الأعضاء الإشتراك و التسجيل

الملتقيات
ADs

معاملة مشرفي ...

معاملة مشرفي ...


NOTICE

تنبيه: هذا الموضوع قديم. تم طرحه قبل 2788 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية zozooo72014
    zozooo72014

    مبتعث مجتهد Senior Member

    zozooo72014 السعودية

    zozooo72014 , ذكر. مبتعث مجتهد Senior Member. من السعودية , مبتعث فى السعودية , تخصصى هندسه مدنيه , بجامعة جامعة أم القرى
    • جامعة أم القرى
    • هندسه مدنيه
    • ذكر
    • مكة, مكة
    • السعودية
    • Jun 2014
    المزيدl

    August 1st, 2016, 07:13 AM

    السلام عليكم أخواني ....
    ودي أفضفض لكم على حاجة في خاطري من مشرفي الي يرفع الضغط وياليت تدلوني لو احتاج الامر كيف اتعامل معاه او اشتكي عليه او اتواصل مع مين !

    أولا هو ما يدخل الخدمات إلى مرة كل أسبوع وأحيانا عشرة أيام ...... لمن كنت راح أنهي سنة اللغة وقلت له أبغى تأجيل ولازم أغادر امريكا في اليوم الفلاني علشان الاي تونتي بينتهي في هذاك اليوم .... وارجع السعودية حتى أتحصل على قبول ومتى يتوجب عليا رفع التاجيل قبلها بكم يوم وبما انه التاجيل راح يكون في تاريخ مستقبلي ! " سالتو هالسؤال لاني عارفه انه ما يدخل الخدمات ومايمشي المعامله من عنده بالساهل " .... قالي طيب سوي طلب التأجيل وارفعه عادي قبلها بشهر ..... جاء أخر شهر ليا في أمريكا رفعت طلب التاجيل وجلس اسبوعين حتى حضرته رد عليا بالرفض وقالي ارفع طلب التأجيل قبل ب١٥ يوم بالزبط ! " فرق ايام بسيطة عن اليوم الي رفعت الطلب فيه وعن اليوم الي هو يبغاني ارفع الطلب فيه .... وكان ١٥ يوم راح تكون الاسبوع الجاي ! وانتو عارفين طلب تذكرة التاجيل ماتترفع حتى يتوافق على طلب التاجيل .... انتظرت زي ماقالي ورفعت الطلب قبل ١٥ يوم من موعد التاجيل ..... ووقتها كان باقي اسبوع فقط ولازم اغادر امريكا ...... الحمد لله دورت في النت ولقيت طريقة اني اطلب تذكرة السفر من تذاكر اخرى وشرحت لهم انه انتهيت من ٦٠ اليوم الي اقدر اقعدها هنا ولازم اغادر ! الحمد لله وافقو واعطوني التذكرة وحتى جيت السعودية بعدها طلبي مشي وتمت الموافقة على التأجيل .



    عدت الأن شهرين والحمد لله تحصلت على قبول .
    ورفعت طلب استفسار له بما اني من طلاب المرحلة العاشرة خيار تغير مرحلة مغلق !!! وكيف ارفع لك القبول ياسيدي ! ياليته راح رد على استفساري الواضح لكن راح رسلي كلام باين انه نسخ ولصق ! وفيه طلب منه ارفع المستندات التالية :
    خطاب قبول فيه اسم التخصص والمرحلة وتاريخ البداء.
    خطة دراسية فيه الساعات ومدة الدراسة تاريخ التخرج المتوقع وعدم وجود مواد اون لاين .
    اخر تقرير من المعهد او درجة الايلتس.
    خطاب قرارالتاجيل.
    خطاب قرار الإبتعاث.
    شهادة البكلريوس.

    قلت طيب ! اجهز الاوراق هذي ودورت في الانترنت طريقة رفع القبول لطلاب المرحلة العاشرة! طلع انه ...... ارفع طلب من طلب تغير جامعة !
    "الى الان هالخيار مو داخل في راسي كيف نحن طلاب لغة في معهد يخلونا نختار تغير جامعة"

    رفعت الطلب ! وزي العادة اكتر من اسبوع حتى رد ! وبعدها رسلي ايميل يبغى اني ارفع الخطة الدراسية في استفسار منفصل ! خفت اقوله يا ابن الحلال انا رافعه مع الطلب ! بس لاني عارف انه يدخل يرد وما اشوفه الا بعدها باسبوع قلت خليني اسوي الي يقولي عليه من غير اي شي .

    ماعلينا عدت الايام وشوفو هالصورة فيها سير المعاملة !
    وشوفو كيف الطلب من عنده لشؤن الجامعات ! بعدها عندو بعدها شؤن الجامعات " حاسس إنه في شي غلط ! هل هو اعطاهم اوراقي كاملة ام ضيع شي ! او هو ما يقراء لغة انجليزية "

    اضغط على الصورة لعرض أكبر

الاســـم:	ImageUploadedByظ…ط¨طھط¹ط«1470024527.913958.jpg
المشاهدات:	248
الحجـــم:	144.3 كيلوبايت
الرقم:	43111



    لانه رد الطلب ليا بعد شهر تقريبا كاتب ارجو رفع خطاب قبول فيه اسم التخصص والدرجة والتاريخ والتوقيع في خطاب واحد وليست عدة خطابات !

    معقولة هو لخبط بين ورقة خطاب القبول والورقة التانية الي فيها الخطة الدراسية وشرح كل شي ...


    والله ما كتبت الموضوع إلى بس حبيت أفضفض الي في قلبي لاحد !
    وياخواني هل الي صاير صح ! وهل انا غلطت في حاجة او مشرفي الغلطان او لا احد فينا غلطان والنظام هو الغلط .....

    يوم سعيد جميعا.
  2. اليوم حصل تغير جديد في الطلب !

    قبل لا أقولكم التغير هذا تخصصي :

    متخرج من بكلرويس هندسة مدنية
    وجبت قبول في الهندسة المدنية في جامعة فلوريدا تحت التخصص الدقيق هندسة نقل .
    هندسة مدنية: Civil Engineering
    نقل: Transportation

    وهذا التغير إلي حصل اليوم : وصلتني هالرسالة !

    " افاد قسم الاعتماد الاكاديمي ان تخصص Civil & Coastal Engineering / Transportation غير موصى به ولكي نستطيع معالجة طلبك عليك ارفاق رسالة قبول واضحة بتخصص من قسم ال Civil or Coastal Engineering. أيضا الخطاب يجب ان يوضح ما المقصود من (Trasnportaton) هل هو فرع ام اختصاص؟"

    والله قاعد أبكي ! من جدهم هذولا مايعرفو ايش التخصص !

    من او مانزلت التخصصات حق المرحلة العاشرة وكان مكتوب تخصصي ( هندسة مدنية {تشييد , نقل , مياه } )
    المؤهل العلمي السابق المطلوب (أحد المؤهلات العلمية الآتية)
    بكالوريوس في الهندسة المدنية - بكالوريوس في الهندسة المعمارية - بكالوريوس في الهندسة البيئية - بكالوريوس في هندسة المنشآت

    معقولة ما يعرفو يقرأو خطاب القبول باللغة الانجليزية ؟؟

    يأخواني هل اروح الرياض أو إيش الحل ؟

    أفيدوني الله يرحم والديكم ....
    7 "
  3. هم من شروطهم ان الجامعه من المتميزه و ان التخصص موصى به وغير موقف في موقع سفير للجامعات الموصى بها زي ما انت عارف
    طبعا هم يدورون اي شي علشاان يرجعون معاملتك حاول تكلم الجامعه وتجيب التوضيح من القسم واذا جهزت الاوراق اذا عندك امكانيه مرهم فالرياض ووضح لهم كل شي بس حسب تجارب الطلاب ماراح تخلص بيومك راح تتبهذل تدورهم

    وفقك الله
    7 "
  4. ^^^


    FLORIDA STATE UNIVERSITY



    حسب موقع الوزارة جامعة فلوريدا موقفة جزئيا:

    بعض التخصصات والدرجات العلمية موقفة للتكدس أو مغلقة

    =======

    https://ru.moe.gov.sa/Search

    ------

    https://ru.moe.gov.sa/Search#/University/6708

    لكن الغريب هو ان الهندسة المدنية غير موقف حسب نفس الموقع!

    الموقف هو تخصص الهندسة المدنية والبيئية!!
    7 "
  5. يالغالي جامعة فلوريدا فيها تخصص واحد مغلق !
    وهو linguistic لمرحلة الدكتورة ......


    وعلى فكرة جامعة فلوريدا الطلاب السعودين عامة فيها ماهم كثير سواء معيدين او مبتعثين ..... والقبول في الجامعة ماهو مستحيل بس ماهو سهل !

    وسألت في منتدى الطلاب السعودين فيها مافي أحد فيها رد إنه هندسة مدنية ! في جامعة فلوريدا !
    وعامة في كل الولايات الي مبتعثين تخصصهم هندسة مدنية قليلين جدا.
    أنا ماني معيد! وأعرف كم واحد معيد راح تخصصات دقيقة بيئية ومياه راحو ماجستير هندسة مدنية لكن راحو أستراليا ! لأنه في كم جامعة في أستراليا ما يطلبو GRE .



    وأغلب المهندسين لمن يدرسو ماجستير في أمريكا ما يختارو تخصص دقيق في الهندسة المدنية (مياه،نقل،تشيد) الغالب ياخد ادارة هندسية وادارة مشاريع ....... "الاسهل في رأيي "

    وكمان من الي يبتعتو كل سنة نسبة قليلة منهم مهندسين مدنين الغالب جالس في السعودية ويشتغل لانه الحمد لله في وظائف والهندسة المدنية مهنة والمهنة هذي المهم فيها هو خبرتك ! واحد خريج بكلريوس وخبرة سنتين يلاقي وظيفة اسهل من خريج ماجستير من غير خبرة .......

    اليوم كتبت رد لهم ورسلتو لهم وهذا نصه!

    اضغط على الصورة لعرض أكبر

الاســـم:	ImageUploadedByظ…ط¨طھط¹ط«1470123743.320614.jpg
المشاهدات:	160
الحجـــم:	161.7 كيلوبايت
الرقم:	43114
    "
    ‎السلام عليكم ورحمة الله وبركاته, أما بعد: أنا من طلاب المرحلة العاشرة أبتعث لدراسة الماجستير و تخصصي العام هو (هندسة مدنية) والتخصص الدقيق تحته (هندسة نقل). كيف يأخواني تقوله غير موصى به وهو في موقع الوزارة موصى به (civil engineering) . البيان الصحفي إلي أصدرته الوزارة كان مكتوب فيه تخصصي وتحديدا تحت التخصصات الهندسية المتاحة للمرحلة العاشرة. كتب الهندسة المدنية (تشيد,نقل,مياه) . الوزارة كذالك أستخدمت الأقواس عند كتابة التخصص الدقيق(construction ,Transportation, water) تحت التخصص العام وهو الهندسة المدنية. القبول الذي أحضرته من جامعة فلوريدا من الجامعات المتميزو ترتيبها 37 في أمريكا في تخصص الهندسة المدنية, والله عالم التعب إلي تعبته حتى أتحصل على درجة الجي أر إي المطلوبة مني. في الرسالة المرفقة لكم مكتوب فيها إنه تم قبولي في قسم الهندسة المدنية والساحلية لبرنامج الماجستير ( نقل) . هما كتبو في البداية قسم الهندسة المدنية والساحالية وتحت هذين القسمين يوجد الكثير من التخصصات الدقيقة لكن إلي قبلت فيه هو هندسة النقل بين قوسين لكي تعرفو إنه قبلت في الهندسة المدنية وليست الساحلية . لانه يوجد تخصص نقل في الهندسة الساحلية. وهذا نسخ العبارة إلي مكتوبة في خطاب القبول :

    "acceptance into the Department of Civil & Coastal Engineering Masters‐ (Transportation) program"

    يا السادة الكرام في قسم الإعتماد الأكاديمي ومشرفي العزيز , هل الكلام غير واضح بعد توضيحي وتوريديون الجامعة أن تصيغ عبارة قبولي ووصف تخصصي الهندسة المدنية (نقل) بطريقة أخرى؟ أنا الأن في السعودية في مرحلة تأجيل وأريد منكم أنا تتكرمو عليا وتخبروني إيش العبارة المطلوب منهم كتابتها حتى تقبلو خطاب القبول. لأني بأتواصل مع الجامعة بالإيميل ؟ الله يجزاكم خيروشكرا. لتوضيح : هندسة مدنية (Civil Engineering) هنسة نقل أو نقل (Transportation)"


    ! حاولت أوضح لهم من إلي فهمتو منهم ! لأنه الظاهر الإختلاف حصل لغويا ! " إلي يجيب المغص هذولا حق الإعتماد الأكاديمي مايدرو إنه كل جامعة لها أسلوب في التعبير وصياغة العبارات "
    مش المفروض يجيبو كل واحد متخصص في تخصصات معينة علشان يعطي رأيو فيها !



    وراح أشوف أخرتها معاهم ...... شكرا للي رد على الموضوع ....
    والي مر في نفس المشكلة لا يبخل برده علينا.
    7 "
  6. ^^^
    حسب موقعهم علوم الحاسب موقف للتكدس!
    عموما التخصص الذي بدون علامة يعني إنه غير موصى أو معتمد!!
    طبعا المهم هو المعلم بالصح الأخضر والذي يمكن اعتباره موصى ومعتمد!!!
    _______
    وفقك الله في مسعاك الأخير وأعتقد إنهم سيتفهمون وضعك بعد رسالتك لهم...
    7 "
  7. جزاك الله خير أخي الكريم .


    ودخلت الموقع تبعهم وانا في السليم
    تخصص الهندسة المدنية عليه علامة الصح الاخضر في كل المراحل
    بكلريوس وماجستير ودكتوره

    اضغط على الصورة لعرض أكبر

الاســـم:	ImageUploadedByظ…ط¨طھط¹ط«1470134575.988052.jpg
المشاهدات:	110
الحجـــم:	123.7 كيلوبايت
الرقم:	43115

    وبالنسبة لعلوم الحاسب فقط سامحين للبكلريوس علامة الصح الاخضر
    اما الماجستير والدكتورة ما عليهم ايت علامة حالهم حال الدبلوم والدبلوم العالي

    اضغط على الصورة لعرض أكبر

الاســـم:	ImageUploadedByظ…ط¨طھط¹ط«1470134640.249642.jpg
المشاهدات:	89
الحجـــم:	125.9 كيلوبايت
الرقم:	43116

    والتخصص الي تكلمت عليه في مشاركتي السابقة لينغويستك هو الوحيد الي عليه علامة حمراء فاتح (موقف لتكدس) لدكتوراه واخضر للباكلريوس والماجستير
    اضغط على الصورة لعرض أكبر

الاســـم:	ImageUploadedByظ…ط¨طھط¹ط«1470134709.837447.jpg
المشاهدات:	87
الحجـــم:	131.3 كيلوبايت
الرقم:	43117

    وصححني إذا أنا فاهم غلط ! الي عليه علامة صح أخضر معناه مسموح دراسته ومتاح
    والاحمر الفاتح مغلق لتكدس !
    والأحمر الغامق مغلق ! مافي في جامعة فلوريدا جمب اي تخصص هالرمز .

    والي ماعليه أيت إشارة معناه غير مسموح دراسته أصلا !

    اضغط على الصورة لعرض أكبر

الاســـم:	ImageUploadedByظ…ط¨طھط¹ط«1470134788.232550.jpg
المشاهدات:	101
الحجـــم:	157.4 كيلوبايت
الرقم:	43118



    والله يفتحها في وجه الجميع يارب ....... وإن شاء الله راح اكتب لكم ايش راح يصير في الايام الجاية ...... كنت أحسب التعب بس تجيب القبول ..... طلع في تعب تاني وهو إقناع الملحقية بتخصصك !
    7 "
  8. ^^^
    تخصص اللغويات ما يطلع عندي بالرابط الي فوق!
    هل انت بنفس الجامعة الي بالرابط بمشاركتي أو غيرها؟

    FLORIDA STATE UNIVERSITY

    جامعة فلوريدا ستيت - مدينة تالاهاسي.... أو جامعة أخرى؟
    إذا كانت غير أكتب لي أسم جامعتك بالانجليزية بالضبط للتأكد إنها الجامعة التي قصدتها أنا سابقا في مشاركتي!!
    7 "
  9. يالله ! مو نفس الجامعة يالغالي !

    الجامعة الي انت كتبتها جامعة ولاية فلوريدا
    Florida State University

    والجامعة إلي اتكلم عنها جامعة فلوريدا
    University of Florida

    ................

    انا كتبت اسمها بالعربي جامعة فلوريدا ! بس ماكتب اسمها بالانجليزي وما انتبهت على الاسم الي انت كتبته ! حصل خير ......

    جامعة فلوريدا في مدينة غينسفيل
    اضغط على الصورة لعرض أكبر

الاســـم:	ImageUploadedByظ…ط¨طھط¹ط«1470152060.470776.jpg
المشاهدات:	86
الحجـــم:	277.6 كيلوبايت
الرقم:	43120
    7 "
  10. هذا يسموه استقعاد. ولا انت ماشاء الله عليك اورقك كاملة وقبولك واضح والجامعة متميزة والتخصص معتمد،
    ولكن شلة العرب اللي بالملحقية هي اللي مو عاجبها الوضع.

    افضل حل انك تروح للملحقية او تتواصل مع مساعد الملحق بنفسك.

    موفق ان شاء الله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.