الحذر عند دفع اموالك للجامعة

السلام عليكم

طبعا الموضوع للحيطة و الحذر في دفع اي مبلغ للجامعات بالخارج و التفكير اكثر من مرة في الموضوع و التاكد من خدمة الجامعة و امانتها.

على العموم جاني قبول مرحلة لغة 5 اسابيع تهيئة للماجستير بجامعة وولفرهامبتون و دفعت لهم 6 الاف ريال قيمة الكورس.
المشكلة تبدأ من هنا فهم بعد ما استلموت المبلغ قعدوا يماطلوني اسبوعين كاملين عشان يعطوني الكاس، ضيعوا الوقت في تاكيد الدفع (رغم ارسال التاكيد على ايميلي) و قاموا يعقدونها اكثر في طلبات الوثايق اللي عدت رفعها لهم اربع مرات و يرفضونها بدون اي سبب مع سؤالي اكثر من مرة لهم عن المشكلة.

و اخيرا الرسايل المبهمة و التناقضات اللي يرسلونها لي مرة يقولون لي عندة اسبوع تغيب عن الكورس و مرة يقولون لي ماتقدر تغيب و اخر مرة قالوا لي ان لك 5 ايام تطلع فيزا tier 4 ولا ماراح نقبلك.

راسلتهم باسترجاع المبلغ و رفضوا و اضطريت احجز للفيزا ب 2000 ريال + بدفع لهم يوم الاثنين مبلغ اضافي لتسريع العملية مع اني عارف انهم مايقدرون يسوونها خلال اسبوع.

لهذا خذوا الحيطة و الحذر من هذي الجامعات اللي همها كل اللي في جيبك و انا اعتبر هالمشكلة دفعة بلا عن ال 100 الف اللي كنت بدفعها للجامعة.

مغفلين. هم اللي خسروك. ضيعوا على نفسهم 100 ألف مقابل 6000 ريال. مشكور على التنبيه. والمفروض الآن ان وزارة التعليم تضع حضر على هذا المعهد والجامعة التي يتبع لها المعهد

الله يعوضك بالاحسن ان شاء لله لعله خير لك

لو سمحت اخوي انا راسلت جامعه وارسلتلهم اوراقي على البريد وعلى الاميل وارسلت رسوم التسجيل بس للحين ما ارسلولي حاجه على القبول كم ياخذ منهم عشان يرسلونلي اني اقبلت ؟

اقتباس:

---

المشاركة الأصلية كتبت بواسطة seham.adnan

لو سمحت اخوي انا راسلت جامعه وارسلتلهم اوراقي على البريد وعلى الاميل وارسلت رسوم التسجيل بس للحين ما ارسلولي حاجه على القبول كم ياخذ منهم عشان يرسلونلي اني اقبلت ؟

---

يختلف من جامعة لثانية.
اذا حوالة بنكية تاخذ حتى اسبوعين.
اذا اونلاين المفروض يومين بالكثير.