استفسار مابين الذهاب لدراسة للغة قبل التسجيل في الجامعة والبعثات

يامرحبا بشباب والشابات . كيفكم مبسوطين
ناوي ان شاء الله ادرس ماجستير في امريكا بعد شهرين ونصحني واحد من شباب وقال لا تقدم على الجامعات الامريكية الان , بالاول روح ادرس لغة على حسابك وبعد ثلاث شهور بيكون قد تعلمت انجليزي شوي وقتها وانت تدرس لغه قدم على الجامعات الامريكية المناسبه لك وقدم على وزارة التعليم العالي ( الدارسين على حسابهم الخاص)

س/ وش رايكم هل هذي الطريقة كويسه ؟
س/ يقول المثل من سبق لبق , :) هل من الافضل من الان اقدم على وزارة التعليم العالي ( الدارسين على حسابهم الخاص) ؟

اخاف اني اقدم الان على الدراسين على حسابهم الخاص واستعجل في الجامعة او اختار التخصص الغير مناسب والله بصراحه محتار بيني وبينكم وش دبره
تحياتي لكم

يا شباب ما احد يقدر يفيدنا بالموضوع !!!؟

كلام صديقك صحيح اغلب المبتعثين عملو نفس الطريقه بس السؤال هل راح يتم قبولك بعد الثلاث شهور

اذا كان فيه ضم للبعثه راح تكون امورك ناقصه(اذا كان) لأنك ما حضرت الملتقي ولا جبت قبول جامعه حتي اذا خلصت اللغه ودخلت الجامعه تعتبر الشروط غير منطبقه عليك والي عنده خبره من الاخوان يفيدك اكثر

لازم لما تقدم طلب دراسة ع الحساب الخاص تكون موجود هنا عشان تحضر الملتقيات

ف اللي بتسويه انك تروح ٣ شهور لغة وتجيب قبول الجامعة وترجع هنا تقدم الطلب وتحضر الملتقيات وبعدها ترجع امريكا مره ثانيه

بس حط ببالك مو كل من كمل ٩ ساعات ضموه .. فيه مفاضله وتعقيد يعني لازم تجيب معدل عالي يأهلك

وبالتوفيق