رد: مراحل المرحلة الحادية عشر من الابتعاث
اقتباس:
المشاركة الأصلية كتبت بواسطة MrMoody
لا ترا اللي شغالين عليه مهو تدقيق الكتروني .. التدقيق الإلكتروني كان من استمارة التقديم على طول الله يسلمك اللي يكون غير مطابق للشروط أو عنده نقص في احد الوثائق الاستمارة ترفضه تلقائيا هذا اسمه تدقيق الكتروني وانتهى بانتهاء فترة التسجيل .. المرحلة اللي شغالين عليها الله يسلمك اسمها "ترشيح مبدأي" الترشيح المبدأي عبارة عن ايش؟ طال عمرك انتا تقدم الطلب على نظام الوزارة تمام ؟ الخطوة الثانية الوزارة تأخذ الطلب تشوف هل هو أوكي في شي ناقص غير واضح رح ترسلك تنبيه أعد رفع الوثيقة الفلانية لغير وضوحها مثلا وهي المرحلة أيضا انتهت والوزارة ارسلت لناس كثير تنبيهات والناس عدلت وظبضت أمورها .. الخطوة الثالثة الوزارة تأخذ الطلب وترفعه للجهة الوظيفية اللي انت مقدم عليها مثلا الخطوط السعودية .. الخطوة الرابعه الخطوط السعودية تأخذ طلبك وبقية الطلبات على الوظيفة اللي مقدمين عليها وتشوف كم مقعد وظيفي عندها السنة هاذي وتسوي مفاضلة بينكم مثلا: 1900 طلب على وظيفة طيار وكلهم مطابقين الشروط .. الوزارة ترسل طلباتهم إلى الخطوط السعودية .. الخطوط السعودية تبغى فقط 500 طيار السنة هذي فتقبل أفضل 500 من ضمن ال 1900 عن طريق المفاضلة حسب الدرجات يوجد انجليزي أو لا يوجد الخ وبعد ما تخلص مفاضلة ترسل ال 500 المقبولين إلى الوزارة مرة ثانية .. هنا الوزارة تعلن أسماء المرشحين مبدأيا اللي هما هذول ال 500 هذي هي مرحلة الترشيح المبدأي باختصار .. مصدر المعلومات موقع الوزارة .. مع تحيات وزارة التطعيم .. أمزح ب التوفيق :)
طيب واللي يبا يغير التخصص او يغير بلد الابتعاث !؟؟
رد: مراحل المرحلة الحادية عشر من الابتعاث
لما ادخل على موقع المعاهد الموصى بها تطلع لي صفحة تعليمات
http://esllist.sacm.org
في موقع غيره ولا كيف اعرف ؟
رد: مراحل المرحلة الحادية عشر من الابتعاث
والله الناس مدري وش تبي بالضبط
الوزير ماكمل سنه حتى وكل هالضغوطات عليه زين انه بعقله للحين .
يعني الوزارة الي هو ماسكها يبيله ع الاقل سنتين عشان تتضح لنا الصوره ونعرف اذا فادنا بشي او لا
الواحد منهم يحس انه وزير ابوه يبيه يرد عليه لحاله في تويتر وينفذ طلباته لحاله كان مافيه امور كثيييييره مهمه بالدوله والتعليم ، يبيه يتفرغ له وعلى مزاجه والا يروح يهشتق ويشن حملة بايخه
رد: مراحل المرحلة الحادية عشر من الابتعاث
انزل تحت و وافق على التعليمات
رد: مراحل المرحلة الحادية عشر من الابتعاث
اقتباس:
المشاركة الأصلية كتبت بواسطة salimhamad
انزل تحت و وافق على التعليمات
مو طالع لي شي زي كذا
طالعه عندك انت خانة الموافقه ؟
رد: مراحل المرحلة الحادية عشر من الابتعاث
اقتباس:
المشاركة الأصلية كتبت بواسطة Afnan992
غيري متصفح البحث
رد: مراحل المرحلة الحادية عشر من الابتعاث
اقتباس:
المشاركة الأصلية كتبت بواسطة Architect 1989
المرحلة العاشرة انتهى التقديم 20 شوال وتدقيق الوثائق بدأ 14 محرم
لا تتوقعون هالسنة بيصير أسرع مع لخبطة جهات التوظيف
انت متاكد انه انتهى 20 شوال !!!!
انا سجلت فيها كانت في رمضان والمطابقة شهر 11
رد: مراحل المرحلة الحادية عشر من الابتعاث
اقتباس:
المشاركة الأصلية كتبت بواسطة amjad-alsahli
انت متاكد انه انتهى 20 شوال !!!!
انا سجلت فيها كانت في رمضان والمطابقة شهر 11
المرحلة العاشرة السنة الماضية تم فتح التسجيل بعد عيد الفطر وتم إغلاقه في العشرين من شوال
رد: مراحل المرحلة الحادية عشر من الابتعاث
اقتباس:
المشاركة الأصلية كتبت بواسطة Distinct-09
المرحلة العاشرة السنة الماضية تم فتح التسجيل بعد عيد الفطر وتم إغلاقه في العشرين من شوال
صحيح الان تأكدت من موقع الوزارة
رد: مراحل المرحلة الحادية عشر من الابتعاث
السلام عليكم ورحمة الله وبركاته
أسأل الله العلي العظيم أن يوفقكم لكل ما تتمنونه
عندي استفسار محيرني من زمان واللي هو هل وزارة التعليم تفرض علي الجهات المتعاونة معها توظيف المبتعث ام هي مجرد وسيط لجرد (اعتذر عن الكلمه ) وتدقيق معلومات طالب الابتعاث
إذا الخيار الأول ممتاز ولو الثاني احسه محبط فمثلا جهة ما طلبت هذه السنه 1000 طالب وطالبة وتم ترشيح 1200 طالب او اي عدد يزيد عن استيعابها لذلك قبول بعثتهم منوط بقبولهم و200 طالب لم يبتعثوا ولا توظفوا
أو لا سمح الله أخفق في المقابلة الشخصية لدى جهة التوظيف يعني خلاص لا ذي ولا ذي
اتمنى اكون غلطان والله اتمنى اني ادخل هنا بالملتقى واجد الجميع فرح بالابتعاث
شكر خاص جدا لصاحب هذة البادرة والله يجزاك عنا خير الجزاء والله لك تقديرنا واحترامنا البالغين
شكرا