فيلادلفيا ؟؟

اي والله ياليت تفيدونا

أيها الشعب الكريم ... أين أنتم ألا يوجد أحد ....

المعيشه مناسبه على حسب الشخص
والامان حلو تعتبر أعلى من متوسط في الجرائم
قيمة الإيجار مناسب جدآ بين 1500 الي 5000
ومتطلبات الحياة العامة فيه أماكن وايد تطلعين لها
الشتاء حلو توصل بعض مرات الي 9 او اكثر تحت الصفر
من وجهة نظري روحي لها أنصحك

.......
شكرا أستاذي ... بس بسئلك عن السكن عن السكن قصدم بالشهر ؟؟؟ ...
وكمان الشتاء قصد 9 تحت الصفر ؟؟

ايه هذي بعض الأيام وبعض الأيام أكثر على حسب العاصفة
أما بشأن الإيجار من 1500 لين 2300 ما أنصحك فيها اذا كنت تبي شقه عائلة

امممممممم طيب والمواصلات أتوقع لازم سيارة كمان ...

مواصلات متوفرة في كل مكان ولكن يفضل السيارة بس الأهم انك تعرف المدينة عدل بعدها تشتري مو اول ما تجي تشتري

شكرا أستاذي ...
طيب سؤال أخير كم أقل تكلفة ممكن ألاقي شقة حلوة ونظيفة وكمان أمنه ولو غرفة ومظبخ وحمام (تكرم )

يمكنك أن تبحثي ب قوقل
ولكن من شروط الارتياح في السكن
1-منطقه هادية وأهلها متفتحين بعيده عن الجرائم والعنصرية لأنه يساهم في الارتياح وخاصة الأطفال اذا عندك طفل فوق 8 سنوات يبي يكسب صداقه وانتي بعد مو حلوة تقعدين طول مدة الدراسة أو الغرض الي انتي جايه عشانه بس البيت الجامعه الجامعه بيت راح تحسين في ملل بعدين ودج تطلعين تكشتين تكسبين أصدقاء تزورينهم يزورونج ولدج يلعب معاهم وهم يلعبون مع مولدج ولا راح تحسين بضيقه وما يكون عندك روتين اكيد تفكرين تقولين أتمشى اروح السوق سينما ايه وبعدين؟ ماراح يكون فيه شي ونفس الشي تروحينه أكثر من مرة راح تبط جبدك
2-منطقه قريبه الي الجامعه الي الحد المسموح به ولكن الأهم الهدوء يعني ما تجي الجامعة في وسط المدينة وانتي راح تسكنين في وسط المدينة عشأن الجامعه قريبه لا يوبه اروح بعيد وأرتاح احسن من أسكن في منطقه ما يجيني النوم فيها واذا ما جاك النوم ما تركز بالدراسة
3-قريب من محطة القطار ولكن مو لازق عند منطقه القطار عشان صوت القطار ما يزعجكم
4-قريب من سوبر ماركت ومراكز بيع الأغذية
5-قريب من منتزه لأنه كما تعرفين البحر و مناطق الطبيعيه(منتزه ) تمتص الطاقة السلبية
وعدة أسباب لكي تحدد مكان الي تسكن فيه مو على حسب الإيجار الحين واحد يعطيك بيت كامل ب 900$ ولكن يجيب الغم والحزن والضيق وعدم الارتياح وواحد يعطيك شقه ب 3000$ ولكن ترتاح فيها وتستانس فيها ويوم تبي ترجع لدولتك تحزن انك تبي تترك المكان هذا لما يحمل من ذكريات جميله التي حصلت معاك وخاصة منظرة الخلاب
يعني بالمعنى الأصح و الاوضح لا تشوفين السعر وشوفي إمكانيات السكن

اختي كم شخص معاك وكم المدة