ماهو مايسمى ب"مركز الدراسات الإستراتيجية للإبتعاث"؟

بالنسبة للسؤال الأول أول مرة أسمع عنه وأتوقع الوزارة عندهم كل المعلومات اللي يحتاجونها خصوصاً المعهد ومكان الدراسة!

إذا انتي بادية دايركت في الجامعة لازم تكونين فاتحة ملف علشان:
طلب ضمان مالي للمعهد
تسجيل الخطة الدراسية
تسجيل مواد الفصل
بدون اللي فوق مافيه صرف وهذي حسب ما وصلني من المشرف حقي آخر موعد لها بكرا
إذا انتي في مرحلة دراسة اللغة أتوقع اللي فوق ينطبق عليك أيضاً فالمعهد أكيد يبي الضمان المالي والوزارة تبي تعرف الخطة وأي مستوى راح تكوني.

أشكرك على الرد، ويعطيك العافيه.
بس بالنسبة إلى نقطة "حسب ماوصلني من المشرف حقي آخر موعد لها بكرا" ممكن توضحها أكثر؟ تقصد آخر موعد لي لفتح ملف بكره؟ يعني فيه وقت محدد لفتح الملف؟ لأن فيه أساسًا كثير من الأخوان إللي بيوصلوا إلى بلد الإبتعاث بعد عدّة أيام من الآن، فكيف يكون بكره؟
+ أنا سبب التأخير الأساسي حقي لعدم فتح الملف هو عدم وجود حساب بنكي لي إلى الآن، لأن اليوم إجازة، والأمس رحت أحد الفروع وكان مغلق أيضًا. فأيش الحل؟ أقدر أفتح ملف الآن ويعطوني الضمان للمعهد وبعدين أضيف حسابي البنكي؟
+دوامي "اليوم التعريفي" يبدأ الثلاثاء القادم يعني مابقدر أعرف في أي مستوى بكون قبل هذا اليوم...
وأشكرك مره أخرى

بحثت في النت بشكل سريع وماحصلت بما يسمى بمركز الدراسات الاستراتيجية للبعثات..

المفروض يطّلع لي على طول..

بالنسبة لي لا اثق..

يمكن الامر يختلف للي يدرسون انجليزي أنا بادي جامعة على طول والجامعات بدت دراسة اليوم فالمشرف حقي مرسل ايميل يقول آخر موعد لتسجيل مواد فصل الخريف هو يوم 31 اوغست،
فتح ملف على ما اذكر ما يحتاج لحساب بنكي لأني اضفت بيانات الحساب وصورة الشيك الملغي بعد ما فتحو الملف
هذا الرابط فيه طريقة فتح الملف
http://www.mbt3th.us/vb/forum8/thread385677.html

العفو

يمكن مثل ماذكرت الوضع يختلف.
عمومًا أنا فتحت لي اليوم حساب بنكي فأنحلت المشكلة من هذي الناحية، لكن طلعت لي مشكلة أخرى وهي رقم الجوال، مُعلم على خانة رقم الجوال إنها إلزامية وأنا إلى الآن ماطلعت لي شريحة، والشريحة ماراح يطلعونها لي إلا إذا كان عندي بطاقة من معهد الجامعة إللي راح أدرس فيه..
فبالتالي النتيجة أني راح أفتح ملف بعد ما أبدي دراسة وإن شاء الله يصير خير
ويعطيك العافية وبالتوفيق لك في بداية دراستك الجامعية.

للأسف الظاهر أنه ماله أي علاقة بالوزارة، والحمدلله أني ماقدمت لهم معلوماتي
وأشكرك على بحثك.