-
مواعيد " المقابلات الوظيفية - الاختبارات " الخاصة بالجهات الوظيفية :
السلام عليكم ورحمة الله وبركاته :
هنا سوف تجدون بإذن الله بعد ظهور نتائج القبول المبدئي مواعيد المقابلات الشخصية والاختبارات الخاصة بالجهات الوظيفية والتي سوف تحدد بإذن الله قريبا كل ما عليكم متابعة طلبكم باستمرار .
1- المؤسسة العامة لتحلية المياه المالحة.
2- وزارة التجارة والصناعة.
3- الخطوط الجوية العربية السعودية.
4- المؤسسة العامة للخطوط الحديدية.
5- المؤسسة العامة للصناعات العسكرية.
6- وزارة الصحة.
7- مدينة الملك عبدالله للطاقة الذرية و المتجددة.
8- الهيئة الملكية للجبيل وينبع.
9- المؤسسة العامة للطيران المدني .
10 - وزارة الشؤون الاجتماعية.
11- وزارة الزراعة.
12- الهيئة العامة للسياحة و التراث الوطني .
13- مؤسسة النقد العربي السعودي.
14-
وزارة الاتصالات و تقنية المعلومات.
ملحوظة :
قد تظهر المواعيد في حالة طلبك بعد القبول المبدئي . لذا نرجو من الجميع إذا ظهر لديه أي تنبيه يخص الجهات الوظيفية بعد القبول المبدئي يضعه هنا . تمنياتنا للجميع بالتوفيق والنجاح
أخوكم / شموخ إنسان
إدارة مبتعث.
-
رد: مواعيد " المقابلات الوظيفية - الاختبارات " الخاصة بالجهات الوظيفية :
جميل
بس يارب يكون بعد العيد عشان انا برا السعودية الان😯
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة MOAFAQ18
جميل
بس يارب يكون بعد العيد عشان انا برا السعودية الان
إن شاء الله.....
-
رد: مواعيد " المقابلات الوظيفية - الاختبارات " الخاصة بالجهات الوظيفية :
تحمست وتوترت اكثر
نقول ان شاء الله من المقبول والله يوفق الجميع
بس متى النتائج تقريبا؟ الاسبوع الجاي يعني؟؟
-
رد: مواعيد " المقابلات الوظيفية - الاختبارات " الخاصة بالجهات الوظيفية :
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اذا رشحونا للمقابلات هذا يعني احنا لس في مرحلة الترشيح لما الجهة تقبلنا بعد المقابلة ..
الله يكتب لنا الخير جميعاً يا رب ..
-
رد: مواعيد " المقابلات الوظيفية - الاختبارات " الخاصة بالجهات الوظيفية :
مقابله الوظيفه !!طيب انا وظيفة فتحلية المياه وهي خاصه بالرجال !
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة roroeee22
مقابله الوظيفه !!طيب انا وظيفة فتحلية المياه وهي خاصه بالرجال !
آكيد راح يحطون لك بالنظام وين مقابلتك فيه .. هذي السنة سووا غلطه انو فتحوا الجهات المخصصة للآولاد للبنات اتوقع السنة الجاية ما تتكر لآنهم اكيد ما راح يرشحون الجهة بنات
-
رد: مواعيد " المقابلات الوظيفية - الاختبارات " الخاصة بالجهات الوظيفية :
السلام عليكم
استفسر بعد القبول المبدئي كم ياخذ وقت للقبول النهائي يعني توقعاتكم متى يظهر القبول النهائي هذا سؤالي
اطلعت لي امريكا ...وانا خايفه من نطقة الحجاب .. مهم بالنسبه لي ..عادي ادرس بحجابي خاصه الوجه مابي اكشف هناك نهائي لان الله هنا وهناك (وجه نظري )
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة رضاك ربي1
السلام عليكم
استفسر بعد القبول المبدئي كم ياخذ وقت للقبول النهائي يعني توقعاتكم متى يظهر القبول النهائي هذا سؤالي
اطلعت لي امريكا ...وانا خايفه من نطقة الحجاب .. مهم بالنسبه لي ..عادي ادرس بحجابي خاصه الوجه مابي اكشف هناك نهائي لان الله هنا وهناك (وجه نظري )
وعليكم السلام ،،
بالنسبة للحجاب اختي تدرس بحجابهآ ومره مرتآحه ومافي اي مضايقآت لها .. لا تشيلي هم 💜
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة رضاك ربي1
السلام عليكم
استفسر بعد القبول المبدئي كم ياخذ وقت للقبول النهائي يعني توقعاتكم متى يظهر القبول النهائي هذا سؤالي
اطلعت لي امريكا ...وانا خايفه من نطقة الحجاب .. مهم بالنسبه لي ..عادي ادرس بحجابي خاصه الوجه مابي اكشف هناك نهائي لان الله هنا وهناك (وجه نظري )
الحجاب بامريكا مافيه ابداً مشاكل ومضايقات ..
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة Noura_t
اذا رشحونا للمقابلات هذا يعني احنا لس في مرحلة الترشيح لما الجهة تقبلنا بعد المقابلة ..
الله يكتب لنا الخير جميعاً يا رب ..
طيب اذا ترشحنا لكن لا قدر الله ماصار اجتياز المقابلات الوظيفه معقوله مانبتعث لا قدر الله
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة كمبيوتر ساينس
طيب اذا ترشحنا لكن لا قدر الله ماصار اجتياز المقابلات الوظيفه معقوله مانبتعث لا قدر الله
هم بياخذوا كل الي انطبقت عليهم الشروط ويعطونها الجهات وهي تختار واتوقع ندخل في مفاضلة قويه ..
الي قاهرني الجهة ما راح تدفع ولا ريال على ابتعاثنا لكن الكلمة الأخيرة لها وهي الي تحدد ..
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة Noura_t
هم بياخذوا كل الي انطبقت عليهم الشروط ويعطونها الجهات وهي تختار واتوقع ندخل في مفاضلة قويه ..
الي قاهرني الجهة ما راح تدفع ولا ريال على ابتعاثنا لكن الكلمة الأخيرة لها وهي الي تحدد ..
صحيح كلامك ماتدفع شي وتتحكم ،، المفروض انهم يقبلون فوق العدد اللي طالبينه ويخلون الباقي لمن يرجع مقاعد احتياط لهم لكن مافي عقد يحتكرنا اذا رجعنا
-
رد: مواعيد " المقابلات الوظيفية - الاختبارات " الخاصة بالجهات الوظيفية :
آتوقع مافي احد آكثر مني دخل ع حساب عزام الدخيل [emoji5]️قسم بالله وجهه بكل مكان اشوفه قدامي حتئ بالمنام تحلمت فيه ، ماقول الا يارب تسهل امورنا ،،، من فيكم جهة الوضيفيه الهئية الملكيه وكم طالبين ،،، ارجو الرد بسسسرع وقت ممكن [emoji5]️[emoji257][emoji113]
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة Eng~mohammed
آتوقع مافي احد آكثر مني دخل ع حساب عزام الدخيل [emoji5]️قسم بالله وجهه بكل مكان اشوفه قدامي حتئ بالمنام تحلمت فيه ، ماقول الا يارب تسهل امورنا ،،، من فيكم جهة الوضيفيه الهئية الملكيه وكم طالبين ،،، ارجو الرد بسسسرع وقت ممكن [emoji5]️[emoji257][emoji113]
انا مو جهة الوظيفة الهيئة الملكيه بس حبيت اعلمك
بالنسبة للهيئة الملكيه موقعين مع الوزارة 1000 بعثة مقسمة ع خمس سنوات يعني بحسبة بسيطة كل سنة 200 بعثة
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة EngMohammed
انا مو جهة الوظيفة الهيئة الملكيه بس حبيت اعلمك
بالنسبة للهيئة الملكيه موقعين مع الوزارة 1000 بعثة مقسمة ع خمس سنوات يعني بحسبة بسيطة كل سنة 200 بعثة
٢٠٠ يعتبر عدد قليل بالنسبة للمتقدمين .. ننتظر ونشوف انا مو مقهورة كثر اني معلقة الحين مو قادرة اتوظف ولا شي [emoji16]
-
رد: مواعيد " المقابلات الوظيفية - الاختبارات " الخاصة بالجهات الوظيفية :
للتوضيح فقط الهيئة الملكيه موقعه مع الوزاره ٥٠٠٠ الاف وظيفك لخمس سنوات يعني كل سنه ١٠٠٠ وظيفه وهذي معلومه اكيده
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة Noura_t
٢٠٠ يعتبر عدد قليل بالنسبة للمتقدمين .. ننتظر ونشوف انا مو مقهورة كثر اني معلقة الحين مو قادرة اتوظف ولا شي [emoji16]
يا اختي تفاؤلي بالخير تجديه... ولسه لا تنقهري دام م جاء شي ننتظر ونشوف بس لازم يكون عندك بديل ترا الابتعاث بهالمرحله صعب جدا جدا
من ناحية انه 200 عدد قليل فهو قليل بس وش نسوي ولكن باذن الله نبارك لبعض بالقبول النهائي بالبعثه
تمنياتي لك بالقيول والتوفيق وزي م قلتلك ابحثي عن بديل
-
1 مرفق
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة Ahmed_Turki
للتوضيح فقط الهيئة الملكيه موقعه مع الوزاره ٥٠٠٠ الاف وظيفك لخمس سنوات يعني كل سنه ١٠٠٠ وظيفه وهذي معلومه اكيده
ياخي لا تنقل معلومة غلط وانت مو متأكد منها يجب المصداقية بهالشي... وهذا الدليل انها 1000 بعثه لمدة خمس سنوات
-
مواعيد " المقابلات الوظيفية - الاختبارات " الخاصة بالجهات الوظيفية :
صح كلامك حبيبي تاكدت من المعلومه
وعذراً على الغلط لم يكن متعمد
وشكراً لك على تصحيح المعلومه
والله يوفقنا وياكم للقبول في البعثات
-
رد: مواعيد " المقابلات الوظيفية - الاختبارات " الخاصة بالجهات الوظيفية :
الحمدالله ...ربي يريحك ان شاء الله
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة EngMohammed
يا اختي تفاؤلي بالخير تجديه... ولسه لا تنقهري دام م جاء شي ننتظر ونشوف بس لازم يكون عندك بديل ترا الابتعاث بهالمرحله صعب جدا جدا
من ناحية انه 200 عدد قليل فهو قليل بس وش نسوي ولكن باذن الله نبارك لبعض بالقبول النهائي بالبعثه
تمنياتي لك بالقيول والتوفيق وزي م قلتلك ابحثي عن بديل
متفائلة الحمد لله وواثقه خير بالله .. ومو معلقة آمالي فقط عالابتعاث والبدائل كثيرة الحمد لله ..
-
رد: مواعيد " المقابلات الوظيفية - الاختبارات " الخاصة بالجهات الوظيفية :
من الظلم ان يكون الطالب مكتمل الشروط ولايكون له نصيب بالابتعاث ،، انا ابي افهم ليش مايكون الابتعاث مفتوح مثل السنوات اللي راحت #وربط الوظيفه بالبعثه ليس سيئ وفكره جيده من الوزير يشكر عليها، كان الافضل ان يكون الابتعاث مفتوح لمن كان مكتمل الشروط ولايقتصر ع #وظيفتك وبعثتك ، آتمنئ التوفيق للجميع
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة Eng~mohammed
من الظلم ان يكون الطالب مكتمل الشروط ولايكون له نصيب بالابتعاث ،، انا ابي افهم ليش مايكون الابتعاث مفتوح مثل السنوات اللي راحت #وربط الوظيفه بالبعثه ليس سيئ وفكره جيده من الوزير يشكر عليها، كان الافضل ان يكون الابتعاث مفتوح لمن كان مكتمل الشروط ولايقتصر ع #وظيفتك وبعثتك ، آتمنئ التوفيق للجميع
لو حاطين ربطها بالوظيفة خيار يكون كويس لانو في ناس مو طموحها قطاعات حكومية ويشوفون انو الخاصة افضل لهم ..
-
رد: مواعيد " المقابلات الوظيفية - الاختبارات " الخاصة بالجهات الوظيفية :
صح وفي كثير مايبغون وظيفه الا بعد الدكتوراه او في الجامعات
-
رد: مواعيد " المقابلات الوظيفية - الاختبارات " الخاصة بالجهات الوظيفية :
فعلا انا توجهي اكاديمي
سبحان الله عزام وقع اتفاقيات مع الكل ونسي يوقع مع نفسه
ويرسل مبتعثين عشان يرجعو محاضرين وباحثين
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة LMA
فعلا انا توجهي اكاديمي
سبحان الله عزام وقع اتفاقيات مع الكل ونسي يوقع مع نفسه
ويرسل مبتعثين عشان يرجعو محاضرين وباحثين
هذي بتصير باتفاقية مع الجامعات لكن الجامعات لها ابتعاث مستقل عن ابتعاث الوزارة وبشروط قد تكون اصعب تاخذهم معيدين وتبتعثم وترجعهم محاضرين ..
فأنت قدمي اعادة على الجامعه الي تناسبك اذا حابة أكاديمي ..
-
رد: مواعيد " المقابلات الوظيفية - الاختبارات " الخاصة بالجهات الوظيفية :
كمان الجامعات تتطلب درجة الايلتس او التوفل للإعادة عشان تبتعثك ما راح تخليك تاخذين اللغة برة بس تبتعثك سنة تجيبين درجة الماجستير وترجعين ..
-
رد: مواعيد " المقابلات الوظيفية - الاختبارات " الخاصة بالجهات الوظيفية :
السلام عليكم ، سؤال بسيط هو لو قدمت على جهتين في برنامج بعثتك وظيفتك على اي اساس يتم اختياري في الجهتين ؟ هل اترشح للاثنين ولا وحده
-
رد: مواعيد " المقابلات الوظيفية - الاختبارات " الخاصة بالجهات الوظيفية :
مقابلة وزارة الصحة حتكون بأي لغة ؟ ٍٍٍٍ العربية ٍٍٍٍ الانجليزية
-
رد: مواعيد " المقابلات الوظيفية - الاختبارات " الخاصة بالجهات الوظيفية :
السلام عليكم ورحمه الله وبركاته
الحين مو بدري على الموضع هذا
هل في احد ترشح وينتظر المقابله لان مازال الطلب تحت الاجراء
والتنبيهات مافيها شي الى الان
انا على اعصابي وعادي مادري كيف جايه
ان جات فمن الله وان راحت فمن الله والخيره في ما اختاره الله
ولكن اتمنى اني اطلع والله ييسر الامور
- - - مشاركة محدثة - - -
اقتباس:
المشاركة الأصلية كتبت بواسطة ibrahimkoab
مقابلة وزارة الصحة حتكون بأي لغة ؟ ٍٍٍٍ العربية ٍٍٍٍ الانجليزية
اتوقع عربي لانك حتى لو ماتعرف انجليزي راح تبتعث وتدرس اللغه
انا مثلك مقدم على وزاره الصحه
-
رد: مواعيد " المقابلات الوظيفية - الاختبارات " الخاصة بالجهات الوظيفية :
حد منكم يعرف تحلية المياة كم طالبة عدد؟
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة آلاء الله
حد منكم يعرف تحلية المياة كم طالبة عدد؟
الف مبتعث لمدة ٥ سنوات للمرحلة الوحدة يعني ٢٠٠
لكن كلها لذكور ..
-
رد: مواعيد " المقابلات الوظيفية - الاختبارات " الخاصة بالجهات الوظيفية :
تحلية المياة الذكور فقط؟!
انا كيمياء وطلع لي الهيئة والتحلية اخترت التحلية
طيب الهيئة فيها إناث؟
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة فيولا5
تحلية المياة الذكور فقط؟!
انا كيمياء وطلع لي الهيئة والتحلية اخترت التحلية
طيب الهيئة فيها إناث؟
اتوقع فيها .. لكن أسأل ان شاءالله احد يفيدك أكثر
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة فيولا5
تحلية المياة الذكور فقط؟!
انا كيمياء وطلع لي الهيئة والتحلية اخترت التحلية
طيب الهيئة فيها إناث؟
دام طلعلك الجهه يعني متوفر فيها الاناث لا تشيلي هم من هالناحية
-
رد: مواعيد " المقابلات الوظيفية - الاختبارات " الخاصة بالجهات الوظيفية :
-
رد: مواعيد " المقابلات الوظيفية - الاختبارات " الخاصة بالجهات الوظيفية :
انا محتاره جداً انا رشحت بالمرحله العاشره ومابعد رحت وسووا لي تمديد ومقدمه على المرحله الحادي عشر والقبول تأخر ماادري اطلع اسافر او انتظر القبول
-
رد: مواعيد " المقابلات الوظيفية - الاختبارات " الخاصة بالجهات الوظيفية :
اقتباس:
المشاركة الأصلية كتبت بواسطة Zozomoon
انا محتاره جداً انا رشحت بالمرحله العاشره ومابعد رحت وسووا لي تمديد ومقدمه على المرحله الحادي عشر والقبول تأخر ماادري اطلع اسافر او انتظر القبول
سافررري المرحله 11 مافيها شي مضمون
حرام تضيع فرصة الابتعاث على امل القبول في المرحله 11 الا في حال معك وقت تنتظر لنتائج والمقابلات والاختبارات الي بعدها الواحد يقدر يقول انقبلت