مراحل المرحلة الحادية عشر من الابتعاث

اعزائي ارجو ان الكل مايقول معلومة الا ومتأكد منها... المرحلة هذي تختلف اختلاف جذري عن المراحل السابقة.. خلونا ننتظر الوزارة تطلع تصريح رسمي عشان مانشغل بالنا على الفاضي

بالنسبة للجامعة إللي أخليت منها طرف السنة الفائتة، كان الإنسحاب من الجامعة يعني الإنسحاب نهائيًا، وماتقدر تقدم عليها من جديد، وأتوقع غالبية الجامعات عندها نفس النظام، بس عشان تطمن أكثر تأكد من الجامعة نفسها إللي راح تخلي منها طرف إذا كان إخلاء الطرف يمنعك من التقديم فيها مرة أخرى أو لا
بالتوفيق لك أخوي

أنا أتكلم عن تجربتي بالنسبة للسنة السابقة للفائدة لاغير، والنظام نفسه مع جميع السنوات اللي قبلها
من شروط البعثة أن لايكون هنالك قيد في الجامعة، وهذه الخطوة تتم التأكد منها في وقت المطابقة للأوراق، فإذا كانت الخطوة بعد المطابقة "لأن المرحلة فقط غير عن غيرها" فتتوقع متى راح تكون؟ أبدًا مافيه خطوة للتأكد بعدها!
عمومًا الله يسهل عليكم في هذه السنة، وإن شاء الله تكون غير ومايلزم إخلاء طرف -مع أنه أبعد الظن- وبالتوفيق.

بخصوص الاخت اللي سألتني انا كنت علاج تنفسي وحولت الى هندسه ميكانيكيه .. احنا الشباب مسموح لنا ان ندخل له اوقات الدولم ف يمكن لو ترسلين والدك عشان يقابلون المدير ويغير التخصص يكون افضل تعطيه معلوماتك كاامله ويقابل في البدايه جهه الدعم الفني اذ ماحصل تجاوب يروح للمدير البرنامج في نفس مبناهم في الرياض .. لكن اتمنى العجله في الموضوع قبل مايرسلون القبول المبدئي .. واذ بغيتي حاولي وقت المطابقه وان شاء الله تمشي امورك

اهلاً بك، تدخل قوقل وتكتب ( جداره) ثم عن طريق موقع جداره تدخل هويتك وكلمة مرورك وتقدم على الوظائف المتاحه إذا كانت تناسب تخصصك


* المعذره من الجميع على تداخل المواضيع

سؤال الله يرضى عليكم وش الاختبارات اللي بيختبرونا فيها؟
هي الآيلتس وكذا ؟ وكيف ! طيب اذا انا موًذاك الخلفية بالانجلش لسى ! كيف يختبرونا وهم بيعطونا مهلة بمعهد اللغة قبل الدراسة ؟


ومعهد اللغة هذا على حسابي ! ولا حسابهم وهل انا اختاره ؟ وكيف ادري انهم قبلوني باالمعهد يعني ماروح لذولة البعثه لين احصل ع موافقة التحاقي بمعهد !



وشششكرا😢

مشاء الله كم سؤال هههه

المهم الاختبارات على حسب التخصص علمي يعني انجليز والمواد العلمية نفس الاختبار اللي كانت الخطوط تختبره من قبل

وزي اختبار ارامكو ل cpc

اكيد في سنة لغة وعلى حساب الدولة
لكن يبون واحد يطلع يخلصها بسرعه زي ارامكو تخلي الطلاب 9 شهور لغة في السعودية وثم يطلعون توفير

ارامكو تعطيه ٩ اشهر للغة الدوله تعطي سنة ونص للغة .. خاصة انو طلبة الماستر يطلب منهم درجات عالية في الايلتس اما البكالوريوس ٤ ونص اتوقع تمشيهم في كثير من الجامعات ..

بنسبة لقبول المعهد تراسلينهم من هنا ويرسلون لك القبول لا تروحين هناك تدورين ضبطي امورك من هنا عشان تروحين مرتاحة حتى السكن ابحثي من هنا اذا حصلتي ولقيني احد يضبطك من هناك او اكتبي العنواين واول الأيام بروحي شوفيهم ..

مساء الخيير ،
مافيه شي جديد !