مراحل المرحلة الحادية عشر من الابتعاث

وهذا الي قاعد افكر فيه.. البعض لم يشترط بالعمل لديها بعد انتهاء البعثه.... اذا كان الوضع اختياري بيكون افضل ان شاء الله

اللي بيصرف على بعثتك هيا الجهه الوظيفية
فأكيييد حتلزمكم بالعمل عندها ..

السلام عليكم
اليوم سويت مقابله مع الهية الملكية بينبع ( مع العلم انا مقدمة عليهم كوظيفة يوم المهنة في واشنطن)
حبيت أفيدكم وش سالو من اساله
اولا: اللي سوى لي المقابله اثنين دكتاره رجال و و٣ حريم ومنهم وحده فيزياء
ثانيا : المقابله كانت كلها بالانجليزي
ثالثا: اول سوْال عرفي عن نفسك
رابعا: بعدين سألتني عن حقت الفيزياء اساله عن الفيزياء ( كم سرعة الضوء- وش الأساس للكرستال- وش الفرق بين القوانتم فيزكس والكلاسكل فيزكس- هل الضوء ينحي- وش الفرق بين الموصلات وأشباه الموصلات والعوازل) الجزء ذَا يهم الفيزيائيين
خامسا: بعدين سالوني تُحبين التدريس وليش تحبينه
سادسا: بعدين قالو لي وش أكثر جانب انتي مميزه فيه كمدرسه
سابعا: هل انتي متزوجه او لا ، ماعندك مشكله تنقلين ينبع
وأخيرا، انا أقول يارب انهم يقبلوني

أتمنى أكون ساعدت او نفعتكم بشي بسيط أتمنى تدعون لي

الله يوفقكم جميعا ويحقق لكم مرادكم ❤️

السلام عليكم ورحمة الله وبركاته

كنت مثلكم في البداية بس ادخل على الموقع ومتوترة وانتظر متى تطلع النتائج !
بس يا اخواني واخواتي ترا هالأنتظار فرصة لنا عشان نطور انفسنا في اللغة ونقرأ اكثر عن المجال إلي راح نتخصصه حتى ندخل وقت المقابلة والأختبار وعندنا حصيلة من المعلومات و نكون أدينا إلي علينا وإن انكتب لنا القبول بنعرف إنه من فضل ربي ثم اجتهادنا و إذا الله ما كتب لنا في النهاية هذا نصيب وخيرة من الله والحمد لله على كل حال والدنيا ما توقف عند الابتعاث في الحياة فرص كثيرة* ومحد يدري وش الله مخبي له في الغيب .

المهم توكلوا على الله وثقوا بأن الأرزاق بيد الله ورزقتك محد راح ياخذها منك ..
و اكثروا من الدعاء
" اللهم بشرنا بالخير كما بشرت يعقوب بيوسف وبشرنا بالفرح كما بشرت زكريا بيحيى يا حي يا قيوم "
*

الله يجزاك خير على هالمعلومات
لو بس كنتي كيمياء حيوية كان ياسلاااااام لان لو سألوني كم سرعه الضوء بجلس ابكي هههههههههه انا من جهة والفيزياء من جهة ثانية

الله يوفقك ويسهل لك الخير

لحظة !
الحين لابد نمتح توفل عشان المقابلات وكذا شرط !
مو احنا رايحين معهد وكذا ندرس كيف تجي ذي
اشوف ناس كاتبة امتحنت عشان الوظيفة وش السالفة !!

لا مو لازم .. بس تحسب لك أفضلية اذا كانت عندك شهادة لغة

على حسب كلااام الأستاذ : مراحل الابتعاث

وعليكم السلام ورحمة الله
الله يوفقك حبيبتي ويسخر لك عباده
بس خوفتني فكرة ان المقابلة انجليزي
اذا كذا من الحين فقدت الأمل لان من الجهات الي طلعت لي الهيئة الملكية
طيب انتي خريجة جامعة سعودية ؟

ليش مو مهم ؟ كلها كم سطر

معروف عند كل مقابلة لازم يكون لديك سيرة ذاتية أفضل شيء .

واللي ما يبي يجيب سيرة ذاتيه برااحته

بالعقل معروفه . لكن يبون الجهة تقول لهم اي شيء . شخص مقدم على وظيفة . يجي يده فاضية أش تتوقع ردة فعل مسؤول التوظيف . السيرة الذاتية تبين للمسؤول وش تبي وتميزك عن غيرك.
كل واحد وراحته
بالتوفيق