الأعضاء الإشتراك و التسجيل

الملتقيات
ADs

اول زقارة في حياتي

اول زقارة في حياتي


NOTICE

تنبيه: هذا الموضوع قديم. تم طرحه قبل 6451 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية فص_فص
    فص_فص

    مبتعث جديد New Member

    فص_فص غير معرف

    فص_فص , تخصصى زاحف , بجامعة لايوجد
    • لايوجد
    • زاحف
    • غير معرف
    • غير معرف , مع امي
    • غير معرف
    • Jul 2006
    المزيدl

    July 31st, 2006, 05:21 AM

    اول زقاره ( من مذكرات فص فص )

    روحي ياروحي ياروحي ليك محتاق يالي على البال تطري وانت ما تدري وش ذنبه الي يحبك وانت خليته وش ذنب قلبي لو من حديد ذاب وانته بعيد بستناك وبتمنى اعيش العمر كوله حبيبي معاك ومش عارف امتى الشوء يخلي هواك لالي ولا ليه اهوه ولا لاله حبيت وياعنيه واشغلت به جاني حبيبي من بعد غيبة سنين يقول سامحني برد لمكاني حموت اموت كل ما بيفوت الئيه مبسوت اكمني في حيره ونار احلى من القمر هيه واحلى يمكن شويه واحلى من العسل كلمه قالتها بحنيه انا الشاكي انا الباكي انا الحساس انا الي في الشرقيه رافع راسي وانا بغير الشرقيه ما رفعت الراس وقلبي قلب غيري في الشرقيه خااااااااق هلالي هلالي ازرق هلالي ياموج البحر ازرق هلالي ياشمس وقمر >نكتفي بهذا الشعر




    8
    8
    8
    8
    8
    8
    8
    8
    السلام عليكم ورحمة الله وبركاته

    اول موضوع اسجله بالمنتدي وان شاء الله يعجبكم

    اقول > اقرو الموضوع بس


    اول زقاره

    ايام الدراسه وخاصتا في ثالث ثانوي سنة التخرج والسنه التي تعتبر من اهم السنين في حياتنا
    اقترح علي عبدالرحمن ولد عمي انقل من مدرستي الحاليه الى مدرسه جديده
    علشان اقدر اجيب نسبه حلوه وادخل الجامعه واشق طريقي واطلع من الماء وحثال الطين
    ( مع العلم ان عبدالرحمن (ابوداحم) خلص الثنوي بنسبة 68% )

    فانا قعدت اقلب الفكره براسي وادرسها وارسم خطط لمستقبلي ووش ابطلع وان حياتي بتتغير بعد وصولي لثالث ثنوي بصير كبير ومحد قدي ولازم اترك ايام الطفوله و اللعب وقعدت هذاك الليوم سهران افكر ولا نمت احتري الصباح يطلع علشان ادق عليه واخذ رائيه ببعض المدارس بحكم انه اكبر مني

    بعد ما طلع الصباح وتحديدا الساعه 6 الصبح دقيت على ابوداحم وقلتله عبدالرحمن لازم اشوفك اللحين ضروري غسل وجهك وانزلي تحت تلقاني بجمس ابوىالحمر قبال بيتكم لا تتاخر علي ..
    نزلي وقالي هاه فص وش عندك وين ماخذني من الصبح .. قلتله ابيك تخاويني ندور لي مدرسه
    وبعد كم اتصال من دحووم قالي فص لقيتلك مدرسه لو تطير لسماء وتوقع ما تلقى مثلها وقريبه لم بيتكم خطوتين وانت بحوش المدرسه .. قلتله حلو حلو خل ندز لها

    ورحنا للمدرسه وقابلنا المدير وقعدنا نتكلم معه شوي وننفخ براسه بهالكلام الرخيص لين اقتنع يقبلني عندهم بعد ما عرف ان نسبتي في ثاني ثنوي 96% >نصاب
    وقالي خلاص ياولدي فص انت رح اللحين وبكرا جب لي ملفك واوراقك كامله علشان نكمل عملية التسجيل
    وجبتله الاوراق وتمت عملية التسجيل بنجاح بتقدير امتياز ولله الحمد >لاتنسون انتخبوني


    وبعد اسبوع من بداية الدراسه للسنه الجديده بديت اداوم بالمدرسه ورحت دخلت على الوكيل وسلمت عليه وقلتله انا طالب فرش بقراطيسه وين فصلي .. قالي هذا اول يوم لك عندنا .. قلتله ايه وش رايك يعني .. قالي وش اسمك .. قلتله فص .. قالي خلاص رح فصل 3\ب ( هذا الفصل كانوا جامعين فيه كل سرابيت المدرسه )

    واروح ادور الفصل الا والقاه بس الباب كان مقفل واقوم وارجف الباب برجلي احسب محد داخل الا والا الباب مسنتر في صلعة مدرس الرياضيات ويصفط على الارض واجي يقالي بكحلها واحاول اساعده علشان يقوم الا واتعركف بالماصه واصفط على الارض ومن زين الحظ تجي ركبتي بجبهة هالمدرس المسيكين اللي ما سلم مني وهو ما بعد شافني عاد هو سلكها لي بحكم اني طالب جديد وقالي رح اجلس هناك حطني في اخر الفصل عاد طلاب الفصل اشكالهم كانت شبهه بقوه تقول حشاشيين سلمت عليهم ولا احد رد علي قلتلهم ردوا السلام مسلم على يهود انا عاد هم استحوا وردوا السلام

    بوقت الفسحه جاني مناحي ( اكبر سربوت بالمدرسه ) يتعرف علي انا توقعت انه بيسالني وش اسمك من أي مدرسه جاي مثل اساله الطلاب اذا شافوا طالب جديد

    عاد تعرفون وش قالي ؟؟؟

    مناحي: هيييه انت ياابو شعر ( كان وقتها شعري طويل ياصل الا تحت كتوفي ) .. قلتله: وش تبي يا شفاط النمل ( خشمه كبيييير وهو المميزه اللي بخشته ) .. قالي: تدخن انت ولا توك ورع .. قلتله: الورع جابته امك انا اكل الدخان اكل .. قالي اشوا وقعد يتعرف علي وسواليف ومنا ومنا وانا ما غير اعطيه من هالرخيص لين انتهاء الدوام

    واحنا طالعين انا رايح بركب موتري وادز للبيت والا ويجيني مناحي فص تعال خل اعرفك على الزكرت ..قلتله : وش زكرته وش معناتها( باين اني من جنبها ) .. قالي افااا هذي اولها

    المهم وعرفني على الزكرت هذا (ابوصلعه) وهذا (ابو سلعه) وهذا (ابو سبعه) وهذا (ابو لمعه) وهذا (ابو سوسن)< مولايق خخ الموهم قلتلهم وانا اسمي فص فص وينادوني ابو عزوز
    ( اظافري وقتها ناعمه وما اعرف سبب تلقيبهم نفسهم بهالاسماء )
    المهم قعدنا نسولف شوي وانا كني سبيكه جالس مع هالملكعيين نص كلامهم ما افهمه الا ويسالني مناحي وراك يا فص ما تدخن (عاد انا ما اعرف الدخان ولا عمري مسكت زقاره) قلت ما معي تتن توني طالع من المدرسه الا ويمد لي زقاره ويقولي خذها اخذتها واول ما ولعتها قعدت اكحكح بغيت اموت وقتها قلولي وش فيك يالزلابه اول مره تدخن .. قلتلهم لا انا متعود على الحشيش كبرنا على الدخان .. قالولي انت تحشش .. قلت ايه بس ما احشش الا وانا سكران (اخاف يصير معهم حشيش واتحصلها) .. قالولي كفوو يالذيب .. (رديت عليهم وعلامات استفهام فوق راسي) الذيب قصدكم اللي مع ماوكلي انا ما احبه ابي اصير ارنب لان شكله احلا من الذيب .. قالو لمناحي انت شكلك جايبلنا صوص توه فاقس من البيضه .. ناظرتي مناحي وقالي فص وش انت من الطيور<< سؤال دايم الدشير يسالونه .. (وقتها انا قلت لازم اسوي قوي وما اطلع صوص) قلتله دجاجه(وجه واحد سبيكه) .. قالي: هههههه طيب وش انت من لحيه .. (عاد انا توهقت وقتها وما عرفت وش اقول) قلتله سكسوكه وش تحسب يعني.. قالي: هههههه يا عيال شكل خوينا سبكبك .. قلتله وش يعني سبكبك .. قالي يعني رهيب وفله وقوي .. قلتله يعني زي قلندايزر وسوبر مان .. قالي ايه يا شاطر

    ويوم ورا يوم (حبيبي ما جاني نوم) <فاصل اعلاني
    وانا جالس مع هالشله وجمعة الدشير تعلمت اللكاعه على اصولها والدشره من جذورها وصرت ما امشي الا وبكت الاحمر بجيبي اللي فوق والشماغ ع المتن مع اني ما كنت ادخن الا قدامهم علشان ما اطلع زلابه ولا حتى من دون ما اكنه علشان ما اقعد اكحكح ويقولونلي يا الزلابه

    وصارت لي مشاكل مع الوالد لانه شاف بجيبي دخان وقطع عني المصروف واخوياي القداما صاروا يتهربون مني علشاني صرت اماشي هالدشير وعيال عمي اذا شفتهم يضحكون بوجهي مجامله ولا والود ماودهم يشوفون خشتي مره ثانيه علشان ما ياخذون الجيران عنهم فكره شينه وانقلبة حياتي من جنه للجحيم > ياحرام

    ودارت الايام لين خلصت سنه التخرج بنسبه (بعدين اقولكم كم ) والسبب كله من ورا هالسرابيت اللي ما تركوني بحالي كل يوم وهم يدقدقون بواري عند الباب يقولون لي هجوووله


    وتسببوا في سفري للديرة الكفار علشان القى جامعه تقبل هالنسبه اللي مثل خشة مناحي هههه



    هالموضوع من باب الضحك لاقل ولاكثر


    اقول



    ولا


    خلاص




    تحياتي
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.