برامج التطوير بوزارة الداخلية " وظيفتك وبعثتك"

بليز اللي عنده معلومه يفيدني

تواصلت مع بريد الاستفسارات
احتاج اعرف ماهي الاوراق المطلوبة للمقابلة غير الهوية ( وظيفتك وبعثتك وزارة الداخلية)
كان ردهم :
عليكم السلام.


لايلزم أوراق فقط بطاقة الموعد.أيضا بطاقة الاحوال

شكرا.

- - - مشاركة محدثة - - -

السلام عليكم
بلنسبة لتغير الدولة
بعد حضور الملتقى تفتح بوابة الخدمات
وترفع طلب تحويل
وتنتظر الرد ممكن يقابل بالموافقة
او العكس
تمنياتي لك بالتوفيق

هل لازم المرشح يكون غير موظف؟

اي نعم انا سألت كيف اقدر اغير الدولة ـ قالي هذا عن طريق الوزارة ـ ولا عنده خلفيه كاملة ــ لكن في المراحل السابقة في الملتقى يقدرون يغيرون الدولة ـ يعني بعد ما يتم القبول النهائي ـ في الملتقى بأمكانك تعرف كل اللي تبيه بحكم انه تم قبولك بشكل رسمي ــ

والله يوفقنا وياك ان شاء الله

أنا موظف ـ و سأل وش سويت بعد التخرج وقلت له اني موظف ــ انتبه تفلسف ـ لأن اسمك مسجل في التأمينات ـ وما يحتاج تجيب اي شي ـ ما راح يطلب منك شي ابد ـ اللي يطلبون منك البطاقه الهوية ـ الأستقبال خارج الاقاعة ـ و يطلبنها منك علشان يطبقونها مع الأوراق اللي معاهم لا اكثر ولا اقل ـ

احب انقل ليكم تجربتي، اليوم الصبح كانت مقابلتي عند مكتب رقم 9، طبعاً المقابلة كانت سهلة جداً جداً والي قابلني بشوش وحبوب شباب من عمرنا، المهم ما اطول عليكم تخصصي هندسة كيميائية ومقدم ماستر
بالبداية سألني عرف عن نفسك بالعربي وسألني كيف لغتك وتالي قال ليه تبي تدرس هندسة طبية بأستراليا
وتالي قال هل سافرت من قبل وتعرف تتعامل مع الاجانب
وتالي حب يختبرني يقول لي لو جاك عرض من شركة قوية بأستراليا ايش راح تعمل
قال لي تفكر تتزوج أسترالية شقرا 😂😂
طبعا هو يبي يشوفني راح العب او لا
تالي قال عندك ايليتس او توفل
وقال إن شاء الله مقبول
وبس هذا الملخص

توني طالع
ياشيخ تعلق في رقبتي
كل اسئلته عن الابتعاث
1-نقاط القوة والضعف
2-تراك ما عجبتني ولا اقتنعت بالرابط بين تخصصك و التخصص اللي مقدم عليه؟
3-انا اقول انك مرفووض (استفزاز على الاخر)
يوم اقنعته
4-قال بنقبلك بس بعثتك بعد 7 شهور وش بتزين هالفتره؟
5-طيب لو قلنا لك بعثتك بعد سنة في 2017 ابريل وش تخطيطك؟


اخر المقابلة ابتسم وقالي شكرا وانا معجب بتخطيطك

اخوكم حمد
وبالتوفيييييق

اللهم إختر لي الخير ولا تخيرني ...
ألف شكر fr.fr على النقل

س١/ عرف عن نفسك
س٢/ وين درست البكالوريوس وكم سنه وكم المعدل
س٣/ ليه اخترت التخصص الفلاني والدوله
طبعا استغرب يوم قلتله ما اخترت التخصص هو جاني جلسنا نتناقش سوالف طبعا يقول اتوقع انك مقدم متاخر وكذا
س٤/ عندك اختبارات لغه
س٥/ لو خيرناك بين الوظيفه الان في الداخليه او البعثه وش تختار
س٦/ عرف الالتزام
س٧/ عطني سلبيه فيك وايضاً ايجابيه
س٨/ وش بتسوي لو ما انقبلت
س٩/ كيف تتعامل مع الغرب هناك
س١٠/ مدى معرفتك بامور واجراءات البعثه

هذي اللي تحضرني الان ولو تذكرت شي بعد ارسلته

الله يوفقك ويعطيك العافيه مره شكرا اخ fr.fr
كثير استفدت من معلومات
شكرا لك