مراحل المرحلة الحادية عشر من الابتعاث

عليكم السلام ورحمة الله وبركاته

نعم للأسف الوزارة اصبحت مجرد وسيط وعند اكتفاء الجهات يتم استبعاد باقي الأعداد من المتقدمين ..

وفشلك -لا قدر الله- في المقابلة ايضاً سبب لاستبعادك من الابتعاث (يعني لا ذي ولا ذي)

والله يكتب لنا الصالح جميعاً

تفائلوا يا مبتعثين على حسابكم الخاص .. نسأل الله التوفيق للجميع

الله يوفقهم ي رب .. ي ليت بس يرجعون الابتعاث السابق بدون جهات وظيفيه ولا مقابلات ويرجعون ترقيه البعثه .. نبي نتعلم والله .. والله يوفقنا في هالمرحله ونطلع كلنا سوا .. تفائلو بالخير

انسوا الابتعاث ومشوا حياتكم قبل اسبوعين كنت موقفه كل شي عشان القبول ..

الحين بمشي بحياتي وأحاول اتوظف ومتى ما جا ابتعاثهم جا ..


الله يوفقنا جميعاًً

انا مدري وش سالفة الشعب اللي مقدمين
اي حاجه تواجهك صعوبة في فهمها فكر فيها بمنطق
الحين الموظفين اللي سجلوا وجالسين يسألون (انا ما ودي اقول شي من كيسي لكن بالعقل)
يعني انت موظف حكومي ورفضك النظام ما قدرت تسجل يعني كشفك بالقوانين اللي هم حاطينها مثلها مثل العمر والقياس والتحصيلي وغيره
انت ياللي ما كشفك النظام الموظف قطاع خاص او اسمك مسجل بالتأمينات امورك ماشيه تمام لان النظام خلاك تعدي وتكمل تسجيل ، باختصار التسجيل هو اثنين بواحد تسجيل وتدقيق الكتروني
فمسألة انك تسحب ع وظيفتك او عالجامعة ما انصحكم
لأن المراحل الجايه باختصار كلها مطابقة اوراق ومقابلات وارفع اوراق قبول معهدك ويجيك قبول نهائي وخلاص دربك خضر

ولحد يتوتر لان موظفين الوزارة بالمطابقة والملتقيات وباقي الاجراءات تراهم متساعدين حيل

الله يوفقنا وياكم

انا ماكنت موظفة بس رفضت فرص جاتني ما اعرف ليش رفضتها ماكان في سبب مقنع الا اني كنت توني متخرجة وشايفه حالي هههههه

تبدأ رحلة البحث عن فرصة وظيفية والله يكتب الخير ..

انا لا اقصدك انتي فقط اقصد الاخوان والاخوات بشكل عام
الله يوفقك اختي

شموخ و مراحل .. نحتاج لاخبار تفرح مثل ماعودتونا ف ي ليت تعلموننا مالجديد

الله يوفق الجميع ويختار الخيره لكل منا يارب


طولوها صدق 😢💔


عندي سؤال

كيف اللي يطالبون بتغيير التخصص ! وأنه ماعاد ينفع لازم مسار البكالوريوس والماستر نفس الشيء 😪

ان السعوديه ماعاد تقبل الا بنفس المسار 😭💔

أنا طلع لي قانون تابع لتخصصي باالبكالوريوس دراسات اسلامية

طبعا انا مابي هالتخصص لاني احب علم اسره والنفس والارشاد وعلم نفس والتربيه ومعاي دبلوم عالي باالارشاد النفسي والتربوي


ومدري هل كان المفترض اقدم بوثيقة الدبلوم العالي 💔
ولاأغير القانون عادي لاتقولون ايه تجلطوني 😭



والشيء الثاني الجهه الوظيفية /
مااتذكر وشي اتذكر انها طلعت لي خانه وحده بسس
ومال امها دخل ناسيه وش 👀😂 كنها مؤسسة تعاقد مدري نقاعد او مؤوسسة نقد ماني متذكره ابدا لانها كانت خيار واحد

ومره اعدت التسجيل وتغير الجهه الوظيفية وبرضوا خيار واحد

هل هذا علامة ان موضوعي مشكوك به😢💔

وشكرا

لديك قبول في أكثر من جامعة نأمل سرعة تأكيد قبولك في الجامعة التي
ترغب الالتحاق بها وإلغاء قبولك من الجامعات الأخرى تجنباً لإلغاء قبولك من جميع الجامعات المقبول بها

ايش قصدهم يعني أنقبلت وين ألقى أسماء الجامعات اللي أنقبلت فيها 😯