محظور
غير معرف
salih_inter
, تخصصى طالب مجتهد في معهدي
, بجامعة Institute of Public Administration
- Institute of Public Administration
- طالب مجتهد في معهدي
- غير معرف
- منغوليــا, بيفرلي هيلــز ..
- غير معرف
- Jun 2006
المزيدl December 29th, 2006, 05:47 AM
December 29th, 2006, 05:47 AM
كنت اقلب بين صفحات الشعر ..
ادور عن بيوت تشفي غليلي ..
كنت ابي بعض القصيد اللي لامنك قريته ،،
صفقت بداخلك ونات مايمنعها من الصياح غير عبرات الجروح ،،
ومابي اطول عليكم ولا اكدر مزاجكم ..
لقيت هالقصيده اللي ممكن ماتكون جزله وقويه من النواحي الفنيه (( في الشعر ))
لكن يكفي مشاعرها اللي سحبت الدمع من عيني
وخلتني اتنهد على حالي واسأل نفسي ان كان بهالدنيا حب عذري
حب صادق .. مايخاجله ذرة كذب ..
اترككم مع القصيده :
قصيده لشاعر مجهول
وهو الحبيب الذي تعرف على حبيبته من مشيتها في مكان عام ومع ذلك لم تعرفه ..!!
ويقول فيها :
شفتها يا سعود صدفه بعد ما غابت سنين *** عند قسم المختبـر وسط مشفى الجامعـه
جيتها ثم قلت ممكن في سؤالي تسمحين *** ناظـرت فينـي بدهشه نظره متواضعـه
قالت انته تـحسبني من بنات صايعين *** تـحسبني في زماني عن طريقي ضايعـه
قلت انا ماراح اطـول كلبوها كلمتين *** وابعـدت عني شويه ثم جتنـي راجعـه
قالت اسال واضح انك من رجال طيبين *** بس هرجك يالسنـافي كان وشهو دافعـه
قلت انا حبيت وحده يـوم كنا صغيرين *** ومن ثمان سنيـن راحت للمواصل قاطعـه
عقبهـا ماذقـت نـوم يهتنيـه النايمين *** ساهر في طول ليلي لين شـمسي طالعـه
اذكر انه فيه حبه فـوق ثغـره من يمين *** واذكر انه لاجـرينا كـن شعـره تابعـه
واذكر انـه عاشـق الورد والياسمين *** وصار قلبي بالـورود اللي عشقهـا زارعـه
طابع اسمه بقلبي فيه (سين) وفيه (عين) *** وفيه (الف) وفيه (دال) وسط قلبي طابعه
>> اسمها سعاد
قاطعتنـي بقولها سبحـان رب العالمين *** كـررتـها مـره .. ومرتين .. ورابعه
قلت وشفيك وشبـلاك يابنيه ترجفين *** ليش عينك يابنيـه من كلامـي دامعـه
قالت الموقف وقلبـي والمحبـه والحنين *** كيف اشوفك بعد ماكنـت عنك قانعـه
قلت انا بسألك ان كانك انتـي تذكرين *** عن مواثيـق ثـمنها من حياتـي دافعـه
قالت ظروف الزمان ماتطيـع العاشقين *** بيعونـي غصب حبك لو هو ماني بايعـه
انا في دنياي حالي كنهـا حال السجين *** حتـى لو فكـوا سراحه فيه شي ٍ مانعـه
زوجوني غصب واحد وحرموني حاجتين *** السعاده فـي زمانـي والحيـاه الرائعـه
والحين انا ام لثلاثه ريـم وياسمين *** والولد اسمه على اسمك والمشاعـر جايعـه ...!!
آآآآآه من غدر الايام ..
عمر ..
تكفى عطنى الدواء ان كان عندك لي دوا ..
همي الحالي كيف اصير للنسيان محتوا
والله لبيع عمري واشتريه باغلى ثمن ..
لكن ماهقوتي غير انساه بيوم الكفن ..
salih_inter December 29th, 2006, 06:08 AM
7 " والله قصيده روووووعه
مشكوووور صالح
والله يعطيك لعافية............
ومض الذكريات December 29th, 2006, 12:50 PM
7 " الله الله على هذا الكلام الإبداعي البحت ... وين نلقى هالأيام ناس مرهفين الاحساس و مقدرين للفن و الذوق مثلك ؟؟؟
ما أقدر إلا أحييك و أرفع لك القبعة ... و مشكور على إبداعاتك و إن شاء الله تتواصل
O.I.M December 29th, 2006, 02:21 PM
7 " ماشاء الله صالح
تعرف تنتقي الشعر اللي يجي عالقلب ويهزه....
حرام نحنا ايش سوينالك عشان تقلبلنا المواجع!!
خلاااااص بحط شعري عشان اوريك شغلك :-q
the immigrant December 29th, 2006, 04:50 PM
7 " ثامر >> الله لايحطك بيوم بهالحاله الصعبه .. شرفني مرورك ..
ومض الذكريات >> الله يعافيك يارب واسعدني جدا ردك ..
اسامه >> ينتظر الواحد ردة فعل جيده لمن يحط موضوع .. صدقني
ماراح يلاقي افضل من ردودك وتفاعلك .. احييك على روحك الطيبه ..
وان شاءالله التواصل مستمر مادام فيه قصايد تحرك الوجدان ..
اسعدني جدا مرورك ..
اروى >> والله مو القصد اني اقلب عليكم المواجع ..
لكن بعض القصايد تجبرك غصب انك تنشرها ومع انك ماتكتب
ولا حرف منها الا انك تحس انك انت اللي كاتبها ..
سعيد جدا بردك على الموضوع ..
salih_inter December 29th, 2006, 05:11 PM
7 " ما شاء الله ! أصلا أنا من يوم ما شفتك قلت هذا ولد حساس
تسلم
GARCIA December 29th, 2006, 05:54 PM
7 " راشد >> يمكن كلامك صدق ..
بس ليت ربي ماخلق فيني ذرة احساس ..
شرفني واسعدني شوفتك بالموضوع ،،،،
salih_inter December 29th, 2006, 06:12 PM
7 " 
LinkBack URL
About LinkBacks
December 29th, 2006, 05:47 AM
قصيده لشاعر مجهول
>> اسمها سعاد