ملتقيات الابتعاث للمرحلة الحادية عشر وظيفتك وبعثتك!!

ها شباب سئلتم عن الاسئلة المطروحة ؟
ياريت حد يفيدنا

ياليت يتم فتح موضوع مخصص لتجاارب الملتقيات .

بالنسبة للي حضروا الملتقى اليوم , ياليت تشرحولنا كيف كانت المطابقة ؟؟ و متى بيتم توقيع العقد (في الملتقى ولا بعده (سمعت انه بعض الجهات حيوقعون العقد في الملتقى) ؟
اكون شاكر جدا .

اخ شموخ ما عندك اخبار جديدة على الجهات اللي لسى ما اعلنت؟؟

السلام عليكم
عندي سؤال : مثلا لا سمح الله اي شخص تعثر ف الدراسه و هوا مبتعث ايش الحلول الي يقدر يتخذهاا بعد تعثره ف الدراسه ( من رسوب او عدم اكمال الدراسه ) هل الوازره رااح تتكلف فيه عند رجوعه للسعوديه او لا

الي حضر الملتقى اتمنى يجاوب على الاسئلة المطروحة ادا يقدر ننتضركم على نار وبخصوص تغيير التخصص

حسب كلام اللي حضرو بتويتر كاتبين الوزارة ماعندها مانع بتغيير التخصص لكن بعد موافقة الجهه الموظفه

السلام عليكم..
حضرت الملتقى اليوم بتوفيق الله
كان التنظيم جدا ممتاز فتحو البوابة الساعه3ونص بالتمام.. وكان تسجيل الدخول بالهوية الاصل عن طريق الباركود.. عطونا محاضرة وفتحو مجال للاسئله.. الى المغرب وبعدها استراحة صلاة وبوفيه مفتوح ومشروبات.. وبعدها تسجيل دخول مره اخرى بالهويه للقاعه.. وبعدها محاضرتين.. وفتح مجال للاسئله..
ملخص لبعض الاسئله..
لمن استفسر عن التخصص بيكون بالتنسيق مع جهة ابتعاثك والوزارة ماعندها مانع تغير تحصصك بعد موافقة الجهه وتكون جامعه موصى بها وغير متكدسه..
كذلك بخصوص وقت السفر ذكر المحاضر بانه يجب اصدار قرارك بحد اقصى ثلاث اشهر بعد انتها الملتقى .. لكن هل يقصد ملتقى الرياض و انتها جميع الملتقيات فلا اعلم.. وبعد ماتصدر قرار ابتعاثك فصلاحيته للسفر هي ثلاث اشهر وبعدها اذا ماسافرت فتحتاج لتجديده مع تقديم عذر مقنع ومقبول لتجديده..
بعد الملتقى سيكون هناك توقيع عقود مع الجهات.. والعقد مطلوب لاصدار قرار ابتعاثك.. ولكن متى تعلن الجهات عن مواعيد توقيع العقود فالله اعلم..!!!"" تاخير جديد..!!!
فيما يخص وزارة التجارة واحد سال بانها مشترطه افضل خمسين جامعه.. وانه صعب الحصول على قبول .. فجاوب المستشار بان الوزارة لاتدخل في هالشي .. وان كل جهة تشترط شروط فيجب عليك الوفا بشروطها...!!
واحد سال بخصوص انه كان يعطون فترة تحضير لاختبار الجيمات والجي ار اي.. فجاوب المستشار بانه المرحلة هذي جديدة وقد لايكون هناك مثل هذا الامر..
باختصار من كلامه وردوده بان كل شي عند الجهات التوظيفيه واللي بيوافقون عليه ماراح تمانع فيه الوزارة بشرط تكون جامعات موصى بها وغير متكدسه..
سامحوني اذا نسيت شي..
واذا احد بيستفسر يتفضل.. لانه يمكن اكون نسيت شي..

جزاك الله خيرا أبو سمير
هل القبول نحن من يجلبه أم الوزارة

يعطيك الف عافيه ماقصرت كفيت ووفيت جزاك الله خير

بسالك بخصوص نتائج القدرات والتحصيلي طلبوها منكم للطلاب الي بيدرسون ماستر ولا لا