سؤال لي بجامعة university of new haven

و عليكم السلام ورحمة الله
الحقيقة لي فترة طويلة ماكتبت بالمنتدى لكن اسم الجامعة لفتني و حبيت افيدك بالي اعرفه عنها
بالنسبة للمدينة عادية جدا وسط الاسبوع مافيه شي مهم تقدر تزوره بالتالي تركز اكثر على الدراسة اما بالويك اند عندك نيويورك تقريبا ساعة وربع و بوسطن تقريبا ساعتين .. المدينة تعتبر قديمة و البعض يشوفها كئيبة .. عن نفسي اشوفها عادية فيها كل الخدمات ما ينقصها اي شي حتى المساجد و البقالات و المطاعم العربية و الجالية العربية و التركية و الباكستانية كثيرة هناك ماشاء الله.
بالنسبة للجامعة جيدة جدا مليانة سعوديين ما راح تتعب في ترتيب امورك ابدا بحول الله فيها تخصصات قوية جدا و فيها عادية .. طبعا الجامعة معترف فيها من الوزارة و كمان معترف في بعض تخصصاتها من ارامكو (اتذكر اغلب مبتعثي ارامكو كانو بكالورويس هندسة)
بالنسبة للشقق تختلف يعني شقة بغرفة نوم واحدة تلاقيها من 900 - 1200 دولار و الغرفتين زيد عليها 200 دولار تقريبا .. فيه ناس كانت تسكن في ويست هايفن وانا من ضمنها عشان قربها من الجامعة و ناس كانت تسكن في الوينترقرين (غالي نسبيا وة اتوقع تغير اسمه)
و ازيد .. بالنسبة للاجواء طبعا باردة جدا في الشتاء تصل حتى -15 بس كانت تجربة جدا جميلة و ماحسيت اني ندمت عليها مع العلم كنت مع زوجتي و ولدي .. علما اني مجرب العيشة في كاليفورنيا لما يقارب سنة و نص بس تجربتي في نيوهايفن كانت جميلة و جديدة علي تماما.

اتمنى اكون افدتك و بالتوفيق