رد: محدّث / الاستفسارات حول ملتقيات المبتعثين - [ المرحلة العاشرة ]
اقتباس:
المشاركة الأصلية كتبت بواسطة قيس البلعاسي
السلام عليكم
انا حضرت في ملتقى الرياض بس جيت ٣ ونص يعني متأخر شوي
للحين ما تغيرت حالة الطلب وولا صار شي
مع العلم انه بكرة بتبدا ملتقيات الخبر ، لازم اعرف اليوم اذا تم قبول حضوري ولا لا ،،، عشان يمديني اروح الخبر
فاللي اسأله : في احد تغيرت حالته بعد حضور الملتقى ؟
وعليكم السلام
لا الى الان لم تتغير حالة اي احد من اللي حضرو ملتقى الرياض..
رد: محدّث / الاستفسارات حول ملتقيات المبتعثين - [ المرحلة العاشرة ]
عندي استفسار عام.
بعد مرحلة الملتقيات والضمان المالي, هل يوجد أدفايزر او شيئ من هالقبيل للقبول الجامعي؟
اذا كان القبول الجامعي مسؤولية الطالب راح نكون فريسة سهلة للنصابين.
في وضع الماستر كيف بتكون الاجراءات ؟
رد: محدّث / الاستفسارات حول ملتقيات المبتعثين - [ المرحلة العاشرة ]
اقتباس:
المشاركة الأصلية كتبت بواسطة سانسا
اختي اول شيء تغيرت حالتك بعد التدقيق ؟
ثانيا ترسلين لدعم الفني، في حال ماردو عليك تحضرين قبل الملتقى بساعة وتشرحين للموظفات وضعك.
وان شاء الله يلقون لك حل بس تعالي بدري .
حالتي الحالية: الطلب تحت الإجراء: يرجى استكمال إجراءات مطابقة الوثائق، وعدم القيام بذلك يعني انسحابك من التقديم
انا طابقت في فندق الشيراتون وكل شي كان اوكي .
رد: محدّث / الاستفسارات حول ملتقيات المبتعثين - [ المرحلة العاشرة ]
اقتباس:
المشاركة الأصلية كتبت بواسطة nawafat
عندي استفسار عام.
بعد مرحلة الملتقيات والضمان المالي, هل يوجد أدفايزر او شيئ من هالقبيل للقبول الجامعي؟
اذا كان القبول الجامعي مسؤولية الطالب راح نكون فريسة سهلة للنصابين.
في وضع الماستر كيف بتكون الاجراءات ؟
مافي شيء طبعا..
وليه تجلب قبول جامعي
اكتفي بقبول معهد واصدر قرار الابتعاث واثناء تواجدك في الدوله اجلب قبول جامعه...
رد: محدّث / الاستفسارات حول ملتقيات المبتعثين - [ المرحلة العاشرة ]
السلام عليكم ،
عندي استفسار بخصوص اللي حصل على قبول مبدئي لوظيفة حكومية ( إدارية ) وحضر الملتقيات .
إذا تمت المقابلة الشخصية وتم التوظيف البعثة راح تلغي تلقائياً أو فيه مجال لطلب موافقة جهة العمل ؟
+ أفيدوني بآرائكم جزاكم الله خير
رد: محدّث / الاستفسارات حول ملتقيات المبتعثين - [ المرحلة العاشرة ]
اقتباس:
المشاركة الأصلية كتبت بواسطة Reem670
يب يب لاحظت حتى انا رجعت لي بس خاناتها الاخيره مفرغه صح ؟
انا كمان رجعوها ليا
بس زي ماهي تماما ...ماتغير ولا شي فيها :/
رد: محدّث / الاستفسارات حول ملتقيات المبتعثين - [ المرحلة العاشرة ]
للعلم :
انا مسجل في ملتقى الرياض وتطبيق جده
لم احضر الملتقى في الرياض لانشغالي بالمطابقة في جده
امس فتح لي اختيار ملتقى الرياض في الموقع (رغم انه منتهي)
واليوم فتحت لي صفحة الحجز في ملتقيات الخبر ،،
وحسب ما شرح لي مسوول في مطابقة المستندات ، ان علي الانتظار لحين ملتقى جده واسجل فيه .
لان الي ما يحضر ملتقى ينتقل تلقائيا للي بعده
رد: محدّث / الاستفسارات حول ملتقيات المبتعثين - [ المرحلة العاشرة ]
السلام عليكم ، ممكن احد يفيدنا وش الاشياء المطلوبه علينا ف الملتقيات ؟ اوراق ثبوتيه وكذا ؟ ويقولون ان في مقابله ! ، اذا فيه مقابله ي ليت احد يقول لنا وش صار ووش الاسئله اللي سألوها ، ادري اني اطلب كثير تحملوني 🚶
رد: محدّث / الاستفسارات حول ملتقيات المبتعثين - [ المرحلة العاشرة ]
اقتباس:
المشاركة الأصلية كتبت بواسطة مس فريال
حالتي الحالية: الطلب تحت الإجراء: يرجى استكمال إجراءات مطابقة الوثائق، وعدم القيام بذلك يعني انسحابك من التقديم
انا طابقت في فندق الشيراتون وكل شي كان اوكي .
حالتك لازم تتغير الى حضور الملتقى عشان تقدرين تحجزين، ارسلي الدعم وروحي للملتقى وقولي لهم اني دققت ولكن ماتغيرت حالتي
رد: محدّث / الاستفسارات حول ملتقيات المبتعثين - [ المرحلة العاشرة ]
اقتباس:
المشاركة الأصلية كتبت بواسطة 3lyan
السلام عليكم ، ممكن احد يفيدنا وش الاشياء المطلوبه علينا ف الملتقيات ؟ اوراق ثبوتيه وكذا ؟ ويقولون ان في مقابله ! ، اذا فيه مقابله ي ليت احد يقول لنا وش صار ووش الاسئله اللي سألوها ، ادري اني اطلب كثير تحملوني 🚶
احضار بطاقة الهوية فقط، ولا يوجد مقابلة