الأعضاء الإشتراك و التسجيل

الملتقيات
ADs

ابقول لكم وش صار في ليلة عرس دحيم ^_^على حصيصه

ابقول لكم وش صار في ليلة عرس دحيم ^_^على حصيصه


NOTICE

تنبيه: هذا الموضوع قديم. تم طرحه قبل 6314 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية &&ABDULAZIZ&&
    &&ABDULAZIZ&&

    مشرف سابق على الملتقى الرياضي

    &&ABDULAZIZ&& اليابان

    &&ABDULAZIZ&& , ذكر. مشرف سابق على الملتقى الرياضي. من اليابان , مبتعث فى اليابان , تخصصى network engineering , بجامعة 東海大学
    • 東海大学
    • network engineering
    • ذكر
    • 東京, 大阪
    • اليابان
    • Oct 2006
    المزيدl

    December 15th, 2006, 04:15 AM

    السلام عليكم

    ..



    المواصفات
    الاسم / دحيم الدلخ
    العمر / منولد في سنة الطفره
    الشكل / قزم ودب واقرع و وجهه كله خدود ومافيه عيون
    باختصار يحوم الكبد
    الولد دحيم داشر 24 ساعه مشاكل وتفحيط وخرابيط و هجوله
    المهم ابوه قرر انه يزوجه يمكن يعقل الولد !!!!
    ويقوم يخطب له ابوه بنت عمه حصه !!!
    عاد حصه خبله مثله
    المهم يوم جاء العرس ولا دحيم طالع مع اخوياه للثمامه يطعسون
    وابوه يدق عليه
    الاب: الووو دحيم وينك؟
    دحيم : هلا والله طالع مع الشباب للثمامه
    !!! الاب: جعل تطلع روحك يلا تعال اليوم عرسك
    دحيم : طيب العرس في اليل يمديني ارجع المغرب
    الاب: اقول امش جعل يامشي العصى على ظهرك
    دحيم : طيب خلاص جاي
    ويقفل التلفون
    المهم ويجي دحيم ويلبسونه الخبل ناوي يروح بقميص نوم وطاقيه
    المهم ويمسكونه اخوانه ويلبسونه ويودونه للقصر
    >>>>>>> دحيم الا الحين ما يدري وش السالفه يبي يخلص بسرعه عشان يلحق على العيال في الاستراحه يلعب بلوت
    ويدخلون القصر ويجلسونه في المنصه وهو يقول ابي اروح اجلس عند القهوجي ابي اتكي معهم واشرب شاهي ( والله منسم مررره)
    ويلقطه اخوه ويجلسه على الكرسي
    ويجونه الناس يسلمون
    المعازيم : مبرووك منك المال ومنها العيال
    دحيم : هلا ايه طيب يكون خير والله ما عندي ولا ريال
    ( قايل لكم مهوب وجه زواج)
    المهم ويدخلونه على الحريم
    يوم دخل
    (وهو الي يفتح كشرته ( ابتسامه عريضه
    ويناظر في ذا البنيات
    المهم يوم طقو الطقاقات الا وهو يطمر ويرقص
    ويسحبه ابوه ويقول اركد لا تفشلنا!!!!
    المهم ويجلسه على الكرسي
    وتجي وحده ترقص عنده وهو الي يضحك عليها ويقول اوووووه ما تعرفين ترقصين يا الدبه
    وانواع الاستهبال المشكله الي ترقص امه مسيكينه تبي تفرح به ما درت انه ما يستاهل
    المهم ويقومون البنيات يرقصون عنده وهو يناظر يقول صح يا الرقص مهوب رقص العيال في الاستراحه امحق رقصصص ؟
    الا وابوه يصفقه على جبهته
    دحيم : طيب خلاص بانطم
    المهم يوم خلصوا وهو ياخذ العروس ويركبون السياره
    المهم ما درا الا تقوم حصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟
    ملينا من ذا الطقاقات ازعجوني
    الا وهو ينبسط على حرمته خبله مثله
    المهم وتقول له
    حصيصه : دحيم ابسالك سؤال؟
    !!! دحيم: اسالي
    حصيصه : انت الحين تعرف تفحط ؟؟؟
    (دحيم : اكيد انا احسن واحد يفحط ( مسوي فنان عندها وهو ما عنده ما عند جدتي
    حصيصه : والله ورني ابي اشوفك تفحط
    (دحيم : توهق
    (دحيم : خليها بعدين موب اليوم ( يبي يصرف
    حصيصه : افا شكلك ما تعرف هههههههههههاي
    دحيم : اوريك من الي ما يعرف
    وهو الي يلف هذيك الفه وطراااااخ في الماصوره على طول
    والحين حصيصه ودحيم في الشميسي الدور الاول غرفه 123
    قسم الكسور
    الزياره من 9 الى 12 ظهرا و 5 الى 9 مساء
    mltosh:104:
  2. ههههههههههههههههههههههههههههههههه
    ههههههههههههههههههههههههههههههههه

    المهم يوم جاء العرس ولا دحيم طالع مع اخوياه للثمامه يطعسون
    وابوه يدق عليه
    الاب: الووو دحيم وينك؟
    دحيم : هلا والله طالع مع الشباب للثمامه
    !!! الاب: جعل تطلع روحك يلا تعال اليوم عرسك



    ويسلمووووووووو &&ABDULAZIZ&&
    7 "
  3. ههههههههههههههههههههههههههههههه

    <<<< حتى هذي نفسها تجرب التفحيط

    اليوم كتبت هذي الجملة السابقة 3 مرات يمكن في 3 مواضيع مختلفة

    بس خطير الموضوع الملطوش يا عبد العزيز ،،


    صالح

    الحق الحق شوف العرسان يسمعوا بشير شنان مطربك المفضل

    ههههههههههههههههههههههههههه

    لا تزعل


    ـــــــــــــــــــ
    [GLOW="FF9933"]
    :91: لامير :91:
    [/GLOW]
    7 "
  4. << الولد هذا كان جاي يعلق على موضوعك الحلو
    بس اشوف وحده تقولي بشير شنان مطربي المفصل
    لالالالالالالالالالالالالالالالالالالالالالالالالا لالالا
    تهيءتهيءتهيءتهيء بصيح من جد
    حرام عليكم ياعالم والله ماعمري سمعت له
    نننننننننننننننننن مااااااااااااااااااابي مابي .. << خلاص انثبر ..
    لامير .. قلت لك التفحيط مو زييييييييييييييييين اعقلي يابنت ..
    بفحط بك على سيكل وش رايك ؟؟ ^_^

    طيب نرد على الموضوع ^_^
    صراحه حمستني ياعزوز اكتب لكم موضوع مثل هالسوالف ^_^
    في الطريق ان شاءالله بس خل العصفوره تجي وتعطيني راس الخيط ^_^
    مشكورعلى الموضوع
    7 "
  5. ( سويت ) ولكموووووووووووووووووووووووووووو ومشكوره ع المرور .....

    ( الكاسر7) تسلم ومرورك الاحلللللللللللللللللللللى .....

    ( لامير) ههههههه شكلك ناويه تفحطين .......

    ( صالح) اي والله ياليت تكتبلنا قصه من قصصك والله قصصك شييييي ........

    (جنرال) مشكور ع المرور اللي يازينه من مرووووووور ......

    (روض) والله التطعيس شي >>>>>>>طالع من الصبح وتوني جيت عندنا الجو اليوم دافي........

    ( توم&جيري) مشكور على مرورك وانا ما حطيت الموضوع الا عشان الفرفشه ........

    ( عمـــــر) لا ابشرك من طلعوا وهم للاستراحه على طول يبون يلحقون على البلوت .........



    مشكورين جميعا على المرور ........
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.