تجمع المتقدمين على الخطوط السعودية

ياشباب بالله الحقوني تم قبولي في برنامج الطيارين وللأسف الشديد حصلت ظروف طارئة خلتني افوت المقابلة الشخصية
هل فين أمل يعملوا اعادة مقابلات قريب ومتى اقرب موعد ممكن اروج اقدم ثاني وهل ممكن يتقبلوا عذري لو كان قوي ؟؟؟
ياريت احد يفيدني ياشباب

الله يعينك ، انصحك انك تتصل عليهم او زورهم في الموارد البشرية بالفرع الرئيسي - جدة ووضح لهم كل شيء وان شاء الله تتيسر لك

ان شاء الله راح يقابلونك بس روح لهم وكلمهم لان وقت مقابلتي كان فيه واحد مثلك فوت المقابله وجاء شرح لهم ظروفه وقابلوه مره ثانيه

السلام عليكم
في احد يقدر يفيدنا متى تخلص فترة الفحص الطبي؟

تروح جدة - حي الخالدية - المقر الرئيسي للخطوط السعودية، ادخل من البوابة تحصل السيكورتي أسأله وين (مبنى 5) يدلك .. تطلع (مبنى 5) الدور الاول - الموارد البشرية. تبحث عن موظف اسمه (مازن جنة) أشرح له وضعك واعطيه عذرك. وإن شا الله يساعدك هو المسؤول عن هذي الأمور. انا حضرت المقابلة بجدة حقت الطيارين والموظف قال للشباب المقدمين طيران وعندهم مشكلة يروح للموظف (مازن جنة) اللي دليتك عليه. حاول تستعجل من الأحد القادم لو تروح أفضل. دوامهم من (الأحد) إلى (الخميس) من (9) الصباح إلى (3) العصر. خذ معاك رقم الطلب حق سفير + أصل الهوية الوطنية وما يقصر معاك. أي سؤال تحت أمرك يا غالي. والله يوفقك ويوفق الجميع. انا زميلك مقدم في الترحيل الجوي. بالتوفيق يا كابتن.

يا شباب انا ولله الحمد سويت المقابلة والفحص و طلب مني الادلة الجنائية ، بصمت في الدمام وقالوا لي تعال بعد اسبوع
اللي في المقابلة قال تسلم حقين الادلة يوم الاحد وانا استلهم من الدمام يوم الثلاثاء لو تآخرت عادي والا كيف ، ومتى دوامهم ابي اتواصل معاهم

طيب أعطاك موعد توقيع العقد ولا لسى؟

بالنسبة للأدلة الجنائية اذا تعرف ضابط يخلصها لك في نص ساعه ..

السلام عليكم ...

انا سويت المقابلة الشخصية يوم الاربعاء 2 نوفمبر ولا قالولي اي شي عن الفحص الطبي. هل معناته اني ما انقبلت؟ ومتى يرسلوا لنا مواعيد الفحص الطبي ؟

باقي فيه طلاب يسوون فحص الاسبوع الجاي واللي بعده كل يوم تقريبا يأخذون اقل من ١٠ بمختلف التخصصات

طيب اخواني اذا أخذت النتيجه راح يقولو لي وش راح أسوي وش قالو لكم هل علمو احد متى توقيع العقد او متى نطلع الفيز