المرحلة الحادية عشر من مراحل الإبتعاث

المفروض يقفلون كل اقسام الانسانية و خاصة كلية التربية واضح مالها اي اهمية حقيقة من عدة مراحل للابتعاث مقفلين و مستبعدين التربويين
و حقيقة ان التربويين هم من خرجوا الصحي و العلمي قبل تخصصهم تناقضات عجيبة
وكيف بهم يريدون الاعداد الصحيح وهم لا يرون التربوي و لا المستبعد دائما وابدا رياض الاطفال !!

ان شاء الله يكون فهمنا خطأ ب
وان الفهم الصحيح هو أن د/عزام سوف يضمن للمبتعثين وظائف حقيقة و شركات فور تخرجهم ليشجعهم و يبدأ بحل مشكلة البطالة للمبتعثين
و ان التخصصات غير موجود لها اي جهة تتبنى لهم وظيفة سواء حكومية و اهلية يبتعثهم لوجود وظيفة عند التطوير مثل الاقسام التربوية
المستبعدة كالعادة و ابدا لا اعرف كيف توجهات الوزارة نحونا ابدا لكن سوف نتفائل و ندعو الله و نستخير و الحمدلله دائما و ابدا .

الانتظظظظظظظظظظظظار لكي يفك لنا د/عزام الرموز التي يغرد بها ..
و خلال هذه الفترة ندعو و نستخير بالتوفيق و التيسير
وان تطرح "التخصصات التربوية"

الجميله هياء إن صح نطقي شريكتي في التخصص️️
سبحان الله كلامك ذكرني بكلامي قبل بدايه المرحله العاشره ولكن إن شاء الله هالمره تصيب وتكون من نصيبنا وبقيه التخصصات اجمع

هذا اللي كان نفسي اوضحه انه اذا ما اهتمو بالتخصصات هذي وهي اللي بتخرج كوادر صحيه وكوادر تقنية وماليه وغيره كيف يبغو تطور في التعليم وفي المجتمع ..
بالعقل انا تخصصي لغه انجليزيه مايشملني الابتعاث وانا المفروض اتعلم وادرس اللغه من مصدرها مو من جامعاتنا اللي ماتعرف في الانجلش شي .. حتى في استاذات الله يستر عليهم علمونا نظريات في اللغه غلط ونطق للكلمات غلط !!!!!!!
ان شاء الله عزام يكون قد التوقعات ويعطي الجميع فرص متساويه لانه من حقنا نحقق احلامنا ونكمل تعليمنا في مجال تخصصنا

ودي اشوف شكل الي مسمي نفسه " مراحل الابتعاث " بعد القرارات الي جت ، مزعجنا له فتره ومسوي فيها ان معلوماته مؤكده وطلع كلش خرطي ، وبخصوص تعليقي على المرحلة الجديدة فعلياً لن تكون مرضية بسبب ان تكون محصورة على عدة قطاعات فإن لم تقبل لن تبتعث فهذا فيه بيكون فيه حرمان لشريحة كبيرة لكن المميز ان بيكون وضع المبتعثين ممتاز مادياً وفيه انضباط وصرامة من ناحية المتابعة الجامعية و حقيقتاً البرنامج يميل للتخصصات العلمية بشكل كلي وسيتم اضافة القانون فقط من التخصصات الانسانية لان فيه احتياج لهذا التخصص .
واتوقع والعلم عند الله طلاب الماجستير والدكتوراه بيكون لهم فرصه ضئيله لان من النادر ان القطاع الخاص يبعث موظفيه للدراسات العليا الا في حالة انهم تعاقدو مع جهات حكومية كجامعات او مؤسسات واتوقع غداً المؤسسة العامة للتأمينات الاجتماعية بتكون مع مؤسسة التقاعد في ابتعاث تخصصات المالية

السلام عليكم
بقولكم وش فهمت واعتقد انه هو الصحيح :

١- البعثات ليست للموظفين بل للخريجين.
٢- عدد ٥٠٠٠ في قطاع الطيران وغيرها هو للمرحلة الثالثة ككل وليس فقط للمرحلة ١١ ، يعني كل مرحلة ١٠٠٠ ، بمعنى ستكون هناك مفاضله قويه لقلة العدد .
٣- يوجد تخصصات جديده ولكن لا اعتقد انها انسانيه .
٤- خريجين الثانويه اعتقد يوجد لهم ابتعاث مثل طيار .
٥- هذه الخطوه تعتبر جدا ممتازة للدوله ولكن ليس للطلاب في رأيي .

هذا الي انا فهمته واتمنى زيادة العدد .

السلام عليكم حبايبي

ليش مستائين لهذي الدرجة و ضايقة صدوركم
انا اقول نصبر شوي و لا تظلمون الوزير الى مايبين القرار كامل .. يعني مالا داعي نقول هو اقل وزير و هو ظلمنا. وهو ..وهو ... اساسا كيف نقول كذا وانتم اساسا مافهمتم تغريدته صح .. و كل هذا الكلام الي دار مجرد توقعات خلونا ننتظر شوي و نشوف مصيرنا الين مايكمل القرار كامل ..

وانا بصراحة متفائلة و ما اظن انه بيظلمنا مع ان تخصصي تربوي(تربية خاصة) خصوصا ان من يوم صار وزير وكل القرارت الي اعلن عنها كانت حسنة و جيدة .

و شخصيا اعتقد ان المرحله الحاديه عشر تتكون من شقين الشق الاول وهو الي اعلن عنه و الشق الثاني وهو الي ننتظره و باذن الله راح يكون من نصيبنا و ينصفنا .

الامر الاخير الي حابه اتكلم عنه والي ابي اقنع نفسي فيه و اقنعكم معاي ان امر الله كله خيره سواءا رحنا ولا مارحنا انا متأملة كثير بالبعثه و كل يوم انام و اتخيل و احلم اني انقبلت بالبعثه و رحت خلاص �� لكن بالاخير رحت ولا مارحت خيررررررة

و عذرا على الاطالة .. و مجرد وجهة نظر

هذا الي يقهر وخايفين منه يكون العدد قليل وتكون فيه مفاضله تحطم الكثيير
لكن ان شاءالله نتفاجئ بالقرارات والشروط الواضحه قريب

فقط للإنصاف : الاخ الفاضل / مراحل الإبتعاث ماهو الا شخص مُجتهد ، ولم يؤكد على اي كلمة قالها ، هو فقط ( مُجتهد ) ويحاول يخبرنا بما يتوقعه وبما ( اجتهد به ) من معلومات وخلافه

إن اصاب فـي شي سنقول ( الله ينور عليك يا استاذ مراحل نبهتنا قبل نتوهق واعطيتنا احتمالية لأمر ما ) و إن لم يُصب فيكفينا " وارجع اكرر " اجتهـــادة ،

وبالمناسبة / ليس مجبور بأي مساعدات يقدمها لنا ، يفعل ذلك من باب اصله وكرمه وعطاءه

فرجاءً ، ياليت نكون اكثر تكاتف و إرتقاء ، ونختمها بكلمة ( شُكر لكل مجتهد )