المشاركة الأصلية كتبت بواسطة مراحل الإبتعاث
لا اعلم ماهو الامر الغير مفرح في الموضوع
مرحلة ابتعاث ستتجاوز 50 الف مبتعث ومرافقين مضمونين الدراسه والوظيفة ومع هذا الامر غير مرضي اي مرحلة من مراحل الابتعاث السابقة ابتعاثها تجاوز 50 الف مبتعث واي مرحلة من مراحل الابتعاث ضمنت مقعد وظيفي بعد العودة لمبتعثيها
الشكر يديم النعم ايها الشعب الطيب
الحمدالله على كل شي والله يرزقنا من فضله ولايحيجنا لخلقه
والله بخصوص الإبتعاث في أشياء كثيره غير مفرحه يا أستاذ مراحل
أول شي إلى الأن التخصصات محدوده جدا واغلبها كانت متاحه للسنوات الماضيه ومع انها بلا شك كلها مطلوبه في سوق العمل من عشر سنوات ماضيه لكن عدد كبير من المبتعثين كان يروح يدرس التخصص الأسهل في الجامعه الأسهل بالنسبه له مع انه كان يقدر يدرس أحد التخصصات المتميزه والنادره اللي الحين طالبينها ولاحظو ماقلت الكل لكن للأسف كثيير كذا
يعني كانو يروحون ويضيعون على انفسهم فرص حلوه في دراسة تخصصات نادره في السعوديه لكنهم اختارو الطريق الأسهل
طبعا هم في كفه واللي كانو يروحون ويتسلون ويرجعون بدون شهادات في كفه
الله يسامحهم ويصلحهم
ثاني شي في تخصصات لها مجالات واسعه في العمل على سبيل المثال تخصصي "الترجمه" في مجال اتوظف في مترجمه مستشفى او مُحاضره في الجامعه وكمان في أغلب الوزارات مطلوب هذا بس القطاع الحكومي غير القطاع الخاص
طيب تخصص مثل تخصصي كيف بيتعاقدو مع جهه تتبناه وهو مجالات العمل فيه كثيره؟
طبعا سيتم أستثناءه لعدة اسباب ومن ضمنها مافي جهه تحتاج 1000 مترجم
السالفه أن في ظلم لتخصصات ومتفوقين على حساب تخصصات ثانيه
يعني أتوقع كل التخصصات اللي مجالات العمل فيها واسعه بيستثنوها وهذا تحليلي نظرا للتخصصات المطلوبه الأن و إن شاء الله يكون توقعي غلط
ثالث شي طموح الطلاب وأحلامهم ما ألتفتو لها ولا اهتمو فيها
يعني أنا محدده وش التخصص اللي أبي أكمل دراسه فيه وكمان مختاره ثلاث مجالات عمل بإذن الله أقدر أتوظف فيها كيف يقولون تخصصي مو مطلوب وأنا شايفه الإحتياج بنفسي؟ وشايفه الأجنبيات اللي متوظفات بسبب قلة تخصصي؟
للأسف يعتقدو أن رغبتنا في الإبتعاث رغبه عشوائيه وتتبع مقولة مع الخيل ياشقرا
للأسف ما أنصفونا
أنا كان رأيي من زمان أن الإبتعاث يحتاج قوانين صارمه بحيث مايروح إلا الطموح واللي يبي العلم عشان ماتصير البعثه فقط عبئ مالي على الدوله
لكن اللي صار يوم قررو يظبطون الإبتعاث ما أنصفو جميع التخصصات
والتخصصات اللي أستثنوها حملوها غلط اللي راحو يتسلون وهدرو مال الدوله وضيعو على انفسهم وعلى الدوله فرص حلوه لتنمية البلد
وأخر شي الله يرزقنا جميعا من واسع فضله حتى الرضى ويغنينا بفضله عن العالمين
أستغفر الله ولاحول ولا قوة إلا بالله
اللهم صل وسلم على حبيبنا محمد وعلى أله وصحبه أجمعين
سبحان الله وبحمده سبحان الله العظيم
وقل ربِ زدني علما
ربي إني مسني الضر وأنت أرحم الرحمين
ربي إني لما أنزلت إلي من خير فقير
LinkBack URL
About LinkBacks
تكفون احد يفيدني انا موظف قطاع خاص شركة مقاولات لا يوجد اي امان وظيفي وراتب ع البركة ولله الحمد
هل اقدر اقدم على برنامج بعثتك ووظيفتك ام لاا ؟؟؟