انا في متاهه واحتاج بشدة الى من يرشدني .... ساعدوني

السلام عليكم ورحمة الله وبركاته

اخواني واخواتي انا مهمومه وحاااااااااايسه وعندي ظروف حالية مصعبه علي موضوعي اكثر

راح احكي لكم وضعي واتمنى فقط من اللي متأكد \ة يفيدني فيه

في وقت التدقيق حطيت زوجي محرم لي واطفالي كمرافقين على اساس راح يطلعون معي .... الان الوضع تغير زوجي عسكري وعنده دورة راح تمنعه يطلع معي واطفالي عالاغلب راح اتركهم عند امي الين ما يلحقوني بعدين مع ابوهم بعد 8 شهور كذا ان شاء الله

الان انا حامل وعلى وشك ولادة راح اخذ طفلي الرضيع بان الله معي واخوي بيكون محرمي الى الان هذا كل اللي رتبت اموري عليه

طبعا طلبت الضمان المالي من الوزارة على معهد في ساندييغو ووصلني الضمان وكلمت مكتب السندباد قالوا لي اذا المحرم يبي يدرس لازم يدفع ويجيب ضمان مالي خاص فيه ؟؟؟ عشان يرسلون للمعهد
وحسب ما حكوا لي البعض انه يطلع بفيزا اف1 ويدرس على حساب الملحقيه ؟؟؟

الحين هل لازم اغير المحرم قبل اراسل المعهد لطلب القبول او عادي ارفق لهم جواز اخوي للمعهد وقبل اصدار القرار اغير المحرم ؟؟؟

لان المكتب ضيع مخي بسالفة الضمان المالي وحاسوني

اختي امرك اسهل من الحيرة اللي انتي عيشتي نفسك فيها

الحين جيبي قبول لك بالضمان المالي واخوك يطلع شهادة بنكية عشان يعطونه قبول ويطلع بفيزا اف ١ معك
بعدين وقت ماتصدرين قرار الابتعاث تضيفين اخوك محرم وتجيبين وكالة من زوجك لاخوك من كتابة العدل بموافقته على مرافقة اخوك لك

بعدين اذا وصلتوا بلد الابتعاث تطلبين ضمان مالي لاخوك ويدرس على حساب الدولة

واذا اخوك مايبي يدرس يقدر يطلع بفيزا سياحيه

ولحقي الوقت ترا مابقى الا اسبوعين

اتمنى اجوبتي فكت حيرتك

هلا حبيبتي طمووووحة

لا انتي وضعك طبيعي..
مافيها حيرة ولا شي .. هذي هرمونات الحمل و ماتفعل :D

وضعي اصعب من وضعك بكثيييير والحمدلله أحاول ارتبه بدون ارتباك ..

بالنسبة لك:
اولاً: المحرم الحالي اللي هو اخوك, تجيبي له قبول لغة لو حاب يدرس , او تكتفي بفيزا سياحية فقط
في الحالتين سواء فيزا سياحة او دراسة رح يحتاج ضمان مالي.

وبعد مايوصل قبول المعهد مع الـ I-20
تستخرجي ضمان مالي من الحساب الخاص فيك او باحد افراد العائلة بالبنك (حدود 60-70الف ريال تكون بالحساب)
عشان يطلع F1 Visa من السفارة الامريكية

**المعهد ماله دخل مين محرمك, الوزارة فقط هي اللي تطلب وجود المحرم.**
بمعنى انه ممكن تجيبي لاخوك قبول من أي مــــــــــعهد في San Diego وليس بالضرورة نفس المعهد اللي ح تدرسي فيه :)



ثانياً:
وهو ينتظر الفيزا, زوجك في اي يوم ممكن يمر أقرب محكمة ويعمل لاخوك توكيل

ملاحظة: التوكيل لايشترط حضور اخوك , فقط صورة من بطاقة احواله تكون عند زوجك تكفي.

ثالثاً: تخاطبي الوزارة ان فيزا المحرم ح تتأخر
وحسب ماسمعت من موظفة في الوزارة, ان الوزارة تتعاون في حالة تأخر الفيزاوتتغاضى عن التاريخ المحدد

رابعاُ:
على بركة الله لما تطلع فيزا اخوك
تصدري قرار الابتعاث
تسافري بعد 3 شهور
انت عندك 3 شهور من اصدار قرار الابتعاث.
في هالفترة بامكانك تولدي بالسلامة وتجهزي للسفر..

انا ماعرف انتي بأي اسبوع ولكن ولادتك قريبة, واكيد ماراح تسافري قبل الولادة.



اذا وصلتي امريكا بالسلامة, لاتشيلي هم: الملحقية تتكفل بكامل الرسوم الدراسية لاخوك بالمعهد.

ممكن بعد فترة ترفعي طلب تغيير محرم وتبدلي من الأخ للزوج, مع ملاحظة اخوك لازم يرجع السعودية لان الصرف يتم لـ *محرم* واحد فقط.


موفقة ان شاء الله

أختي طموحة , الله يحقق لك طموحك ويوفقك , المسألة أختي أسهل مماتتصورين , ( الي كاتبه لك ربك بيصير ) لو ايش ماصار ماراح أحد ياخذ حقك .
لذلك هدي من نفسك , ورتبي أمورك , وسوي لك جدول مهام على ورق , وأبدي بترتيب أمورك .
والله يوفقنا وإياك يارب