برامج التطوير بوزارة الداخلية " وظيفتك وبعثتك"

ربط الإبتعاث بوظيفة سبب ضرر كبير لمتقدمي مرحلة الماستر والدكتوراه ومثل كلام الأخ ماجد لا توجد جهة ترغب بتوظيف خريجي الدراسات العليا بسبب ارتفاع الرواتب ولذلك أغلبهم يكتفون بالبكالوريوس

فكرة الإبتعاث من الأساس تهدف إلى دراسة التخصصات الغير موجودة والنادرة وعاد ايش يفهمهم ان كل تخصصات البكالوريوس برا موجودة هنا تقريباً ؟ بعكس الدراسات العليا

اوكي الدولة تمر بضائقة مالية وتقشف واكيد ان الهدف من كل الغربلة اللي صارت للإبتعاث هو تخفيض النفقات وتقليل عدد المبتعثين لكن بالطريقة هذي غلط !! كان ممكن توضع شروط أخرى وواضحة من البداية مثل رفع المعدل أو درجة قدرات معينة مو يستبعدون الأغلبية وهم مستوفين لكل الشروط وزيادة ؟ ناس أوائل على دفعتها وأصحاب مراتب شرف يتم رفضهم وبدون مقابلة حتى !! الله المستعان بس , نصيحة يا اخوان الإبتعاث مو آخر المطاف ابحثوا عن فرص بديلة والله يوفقكم جميعاًويكتب لنا وإياكم اللي فيه الخير والصلاح في الدنيا والآخرة واستغلوا الشهر الكريم والعشر الأواخر في الدعاء والتقرب إلى الله

وزارة الداخلية فتحت تخصصات عديده ولمراحل مختلفة(دبلوم,بكالوريس , ماستر)
وماذكرت انه عملية توظيف المتقدمين فيها امر أكيد
فالذالك ماراح يتم توقيع اي عقد معهم مثل ماصار مع الجهات الثانية
كل مافي الموضوع انه اذا تم قبولنا ان شاءلله بنكون مرشحين للوظيفه لكن مايعني اننا ضمناها


ان شاءلله يارب مايكون في اي اختبار او تقليص للعد مثل ماحضرتك ذكرت لأنه بس تفكير بهالشي يحبط

والله يوفقنا و أياكم و أن شاءلله نسمع اخبار مفرحه بالأيام القادمة

غلطان اللي يحط كل أمله بس في البعثة حط لك أكثر من خير لأن ماتدري وش يصير ولا تدري الشغلة فيها واسطات أو لا و في الأساس ماوضحوا عدد المبتعثين فنصيحة للجميع خل عندك أكثر من خير كل دفعتي اللي اقل مني معدلات ماشاء الله تبارك الله توظفوا وللأسف أنا غلطت وندمت لأني انتظرت كل هالفترة وحطيت خيار واحد بس أمامي وهو خيار البعثة خل خيارتك كلها مفتوحة لأن مستحيل الوزارة تبتعث 2000 شخص ودراسات عليا التكاليف راح تكون عالية جدا و غير كذا بيبتلشون فيهم لا خلصوا دراسة فكن مستعد أخي و أختي لأي نتيجة وخل خياراتك مفتوحة والله يوفق الجميع لما يحبه ويرضاه

اللي ماعندو كلام رسمي لايقولنا شي لا توقعات ولا حاجه كل اللي ينقال كلام سلبي وكلام ماله فايده كله تخمينات ملينا من التوقعات نبغى شي رسمي واكيد غير كدا لا رجاء رجاء مانبغى تحليل او توقع او تخمين ..

والله انك صادقة
تخمينات كلها سلبية وتجيب احباط الله يهديهم بس

باقي يومين قبل ما يأجزون صح؟ يعني ٤ ساعات دوام اليوم و ٤ ساعات دوام بكرة ؟ رايكم راح تطلع النتائج بالساعات الثمان هذه؟

أشكر الجميع على التفاعل .
هذا ماهو كلام سلبي يجب التفريق بين الكلام السلبي المحبط وبين النقاش وفق المعطيات والأحداث التي نمر بها وهذا ملتقي متاح للجميع وليس بالضرورة أن كل مايقال ينال الإعجاب واعتقد انك متقدمة للدراسات العليا .!!

الله يوفقك لما هو خير لك وتجيك البعثة والوظيفة وتفرحي فيها قبل العيد ويوفقنا جميعاً

امين يارب والجميع ان شالله

في المقابلة الشخصية وضحلي الأخ انو المجمع الطبي مو بس في الرياض وجدة قلي حيكون التوظيف في جدة والرياض والشرقية ومكة وكلها تحت الإنشاء ووضحلي انو الاحتياج جدا كبير فتفائلو في الخير تجدوه وبلاش رسائل سلبية
والله يوفقني ويوفق الجميع

الله يسمع منك
وان شاءلله الكل ينقبل