استفسار بخصوص الدراسه بالخارج ع حسابي الخاص

سلام عليكم ورحمة الله وبركاته







ي اخوان انا متخرج من جامعة ام القرى هذا الصيفي
لسى عندي درجه معلقه الدكتور قال انو بينزلها نص الترم الاول
ف المهم انا ابغى اكمل دراسة الماجستير برا المملكه ع حسابي الخاص
معدلي ١.٨٨ طبعا ولسى م نزلت الدرجه المعلقه تخصصي احياء عامه



وعندي عدة استفسارات ابغى مساعدتكم

اول شي هل اقدر اكمل الماجستير برا المملكه ومعدلي ١.٨٨؟

اذا اقدر ايش الاجرائات اللي اسويها عشان ادرس برا؟

وكيف اعرف الاسعار للجامعات يعني كم يكلف الترم الواحد او السنه الوحده ؟

وكيف اعرف اسعار الدول ف السكن مع عايله والمعيشه ؟

وكم مدة الماجستير سنه او سنتين؟ وهل كل الجامعات فيها ماجستير احياء ؟

وسمعت انو لازم احظر دورة الدارسين ع حسابهم الخاص ف الرياض ؟ومتى موعدها ؟

وهل اقدر الحق بالملحقيه وتخصصي احياء ؟

بالنسبه للغه الانجليزيه كيف وضعها ادرسها قبل اروح برا او ادرسها بمعاهد برا المملكه وبعدها اشوف لي جامعه ؟

اول شي تقدر معدلك نازل وعلى الأغلب جامعات كثير ما راح تقبلك بهذا المعدل لكن مازل في أمل لا تيأس.

وبالنسبة للدراسة ممكن تاخد افادة من الجامعة انك خلصت مو شرط شهادتك جامعات كثير تقبل هذي الإفادات.

ثاني شي انت لازم تحدد دولة تكون في بالك عشان نقدر نقولك أي المدن أرخص وأي المدن أغلى وهل تحتاج لغة انجليزية او لا وهل تسكن مع عائلة او لا وهل الماجستير سنة او اثنين او ثلاثة.

يعني مثال اذا رايح الصين مافي شي اسمه سكن من عائلة وكذلك لا تحتاج لغة انجليزية عكس اذا بتروح امريكا.

ثالثا بالنسبة للدراسة على الحساب الخاص لازم موافقة من الوزارة وحضور ملتقيات وتفعيل قرار طالب على الحساب الخاص في الملحقية اما بالنسبة للالتحاق فهو صعب الآن عكس السابق.

بالتوفيق