من طعــــوس الصمــان الى شللات امريكــــا (قصـــة قصيــرة)

وصار شي ماكان يحسبون له بالحسبان....
جا نقل لزوج اخته لمدينه (رأس ابو قميص):gr_907:
طبعأ سعد كون اصدقاء من المدرسه ومن حلقة تحفيظ القران...
سعد انصدم قال ماراح أسافر يعني ماراح أسافر
قالوا: والله هالحقنه... وش نسوي فيك يعني..
قال: والله لو اسكن بجحر ضب ولا اطلع برى هالديره:gr_929:
فكروا انهم يودهم عزبة هنود يسكن معهم بس الهنود سحبو عليه
قالو وش نبي بهالبزقه(ورع).
ويمين يسار وين يودونه
اخر شي بغو يودنه لملجأ(اهلة قليلن خاتمه فلبو عليه)
واخيرأ لقو له واحد من جماعة البعيدين يعني(ياخال ابوي حك ظهري)



سعد يوم راح للرياض وشاف الدنيا سحب على البر والتعب والخياس الي كان هناك
وكان دايم يدق على بيجر ابوه بس ابوه مطنشه
مسوي مشغول بالحلال(االبعارين)..
وكان يروح لاهله في الشهر مره.



دخل المتوسطـــة...
طبعاً المتوووسطه هي المرحله العمرية الي يكون فيه الولد باوج عنفوانه<< دققو على هالكلمه زارفاها من كتاب الادب
الولد بغى ينفلت شوي




بس ربي رحمه ان ابوه جا الرياض كان عنده صفقه بعارين في مزاد علني بالرياض
وجا عشان يوقعون الصفقه بحضور زخم هائل من الاعلاميين والمتابعين لهذا الحدث الجلل
ولما شاف ولده كذا
مفرع عن كمموه وسافع الشماغ على الكتف وزبيريات وتفكيره يشتري هايكس غمارة وحده ويسمع كسرات(أغاني العرابجه)
واللي هو يقوم ويسكه هاك الكف الي عدل ضروسه


ملاحظــه(كانت خشت سعد مايله بسبب ضروسه جايها التصحر وزحف جليدي) << مسروقه برضوه من كتاب الجيلوجيا للصف 2ث ع(ثاني ثانوي علمي)


وقال ياويلك وياسواد ليلك ان شفتك على هالحركات
والله لوديك للبر واسحبك بالشاص..
طبعا قل لسعد بوديك لجهنــم ولا توديــة للبر
قال :تـــــــــــــوبة يايبه والله ماعيدها

رجع الشايب للبر عقب ماوقع الصفقة وارجهن خاطره على فلذه كبده





يتبـــــــــــــــــــــــــــــــــــع..

تخرج سعد من المتوسط بتقدير امتيــاز مع مرتبــة الشرف الاولى.



دخل الصف الثانوي..
طبعا أولى ثانوي صعبه شوي لانه تضم علمي وشرعي
الولد فلته في شي اسمه رياضيات
كان يعلم المدرس ويصحح له
وكان دافـــور الفصل تشوف هاالطلاب ماغير يتميلحون عنده بأيام الاختبارت ماينادونه الا سعدوي [/دلع سعد[/
نجح من اولى ثانوي بتقدير جيدجداأ
طبعاً الولد تحطم معنويا وحسيأ وجسمانيأ وكل شي تصدقون بغى ينتحــــر
وقال لازم اعوض هالاهمال
ودخل علمي وجاب 100% بثانوي ثانوي[/SIZE][/COLOR]




كان المدير وقتهـــا مرشــح لمنصب نائب وزير التعليم
(الصراحة كان مرشح لوزير التعليم العالي بس مدري
عاشني انا الي كاتب القصه منيب مخليه الوزير
لانكم بتهبلون فيه فا رحمتة الرجال وخليته نائب)

..
وكان حاط عينه على هالطالب الفلته
تخرج سعد من الثانوي بنسبة99.5%




لما تخرج جاه المدير وقاله : ياسعد ياولدي
بقولك شي..
انت الي مثلك حرام يقعــد هنا
انت تحفة لازم نصونها ونحافظ عليها..
قاله: انا من يدك اليمين ليدك اليســـار
قال: وش رايك تروح تكمل دراستك برى
الولد انصدم شوي قال برى وفق خشته (تنح شوووي)

قال: الحين يالله يالله ابوي وافق اجي للرياض وشلون تبيه يخليني ادرس برى
الولد قام يفكر وشلون يقول لابوه
قال: مافيه الا عمي هو الي يبي يقنع ابوي
دق على عمـــة وقاله السالفه كذا كذا
عمه أيده على الفكره وخذ بيده
وقال: خل ابووك علي

جا العم ولقى اخوه وقاله:الولد لازم يطلع يدرس برى
الشايب بغت تجيه جلطه..
قال الشايب :برى وين يعني يدرس في جـــده
قال: وش جده يدرس في امريكـــا
هو قال امريكا ولا ماقالها بغت تجي الدله تمشي مليوووون
قال الشايب :ديرة الكفار مابقى الا هي
قال :يأخوي وش ديره الكفار
الولد يبي يدرس ويجيب شهاده
وهو راح يبي يستفيد منهم ماراح يتنصــر..
وكلمة من هنا وكلمه من هنا يالله يالله وافق





سعد زي ماقلت لكم فلته في شي اسمه ماث ماتكس
يعني ماعليه خوف
قدم على امريكا وقبلوه بسرعه
تصدقون ماحتاج خطاب ضمان مالي من الوزاره
<<< متعقد من الضمان الماليملاحظه صغنونه(موعد المقابلة بعد تقديمة للسفاره بيوم)
موتو قهر ياللي معطينكم موعد بعد اربعة شهور

وراح الطالب المجتهد لامريكا

ولسان امــة يقول( عد الي ياســوار العســـل)
وسعد يقول(بيوم من الايام سوف ارى امي)




وش تتوقعون درس.........

هندسة بتـــرول زي عمه
لما جا امريكا..
الولد متعود على حر الرياض الي يسلخ الوجـــه وهالعج الي يخلي وجه الواحد طعـــوس
جا لامريكا ماشاف الا امطــأر وانهـــأر والوجيـــــــة الي تفتح النفس
كل وحده تقول انا ازيــن من الثانيـــــة
عاد خويكم في الله ميــح بالانجليزي
يعني حده كتب الثانوي



ويقعد بغرفه وماغير مذاكره
من جلدة الكتاب لين الجلده الثانيهتصدقون من قوه المذاكره يحفظ الفهرس


طبعا فيه شباب هناك مزكرتين مره
يعني ماخذ الشغله ساعة صدر(fun)

ويجونه قالو: ياسعد ترى الدنيا فانيه وسع صدرك
فلها وربــــك يحلها.....
عاد تعرفون اصدقاء السوء كيف تأثيرهم فعــــال
ولا بخــــاخ فليت سريع سريــــــع
الولد بدى يخمبق شووووي بدراسته
وبدى يطنش محاظرات وبدت تاخذه الوشـــه




يتبــــــــــــــــــــــــع.............

أستمر على هالحالة تـــرم
جاه الدكتور حق الجامعه
وقال: سعد وش فيك ليش وضعك كذا
قال: والله يادكتور مدري وش الي غيرني
قاله: انتبه من الشباب البايز(الدكتور اصله مصري)

قال: رأيك هيك يادكتور قال: اسمع شوري وبس
ويجي الولد ويشد على نفسه ويرجع من جديد لدراسة وكتبه




ويبقى على تخرجه شهــــــر

وصار شي ماكان حاط في باله ولا واحد من المئه بيصير..

وش توقعــــون صار..


ماتت ناقتهم

<<<< واحد سخيف


تخــــرج سعد من امريكا وجاب شهادة ورفع راسه وراس اهله
وكان نمـــوذج للطالب المكافح الي همه الاول والاخير يرفع راسه وراس ديرته

وجا للسعودية وتوظف بارامكو وخلف شباب وبنات

وجا ابوه وسكن عنده وباعو الحيوانات الي كانت عندهم<<مسوي خكري

وسكنو بقصــر في الخبـــر على شارعين المساحه10000م فيه مسبح وكراج وملحق وغرفه للسائق
للبيع056 والباقي ماتغير
قدام المرور الخبر.








مايستفاد من القصـــه:
اذا كان الواحــــد حاط هدف بحياتـــه صدقووني بيوصل له مهما كان
والصبر والصبر والصبر الف مره اقولها اهم عامل للمواصلة الدراسه
والاستشعار بالمستقبــل انه بكره يرجع عنصر فعال بالمجتمــــع





حبيت اقولها لكم هالقصه
اتمنى من جميع عروقي وقلبي والبطين الايمن والايسر والشرايين انها اعجبتكم


تقبلو تحيات معد هالستوري/MOODY


اي استفســـار يمكن الاتصال/911


مهوب مثل الدفاع المدني الحريق تطفى وهو مابعد شغل السيارة




يمكـــن طولتـــها بس المخــرج عــاوز كـــده







دمتـــــــــــــــــم بــــــــــــــــود....

الله يرجك و الله القصة جدا فيها دروس و عبر ،،،،،
بس المشكلة انى ما عرفت ايش دخل الناقة اللي ماتت في الموضوع

فلتتتتتتتتتتتتتتتتتتتتتتتتته القصه شي شي ولابعد فيها مواعظ كثيرة :gr_906:
مايستفاد من القصـــه:
اذا كان الواحــــد حاط هدف بحياتـــه صدقووني بيوصل له مهما كان
والصبر والصبر والصبر الف مره اقولها اهم عامل للمواصلة الدراسه
والاستشعار بالمستقبــل انه بكره يرجع عنصر فعال بالمجتمــــع
صدقت
بس حنا تعونا منك الابداع وذا مو شي غريب عليك يامبدع :gr_918:
تمنياتى لك بالتوفيق والنجاح,,
اختك,
العنــــــــــــــــــــــــود:gr_876:

moody تسلم والله قصه حلوه رائـــــــــــــــــــــــــــــع يا moody بسراحه اسلوب اروع .................

الى الامام moody
الأزدي

نقطة مهمه جدا اشار اليها moody في القصه لم ينتبه اليها الجميع وهي مهمه جدا

ياشباب ويا صبايا لابد من وقفه مع نفسك كل شهر او اسبوع او كل تيرم حسب ماتريد لكن الاهم انت تقف مع نفسك وقفه جاده وتحدد المشاكل التي تواجهها وحلولها بالعربي اعمل لنفسك كشف حساب خاصة لدارسين بالخارج لانه لا تتوقع احد راح يوجهك ويقولك هذا خطا وهذا صح كل واحد في حاله

استشارة الاساتذه او اهل الخبره افضل .

يعني بالعربي الفصيح اذا والله شفت خويك او الي معك مضيع الطاسه ولا هو يم الدراسه ونصحة مافاد (اقوى سيفون) واترك الاحراجات عنك

الصلاة . كثرة الدعاء و الذكر (اللهم علمني و يسر لي امري )خاصه في السجود .

ياشباب ويا صبايا الغربه لوحدها صعبه فا كيف الدراسه و الغربه يعني (الصبر الصبر الصبر الصبر والى يوم الدين اقول لكم الصبر وفكر في اليوم الى بترجع لأهلك رافع راسك

moody ابدع وجابها باسلوب رائع وسلس :gr_906:


تحياتي لكم جميعا

الازدي:gr_929:

ياهلا والله باخواني


محمد حبيب قلبي نور الموضوع بتواجدك والله يسعدك


ــــــــــــــــــــــــــــــــــــــــــــــــــ ـــــــــــــــــــــــــــــــــــ

أختي الغاليه العنود يشرفني تواجدك بمواضيعي
وزاد شرف ردك على موضوعي


ــــــــــــــــــــــــــــــــــــــــــــــــــ ــــــــــــــــــــــــــــــــــــ

قطعت قلبي وبطيني الايمن (الازدي)
اتشرف بقرائتك لمواضيعي
واشكرك من صميم قلبي على تعقيبك

والهدف الاول والاخير الفايده





يعطيكم الف الف عافيه احبائي



دمتم بووود

السلام عليكم

والله ما قصرت على الجهد الكبير الي بذلتـــه <<< ما خذها من المطالعه يوم كنت في الثنويــه

والله اانا من نا حيتي تحمست و طلعت روح المثاابره << تحسون بديت ازودهاا

ومشكورر على الموضوع الافضل خلال السبوع الي رااح

وبتوفيــق 14\8