ابغى اقدم عالبعثه القادمه وعندي اسئله اتمنى تساعوني فيها ؟

[/


- سمعت عن اختبار تحديد اللغه في السفاره الامريكيه اللي من 140 درجه ( قبل السفر ) ايش هو اول مره اسمع فيه وهل هو الزامي وله درجة نجاح معينه ماتقل عنها ؟!
- في النظام الجديد للبعثه هل لازم يكون عندي قبول في المعهد والجامعه عشان انقبل في البعثه او بس احتاج قبول المعهد ؟
- هل اقدر اقدم على كذا معهد وجامعه بنفس الوقت ؟
- هل اقدر اقدم عالفيزا قبل ماانقبل في البعثه ؟
- بعد مااخلص البعثه وارجع كم المده اللي لازم اشتغلها في الوظيفه اللي خصصت لي ؟ واذا ماابغى اتوظف مثلا ايش العواقب ؟
- هل اقدر ابتعث وادرس لغه بس وارجع مااكمل ماستر ولاوظيفه حكوميه ؟
- ايش اقل مده لازم يقعد فيها المرافق في بلد الابتعاث ؟ لان اخوي بيجي معي اول شهر ويرجع مابيقعد معاي فهل بيكون فيه مشاكل لو رجع ؟
- انا اخوي بيجي معاي كمرافق وهو تعدى خمس سنين على تخرجه فهل يقدر يكمل ماستر معي كمبتعث وينصرف له راتب ؟ وزوجته نفس الشئ تعدت خمس سنين على تخرجها فهل تقدر تدرس هي واخوي ؟
- متى أول مصروف ينزل لي ؟ اول مااوصل بلد الابتعاث او بعد مرور شهر من وصولي لبلد الابتعاث وكيف استلمه ؟
- كيف اخذ توصيات من دكاترتي هل اطبع معي اوراق او من عندهم ؟ ورقيه او الكترونيه ؟


اخر واهم سؤال :
متى تكون المقابلات الشخصية للوظيفه ؟ وكيف التقديم ماني فاهمه هالنقطه ياليت احد يوضح لي كيف ومتى اقدم وهل قبولي في البعثه متوقف على تأهلي للوظيفه يعني اذا ماانقبلت في الوظيفه تروح علي البعثه ؟ وهل اقدر اقدم على كذا جهه بنفس الوقت وانتظر تأهلي لوحده منها ؟


شكرررا جزيلا

تم نقله الى القسم الصحيح ..
ارجو مراجعة مواضيع المرحلة الحادية عشر المثبته حيث أن غالبية الأسئلة أجوبتها موجودة في هذه المواضيع
برنامج خادم الحرمين الشريفين للإبتعاث الخارجي - المرحلة الحادية عشرة - (11)

اقتباس:

---

المشاركة الأصلية كتبت بواسطة dalalsagr

[/


١- سمعت عن اختبار تحديد اللغه في السفاره الامريكيه اللي من 140 درجه ( قبل السفر ) ايش هو اول مره اسمع فيه وهل هو الزامي وله درجة نجاح معينه ماتقل عنها ؟!
٢- في النظام الجديد للبعثه هل لازم يكون عندي قبول في المعهد والجامعه عشان انقبل في البعثه او بس احتاج قبول المعهد ؟
٣- هل اقدر اقدم على كذا معهد وجامعه بنفس الوقت ؟
٤- هل اقدر اقدم عالفيزا قبل ماانقبل في البعثه ؟
٥- بعد مااخلص البعثه وارجع كم المده اللي لازم اشتغلها في الوظيفه اللي خصصت لي ؟ واذا ماابغى اتوظف مثلا ايش العواقب ؟
٦- هل اقدر ابتعث وادرس لغه بس وارجع مااكمل ماستر ولاوظيفه حكوميه ؟
٧- ايش اقل مده لازم يقعد فيها المرافق في بلد الابتعاث ؟ لان اخوي بيجي معي اول شهر ويرجع مابيقعد معاي فهل بيكون فيه مشاكل لو رجع ؟
٨- انا اخوي بيجي معاي كمرافق وهو تعدى خمس سنين على تخرجه فهل يقدر يكمل ماستر معي كمبتعث وينصرف له راتب ؟ وزوجته نفس الشئ تعدت خمس سنين على تخرجها فهل تقدر تدرس هي واخوي ؟
٩- متى أول مصروف ينزل لي ؟ اول مااوصل بلد الابتعاث او بعد مرور شهر من وصولي لبلد الابتعاث وكيف استلمه ؟
١٠- كيف اخذ توصيات من دكاترتي هل اطبع معي اوراق او من عندهم ؟ ورقيه او الكترونيه ؟


اخر واهم سؤال :
١١- متى تكون المقابلات الشخصية للوظيفه ؟ وكيف التقديم ماني فاهمه هالنقطه ياليت احد يوضح لي كيف ومتى اقدم وهل قبولي في البعثه متوقف على تأهلي للوظيفه يعني اذا ماانقبلت في الوظيفه تروح علي البعثه ؟ وهل اقدر اقدم على كذا جهه بنفس الوقت وانتظر تأهلي لوحده منها ؟


شكرررا جزيلا

---

هلا اختي بحاول ارد ع اسئلتك باللي اقدر عليه ( رقمت الاسئله والاجوبه لتسهيل المتابعه )

١- اول مره اسمع بهالاختبار وانا من المرحله العاشره طلعت الفيزا وخلصت اموري بدون هالاختبار
٢- قبول المعهد يكفي
٣- صعبه تحصلين جامعه متميزه بقبول مشروط .. لذلك لازم تمشين بالتدريج وهو دراسه اللغه بالمعهد والتحضير للجي ار اي وبعدين التقديم ع الجامعات ولازم ترتبين وقتك على تواريخ التقديم ع الجامعات
٤- اذا عندك قبول معهد وضمان مالي شخصي تقدرين - بس ليش مستعجله؟
٥- على حسب شروط جهه التوظيف - غالبا ع حسب عدد سنوات الدراسه، مثلا درستي سنتين تخدمين سنتين ، تاكدي من جهه التوظيف نفسها عن العواقب اكيد فيه عقد!
٦- مادري عن وضع المرحله الجديده
٧- ٧٥٪ من فتره ابتعاث الطالبه ، المشاكل ممكن تكون وقف الصرف عليه وبعد فتره عليكم الاثنين
٨- ماتفرق متى تخرج اذا كان المرافق، يقدر يكمل دراسته معك ويصرف له مكافاه في كلا الحالتين سواءا مرافق عادي او دارس .. اما بالنسبه لزوجته فالملحقيه ماتصرف عليها ولا تعتبرها مرافقه ، المرافق يكون للمبتعث الاساسي فقط
٩- متى ما كتمل ملفك ولحين موعد استحقاق الماكافاه مع صرف الفروقات. يعني مثلا وصلتي بيوم ٢٥/٥ وموعد الماكافاه ٣٠/٥ لكن ماكتمل فتح ملفك .. وقت مايكتمل ينزلون لك مكافاه الشهر اللي بعده وليكن يوم ٣٠/٦ مع فروقات الخمس ايام من الشهر السابق (ترفعين طلب صرف فروقات).
١٠- خذي ورقيه منهم ووقت التقديم ع الجامعات يطلبون ايميلات الدكاتره عشان يراسلونهم وهنا تسمى توصيه الكترونيه .. بعض الدكاتره مايردون فالجامعات بهالحاله ممكن تقبل الورقيه بشرط تكون بظرف مختوم
١١- ماعرف بخصوص هالموضوع ان شالله غيري يفيدك

بالتوفيق

GhadaFM
الله يعطيك الف عافيه ماقصرتي والله

ياليت اللي عنده فكره عن المقابلات الشخصيه ومتى التقديم لها ووين يفيدني

.......................