تحويل البعثة لمنحة داخلية لظروف قاهرة.

السلام عليكم ورحمة الله وبركاتهم..
أنا طالبة مبتعثة من المرحلة العاشرة درست لغة لمدة ثلاثة شهور وعليها، والحمدلله جبت درجة ممتازة في الآيلتس، قدّر الله وحصلّي ظرف طارئ وهوَ مرض والدتي -الله يرفع عنها وعن كل مسلم- اضطريت أنزل أنا والوالد وطلبت تأجيل باقي شهرين إلّا شوية وتنتهي المدة وأنا ما أبغى أعطّل دراستي أكثر من كدا كفاية إن ثلاث سنين ضاعو وأنا مابديت بكالوريس، الوالد ماراح يقدر يطلع معايا تمامًا، هوَ محرمي الوحيد وأنا مستصعبة الطلعة لحالي جدًا، وأخاف تحصل ظروف تحدّني أنزل مرة ثانية، ففكرت إنّي أحوّل بعثتي لمنحة داخلية وما أعرف راح أقدر ولا لا، فحابة تفيدوني لو عندكم خلفية عن دا الشي هذا أولًا، ثانيًا ماخاب من استشار، في حلول ممكنة بحيث إنّي ما أضيّع سنين زيادة من عمري؟
للأمانة ما أبغى أضيّع فرصة كبيرة زي هادي بس الظروف مو بيد الواحد..

وشكرًا لمساعدتكم اللي دايمًا تقدموها في دا المنتدى الله يباركلكم في حياتكم ويسعدكم فين ما تكونوا.