معاملة مشرفي ...

^^^

أنا أستغربت تناقض معلوماتنا!

عموما هذا رابط جامعتك:


https://ru.moe.gov.sa/Search#/University/7199

ويظهر فيه إن تخصص الهندسة المدنية معتمد وموصى به!

لكن قبولك مكتوب فيه هندسة مدنية وساحلية - النقل حسب إفادتك!

وهذا ما سبب لهم سؤ الفهم على ما أعتقد وكذلك الهندسة المدنية والساحلية غير مدرجه بموقع الوزارة!



أعتقد لو تطلب من جامعتك قبول بمسمى الهندسة المدنية فقط... أو هندسة مدنية - نقل سيكون مقنع أكثر لمعقدين الملحقية أو الوزارة!!

هذا والله أعلم ،، تحياتي وأفضل تمنياتي.

نصيحه لوجه الله ، خذي المشرف علي قد عقله ، كثير من المشرفين ما يعرفو النظام ، وإذا واجههم الطالب يأخذون الموضوع بشكل شخصي . اذا طلب اي شي حاولي تجيبي خطاب من الجامعه يشرح الموضوع ، اذا عاند ارسلي لرئيس الإقليم ، اذا ما تجاوب ارسلي لنائب الملحق للشؤون الدراسية ، بس اهم شي حاولي تلبي طلباته حتي لو غير منطقيه عشان ما يغلطك.

شكرا لكم ... أخواني ..... راح أشوف ردهم على تبريري ....

وراح اكتب ايميل لجامعة فلوريدا علشان اطلب منهم يضيفو عبارة " تم قبوله في الهندسة المدنية - نقل "

والله يجيب إلي فيه الخير ويوفق الجميع .....

لاحظت بعد شؤون الجامعات المشرف رد المعاملة لك على اساس ان فيه شي ناقص بس اوراقك كلها كاملة!
نفس الموضوع سار معايا في ثلاث معاملات .. اول معاملة كانت ناقصة ورقة وقلنا ماشي
ثاني معاملة المشرفة العبقرية قالتلي ارفع درجة التوفل وانا رافعها لاني عارف انها مطلوبة من المرة اللي راحت ورديت ان الدرجة مرفوعة شيكي الاوراق وفتحي عينك
المعاملة الثالثة قلت لاتتلخبط زي اول ورفعت درجة التوفل مرتين في خانتين مختلفة ولكن نفس الشي رجعت الطلب لي وقالتلي ارفع درجة التوفل.. رديت ان التوفل مرفوع مرتين
وفي كل المعاملات مشي الموضوع بعد ردي..
مدري ايش الفكرة ان ترد المعاملة للطالب بدون اي سبب .. ضياع وقت عالفاضي..

عالعموم الله يوفقك وينصرك وينصرنا على الملحقية والوزارة واعوانهم

تحديث جديد : اليوم بعد خمسة ايام رد المشرف وياليته رد .... بشي واضح ...... مجرد اعادة في الكلام ..... وفاهم الموضوع غلط....... واليته رد على استفساري السابق بشي واضح كوضوح سؤالي!




هذا نص ماكتب :

يجب ان يوضح خطاب القبول من اي قسم صدر علما علما ان قرار ابتعاثك هو في مجال Civil Engineering. و ان لا يكون اسم القسم مشترك بين قسمين Coastal Engineering and Civil Engineering.

هندسة النقل لا توجد في الهندسة الساحلية Coastal Engineering

هذا مجرد اسم الكلية ! كيف قسم مشترك ! أنا متخرج من كلية الهندسة والعمارة الإسلامية وتخصصي هندسة مدنية وأبتعث هندسة مدنية وليس "هندسة وعمارة اسلامية" لانه تحت هالكلية يوجد الكثير من الاقسام هندسة كهربائية ، مدنية، ميكانيكية وعمارة اسلامية ! وكل قسم له اكثر من تخصص دقيق !

معقولة مايعرف مفعول حرف العطف ! سواء باللغة العربية أو الإنجليزية !

من جدو هذا ! مايعرف يفرق بين كلمة مجال ! وقسم! وكلية ! وتخصص! وتخصص دقيق! وياليتو مشى الطلب لشؤن الجامعات يمكن هذوك فاهمين اكثر منه .....


لا إله إلا الله محمد رسول الله .........

بما انهم ماردو على استفساري وماكتبو لي ايش العبارة الي يبغوها ....... كتبت عبارة انا بنفسي واتوقع فيها غطيت متطلباتهم وراح ارسلها الى الجامعة ..... مع اني منحرج من الجامعة اني اقولهم عدلو للمرة التانية في خطاب القبول
( المرة الاولى قالي لازم ينكتب موعد بداية الدراسة في خطاب القبول ، هو مكتوب في خطاب شرح الخطة الدراسية، لكن المشرف يبغاه مكتوب في الإتنين ! )



راح اطلب من جامعة فلوريدا التالي واقولهم علشان المنحة الدراسية تبعي تتقتنع اني انقبلت في الهندسة المدنية - نقل .


راح اطلب من الجامعة كتابة التالي :
بعد عبارة تم قبوله في كلية الهندسة المدنية والساحلية . "نقطة"

Into the Masters of Science degree in Civil Engineering with Specialization in Transportation Engineering.

وكتبت درجة ماجستير العلوم تحسبا للمستقبل يقولوي لا كلمة درجة ماجستير لحالها ماتكفي !
إيش يدرينا إنتا أنقبلت ماجستير علوم او ماجستير مهني ( غير مقبول من الملحقية ) .

^^^
المشرف أستغل كلمة ديبارتمنت في قبولك!
واعتبر الكلمة أو ترجمتها تعني: قسم............!!
الله يكون في عونك وينصرك عليه المرة القادمة!!!

--------

عموما أقنع الإمريكان بالنص المناسب لك لتقنع به هذا الصنف من العربان!!!!!! ههههههه

اعرف احساسك تماما مريت بنفس حالتك قبل شهور واتصالات واقناع واستفسارات والمشرفه بهدلتني وماترد على استفساراتي ولا تجاوب شي غير تماما قروشت اهلي وبالاخير كلمت مساعد الملحق بعد ايمسلات واستفسارات اطالبه بالتواصل وكانت الحياه صعبه والله العظيم كنت مثلك احسب اصعب شي هو القبول وطلعو هالمتخلفين حقين الملحقيه والوزاره اخس كانهم حملة ابتدائية مايعرفو انجليزي ولا يقرو الاستفسارات ولا اي شي وامر بنفس هالحاله ثاني ارسلو استفسار يجاوبني شي تاني مالو دخل باستفساري وسرت اوجه الاستفسار للملحق الثقافي واشرح واكتشف انهم مايقرو الا اول سطرين نصيحه تواصل مع الجامعه اطلب منهم تعديل الصيغه زي ماعملت انا مع توضيح اكتر وبالكثير يومين ويردو عليك وبتمشي معاملتك والله يوفقك ويوفقنا ويارب تتحرك معاملتي لها اسبوعين اللان ولا تحرك شي حسبي الله عليهم

كلمت الجامعة اليوم " كتبت لهم ايميل طويل وشرحت لهم المطلوب " وسبحان الله جاني الرد في نفس اليوم وغيرو الصيغة في خطاب القبول وكتبو فيها تخصصي هندسة مدنية ومع تخصص دقيق نقل للماجستير .... والشخص الي رد عليا من الجامعة مستغرب لانه هذي تاني مرة اطلب تغير صيغة خطاب القبول وقالي هذي اخر تعديل ممكن يعمل للخطاب ..... ورفعت الطلب تاني مرة واكيد بنتظر اسبوع كمان حتى حضرة المشرف يدخل ويحرك الطلب لشؤون الجامعات .

وياربي يجيب الي فيه الخير ....... سبحان الله العينة الجميلة هذي من الموظفين الي في القطاع الحكومي موجودين في كل مكان حتى في امريكا ....... الله عالم كيف توظف بواسطة ! وايش المؤهلات الي عنده وهل يستحق المكان الي هو فيه ... وحتى لو مؤهلاته تسمح ..... أخلاق عمل معذومة ....... المفروض المسلم يتصف بيها اكثر من شخص غير مسلم ....... لكن الواقع مر....... الله يوفق الجميع ...... وراح اخبركم بالجديد ......

والله العظيم اني مستحيل انسى انها ترد علي وحده من جنسيه عربيه وتقولي تبغي تمشي معاملتك جيبي واسطه كمية وقاحه كمية استهتار وتسمي حالها دكتوره والله الاماكن دي ليش مايشغولها مبتعثين متخرجين ناس مننا وفيناا يعرفو المعاناه ويفهموها مو ناس تحسهم دافعين من جيبهم يعني يجي يكلمك كانه دافع من محفظته
تعاملت مع مشرف سعودي قمة الاخلاق والرقي والتعامل وبعد ماتخرجت من المعهد وتغير بدل ماكانت المعامله تتخلص بعشر دقايق صارت تاخد اسبوع وتقولي احمدي ربك طلابي كتير وهي كلهم مايجون ميه بالمعهد يعني شي عجيب الله يكفينا شرهم ويعطينا الخير ويسهل امرنا .
ارفع استفسار له وووضح له كل شي لاتنتظر ترى على حسب علمي يضايقهم انه في استفسار معلق بالبوابه انا قبل امس رفعت 18 استفسار حتى مشو لي طلب تذكره استحقها وهم مايبغو يصرفوها لي وللان انا وهم بشد وجذب بمعاملة مرافقي والله يكتبلنا ويكتبلك الخير

^^^

مبروك ما تم إنجازه!
ووفقك الله في ما تبقى!!