الفزعه يا اخوان

السلام عليكم ورحمة الله وبركاته


مساكم او صبحكم الله بالخير , يالربع انا من ضمن طلاب وظيفتك وبعثتك والوزارة حددت لنا ولايات وجامعات ومعاهد معينة جدا وانا يا اخوان منكب لاني كنت مخطط على ولاية اوريقون وبالتحديد بورتلاند بس تفاجأت انها ماهي موجودة من ضمن اللائحة , فالرجاء ياخوان انا بأذكر لكم كم ولاية ومدينة وكم جامعة ومعهد من ضمن اللائحة الي تشوفون انها مناسبة علموني فيها طبعا مناسبة من حيث المدينة بشكل طبيعة السكان الغلاء و المعيشة ايضا السكن والامان و المعاهد المتوفرة والجامعات والله يبيض وجيهكم ويعطيكم العافية وتكفون يا اخوان ترا ما معي الا الله ثم انتم ولاني اعرف فالانترنت كثير


الولايات او المدن هي كالتالي :

1- مدينة سياتل .

2- مدينة سولت ليك (جامعة يوتاه ).

3- جامعة سان دييقو .

4- معهد فلوريدا الدولي .

5- مدينة سانتا باربرا .

6- مدينة بيتسبرغ .


الي يعرف اي شيء عن الي ذكرته فوق بالله يفيدني يا اخوان

الله يجزاكم خير والسلام عليكم و رحمة الله و بركاته

معرفتي بسيطة و من خلال زملاء أو من خلال بحثي

سياتل .. مدينة كبيرة و جميلة .. يعيبها المطر الدائم ، و اللي ذكروا العيب هذا قالوا لا يغرك حبنا للأمطار في السعودية لأنه فعلا شيء مزعج لما يكون أغلب أيام السنة ممطرة ، طبعا هذا بحسب وجهة نظر اللي تكلموا ، و هي وجهة نظرهم هم فقط و قد يخالف ناس غير
و فيها جامعة قوية اسمها university of washington

سولت ليك-يوتاه .. يقولوا السعوديين في الولاية أقل من ولايات أخرى .. بعض الناس يشوف كثرة السعوديين مشكلة بعضهم يشوفها ميزة .. أنا رايي أن وجودهم ميزة ، و لكن المهم ان الطالب ينظم وقته و يتحكم فيه و لا ينقل حياته في السعودية إلى أمريكا ، بل ممكن يجعل اجتماعه مع السعوديين اسبوعي و لساعات محدودة اما باقي الايم فلازم يختلط مع الشعب الامريكي و مع الطلاب الأجانب
يميز المدينة و الولاية رخص الأسعار مقارنة بولايات اخرى

سان دييغو .. المدينة جميلة جدا و أنيقة. قريبة من لوس أنجلوس . فيها جامعة قوية و هي university of California at san diego و فيها جامعة ثانية أقل قوية اللي هي san diego state university
المشكلة ارتفاع الأسعار مقارنة بولايات أخرى ، و عموما كاليفورنيا و بالذات في المدن المشهورة تكون غالية .. لكن اللي قدر يرتب اموره و يتحكم في مصاريفه يقدر يعيش بالمكافاة

بتسبيرغ .. المدينة متوسطة الحجم و فيها جامعتين قويتين مرة .. جامعة university of pitsperg و جامعة كارنيغي ميلون .. الأسعار فيها متوسطة

سانتا باربارا .. تقع في اسفل وادي السيليكون ..