
    فمطلللع كل شي اسمي ورقمي وكلل الاختبارات اللي ابغاها واللي ما ابغاها حتئ* اهلا وسهلا موجودة ههههههههههههههههههههههههه
    فرجعت للاب توب وورتني كيف تباها فطلع انه بدون ما ادخل عالملف تبعي
    بس ادخل عالموقع قياس
    واستعلام عن النتايج
    وحتطلع كل نتايج القدرات
    فوق كل نتيجة مكتوب طباعة هذه النتيجة
    ماتسوو طباعة جميع النتايج اختارو على هذه النتيجة وتكون اللي تبغوها

    وخلاص تختارو الدرجة اللي تبغوها ويوديكم صفحة
    فيها بياناتك وجدول مكتوب فيه اللي يجيب 81% وفوق فهو افضل 5%من الطلاب ......الخ

    وتطبعوها بيطلع شكلها زي كذا
    وبعدين تغيروا من فوق تحطوا التحصيلي وتطبعوها



    *شرحت النقطة دي لانها اخرتني اكثر من ربع ساعة وماشفت احد شرحها بذي الطريقة وللفائدة للي لسا مادققوا *
    بس بعدين رحت مطابقة 1
    وكانت بشوشة لكن صراحة فاااهية انا فاهمة حسيت اكثر منها!* كان موجود كرت العيلة وصورتين منه
    وهويتي فهي الا والا الهوية قلت ماني مصورتها تقولي صوريها** لازم مايجي... الخ وقلت لها حطي بس كرت العيلة سالت اللي جمبها قالت ايوة مايحتاج الهوية قالت اااه طيب وابتسمت لي ابتسامة خخخخخخخ
    ومرررة ب ط ي ئ ي ن -.- قامت عشر دقايق تكلم جوال بس عادي مو مشكلة بالنسبة لي بس عشان يخلصوا يعني المفروض تاجل كل شي خصوصا انه ع نهاية الدوام وقعدت ع جوالي اقرا لين خلصت مكالمتها وكملت اوراقي
    والتانية باين فاهمة تمام بالاوراق وكدا استقعدت لي بالايلتس تقول 4.5 ماينفع والطب لازم اكثر
    جلست اتناقش معاها شوية وقالت انه اختبري تاني وكدا قلت ابدددا مافي وقت
    وطلبت تحطها حسيت مو عاجبها الوضع: (
    بس قلت لها خلاص حطيها وعاد بكيفهم

    امم والله بالسيارة شكيت لايكون ماحطتها!* معد انتبهت لها: /

    وصك الوكالة انا ذكرتهم به الاولى تقول لمشرفة لازم ؟ قالت ايوة قامت المطابقة الاولى تقول صك وكالة مو ولاية وذيك راحت ماردت طالعت فيها واشرت لها قلت حطيها مابتضر ماحرجع البيت بدون ماتحطي صورة منها ،،،والجواز اقولهم اخويا مو هنا برا ومعايا اثبات من الجامعة انه يدرس حاليا عندهم شافوه بس ما اخدته
    الثانية قالت تطمني خلاص كتبت نوتة عن الموضوع واخذوا صور جوازه.
    وكتبت لي السند وخلصت الحمدلله علئ* خير
    احس ابدا مالهم اي صلة باللي يصير عالقبولات وكذا

    ماعندهم خلفية عن الطب والايلتس لدرجة تقولي وحدة سالتها
    حسب الجامعة اللي قدمتي عليها!!*
    قلت لها لسا مو عارفين البلد عشان نقدم جامعات وكذا
    قالت والله ما اعرف كيف
    فغالبا بس عندهم جدول ايش اللي لازم يطابقوه وكل شغلهم مطابقة لا اكثر.

    عالعموم هما بشوشات ومتعاونات* ومرتبين ماحاسوني بالاوراق وكذا مشيت بالتسلسل وتقريبا مطابقتي من ٨ وصلت خلصت ٩:٣٧
    اللي اخرني القدرات وطباعتها واللي كلمت الجوال فقط الباقي تمام بس مشكلتهم بطيئيييين
    الحمدلله دي تجربتي وكانت كويسة
    *صح مالحقت عالاكل طلعت وقدهم يمسحو الطاولات ههههههههههههههههههههههههه* حتئ* قهوة امريكي خلصت صبيت حليب وظرف نيسكافيه*
    7 "
  2. الحمد لله خلصت مطابقه بجده فندق الهيلتون يوم الاتنين

    طبعا انا المفروض موعدي اليوم يوم التلوت يعني ، بس رحت الاتنين

    ما سالو عن الموعد و عند الشباب أصلا ما أخدو موعد

    عبيت ورقه التسجيل
    و طلبو
    ١- بطاقه هويتي انا و المحرم
    ٢- جواز سفري انا و المحرم
    ٣- سجل العائلة
    ٤- ورقه موافقه ولي الامر
    ٥- الشهاده
    ٦- السجل الأكاديمي

    طبعا كل ما اروح عند موظفه تزيد الطلبات
    يعني دي الطلبات اخدوها بالتدريج
    الموضوع كان سهل جدا ما اخد ساعه
    ما كان زحمة الوقت مر بسرعة الحمدلله
    تقريبا كان الوقت. ٧:٣٠ مساء

    والحمد لله خلصت أموري و خرجت

    وبالعكس ما حسيتهم بطيئين شكلو على حسب مزاج الموظفة او على حسب الوقت
    يمكن لنا يكون الوقت بدري يكونو مروقين و بشويش انا على الليل خلاص طفشو و قرفانين يبو ينشر بسرعة

    و لسا ما اتغيرت حالتي
    7 "
  3. انا دققت الثلاثاء ..
    رحت متاخر عن موعدي بساعه ومادريو ولا طلبو ورقة الموعد

    ثاني شي وقت ماكان يطابقو كنت عند استاذتين اول مرا يتعاملو مع الموضوع هذا كنت بفضل المنتدى فاهمة اكثر منهم ..

    وقفولي عند سالفة اجيب هوية ولي امري وصوره وبعدين قلت مالها داعي مادام معايا الوكاله وجواز المرافق وبطاقته الشخصيه وكرت العائله وكل الاثباتات <<بالرغم انه كان برا بس اتكاسلت اقوم هع

    فسالو المسؤله قالت لا عادي
    بعدين قالو ليش وكاله ليش مو ولاية ووقفنا شويا وراحت مرا ثانيه للمسووله ورجعت بس الحمد لله كثير أشياء للبنات الثانيات يمشوهم ..

    تمت ع خير
    لكن صراحه مايدققو بمعدل ولا يطابقو مع شي من المرفقات كانها بس ترتبلي الورق بالملف وتشوف النسخه تشبه الاصل ولا.. يمكن حيشوفوها لوحدهم من ثاني



    والحمدلله
    7 "
  4. الحمد لله طابقت اوراقي امس كان موعدي الساعه 9 مساءا وخلصت تقريبا في ربع ساعة
    الاجراءات سهلة وسريعه وميسرة والموظفات متعاونات وخدومات وسريعين
    طلبو مني نفس الطلبات اللي كاتبينها في موقع الوزارة وطبعا ورقة الموعد ماسألو عنها مو مهمه
    هويتي وهوية المرافق + صور
    جوازي وجواز المرافق + صور
    سجل الاسرة + صورة
    وثيقة التخرج + صورة
    السجل الاكاديمي + صورة
    موفقة ولي الامر + صورة .. انا ماكنت مصورتها ف قالتلي الموظفة صوريها تلاقي عندهم الة تصوير هناك
    الافضل خدي ملفين واحد ملف للاصل والتاني للصور عشان ما تتلخبطي
    وبس شكرا للي رودو عليا وأي سؤال اناا حاضرة .. موفقين
    7 "
  5. رحت قبل الموعد بنص ساعه يعني وصلت قبل نص ساعه ودخلت عااادي كان فاضي بعدين اتعبااا رحت عند مشرفه ١ثممم مشرفه ٢ ووقعت عند ١و٢ومشرفه ٢ادتني الاصول بعددد كدا خلاص قالت ورحت ،،،،المهم المشرفات عسولات ...بس ماطلبوا مني هويه المرافق بس الجواز وكرت العيله انتو ؟؟؟مستغربه قالت لا مانحتاجوو

    الحمد لله حمدا كثيرا/والحين الواحد ينام براحه
    7 "
  6. -


    شكراً لكل من تعاون معنا وشاركنا بتجربته في [ مرحلة المطابقة ]
    نسأل الله لكم التوفيق وأن يجعلها في موازين حسناتكم .

    بحمد الله عز وجل ..
    ابتدأت مرحلة المطابقة بتاريخ :
    14 / محرم / 1436 هـ
    وانتهت اليوم بتاريخ :
    7 / صفر / 1436 هـ


    يُغلق ..
    7 "
10 من 10 صفحة 10 من 10 ... 5910
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.