المرحلة الحادية عشر من مراحل الإبتعاث

السلام عليكم ورحمة الله وبركاته

ياليت يا أخواني لو الاقي الرد هذا عندكم ولكم الأجر

أنا موظف في مكتب العمل المرتبة السادسة ( الرواتب جدا غير نافعه )

فكرة أبتعث بأذن الله ماستر ( نظم معلومات ادارية ) او اي قسم يندرج تحت النظم ..

معدلي 2.73 من 4 - هل ممكن يستثنون المعدل وأدخل الأبتعاث !!

وظعي موظف حكومي - هل لابد أني أستقبل قبل أقدم الكتروني يعني أستقيل اليومين هذي !! والا لما أضمن بعدها أستقيل !!

الله يعطيك الف عاافيه أولا وأخراً ...

والسلام عليكم ورحمة الله وبركاته ورمضان كريم

الان راجعت الاوراق وشفت.. انا اخذت ورقتين من الجامعة: شهادة مزخرفة فيها ختم الجامعة بس ومكتوب فيها اني اخذت الماجستير في الاقتصاد
وورقة ثانية فيها كشف الدرجات الرسمي لكل المواد اللي درستها، هذا فيه ختم الجامعة وختم الملحقية.

يعني لابد من ختم الملحقية عشان تتعادل الشهادة

حتى لو استقلت ذي اليومين صعب تطلع من العمل بالسرعة ذي.. تقديم الاستقالة اقل شي ياخذ شهر الين تطلع من الشغل، ويمكن شهور ثانية الين تخلى سجلاتك من كل ماله علاقة بعملك القديم.

احنا نتأمل انهم يسمحوا لنا بالتقديم واذا جاء القبول يقدروا يشرطوا علينا اننا مانطلع الين نستقيل من عملنا الحالي.. في هذي الحالة مافيها مخاطرة علينا اذا كان المستقبل الدراسي مضمون.

لكن ما انصح احد يستقيل على (أمل!) انه يطلع للبعثة ابدا ابدا ابدا.

انا نفس مشكلتك وخايف استقيل بس انتظر التسجيل
اذا نظام التسجيل الالكتروني منعني من التسجيل
افكر اروح للخدمه المدنيه وسالهم عن الاجراءات كم مدتها
اذا استقلت اذا ما تطول يمكني استقيل

لا مايحتاج ختم الملحقية
ارفع الطلب لمعادلة لشهادتك في موقع الإدارة العامة لمعادلة الشهادات
بعد كذا الوزاره سوف تفتح طلب معادلة الشهادة في صفحتك الخاص في السفير ويغلق من قبل الملحقية
حاول تستعجل المعادلة مهم في التسجيل وقد تستغرق بين 2-4 اسابيع او اكثر

العفو .. بالتوفيق

اخوي انا حابة أكمل ماستر في تخصص التغذية العلاجية ومحتارة الدولة اللي اختارها لأنه ماعندي أي معلومات سابقة تفيدني

اخي hunterksa

نصيحة لوجه الله في هذه الايام الفاضلة لا تستقيل ابداً ولا تفكر في الاستقالة اولاً هذه المرحلة مختلفة تماماً عن المراحل السابقة والشروط صعبة صحيح ما نزلت لكن كل شيء واضح الابتعاث انتهى ورحل من رحل الملك عبدالله واللي تشوفه حاليا اسمه مسخرة وزارة التعليم هم يريدون اغلاق هذا الملف بعيداً عن الحرج الاعلامي و النقد من الكتاب والطلاب وإلا توقيع اتفاقيات مع جهات لها برامج ابتعاث خاصه بها و اغلاق الملفات المرافقين حتى لو تم بدء الدراسه الاكاديميه بدون فصل البعثة وتعليق الدارسين على حسابهم الخاص و الضبابيه حول الشروط وعدم تنزيلها قبل مدة من بدء التسجيل ما هو الا بدء الوزارة في تقنين الابتعاث و ابتعاث اقل عدد ممكن وهذه كلها مسرحيات وزارة التعليم
ثانياً اخي الكريم معدلك ما يؤهلك ابداً في التسجيل المراحل السابقة يتم قبول من 3.75
نصيحتي لا تستقيل والله يعوضك خير ان شاء الله

كلامك جميل

ذكرت ان المعدل ما يأهل هو ذكر ان معدله 2.73 من 4

يعني مؤهل

صحيح ان وضع الابتعاث يخوف الان لكن اذا عمره صغير يعني تحت ال ٢٥ ممكن ان يستقيل الحياه امامه طويله
ولازم من المغامره انا مثل وظعه افكر استقيل لكن انتظر شروطهم
لكن ما لقيت احد يشجعني على الاستقاله ابد حتى لو تطابقني الشروط
وضعنا سيئ بالوظيفه الراتب ما يكفي لابد من الدراسه
سواء هنا او برا يعني نستقيل اذا ما لنا نصيب بالبعثه
نكمل بالسعوديه

وقت نزول الشروط.. ستظهر لك التخصصات والدول المتاحة لها.. في العاشر من رمضان