مشكلة أعتقد ان مالها حل , تكفون افزعوا لي

السلام عليكم
ياشباب انا في مشكلة وابي حلها
طبعا انا مبتعث ( المرحلة العاشرة ) وأصدرت قرار الابتعاث لمعهد في فلوريدا وتم اصدار القرار في شهر ( رمضان ) على ان دراستي تكون في نهاية ( شوال ) المهم اني تزوجت وماطلعت لاني ماكنت جاهز للسفريه علما بانه كان قبول معهد فقط ( لاحظوا قلت قبول معهد فقط )
المهم بعد ماحسيت اني جاهز نفسياً ومعنوياً جبت لي قبول جديد ( قبول مشروط ) وتاريخ بداية الدراسه 1 / 4 / 1437 هـ في ولاية أخرى والقبول عبارة عن قبول ( معهد + جامعة ) علماً بأني راح ادرس ماجستير واخاف اروح للوزارة ويقولون راحت عليك البعثه او شي من هالقبيل

الحين وش اسوي ولا رحت للوزاره وش الاجرائات المطلوبه ووش اقول لهم ابي منكم افضل حل وافضل طريقة علما اني موب من سكان الرياض

الله يوفق اللي يرد علي تكفون ياخوان ردوا محتاج فزعتكم

ماادري وش اقولك بالضبط..

لكن رح لوزارة التعليم - الرياض حي الغدير- واشرح لهم ضروفك ويكون معاك عقد الزواج وكل شي يثبت ان التأخير ما كان بيدك.

والله يوفقك وان شاء الله يعطونك استثناء

اعتقد طلب الضمان المالي لازال متاح لطلاب المرحلة العاشرة عبر الموقع: https://ksp.mohe.gov.sa/ksp10/Login
ممكن لو تطلب ضمان مالي جديد وتشوف وش يردوا عليك وضروري تراجع الوزارة
لأن قرار الابتعاث له تاريخ انتهاء والله يوفقك