الأعضاء الإشتراك و التسجيل

الملتقيات
ADs

صفحة من ملف اسود..........

صفحة من ملف اسود..........


NOTICE

تنبيه: هذا الموضوع قديم. تم طرحه قبل 6444 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية طاش ما طاش
    طاش ما طاش

    محظور

    طاش ما طاش غير معرف

    طاش ما طاش , تخصصى حارس مرمي , بجامعة TASH MA TASH
    • TASH MA TASH
    • حارس مرمي
    • غير معرف
    • الرياض, MALISYA
    • غير معرف
    • Jul 2006
    المزيدl

    August 7th, 2006, 11:36 AM


    السلام عليكم ورحمة الله وبركاته
    أخواني وأخواتي كح كح طق طق طق الووووووو <<<<<<< يجرب المايك
    كويس
    كل واحد مننا حصلت له مواقف في حياته ولا زالت عالقه في ذهنه من صغره والذكريات القديمه حلوه والمواقف احلىى منها وجميل ان الواحد يعبر عنها من باب الضحك وتذكر الماضي انا رح اقول بعض المواقف هذي القديمه


    وإليكم بعض المواقف والذكريات :-
    1- كنت في الصف الثالث ابتدائي كان معنا واحد سوري اسمه امجد بهاء الدين الرفاعي ما رح انسى اسمه المهم
    الولد كانت رسوماته في حصة الفنيه ابداع ويعرف يرسم انا بصراحه كنت اطالع فيه بنظرة الغاير منه ( يا حظة حظاه )...(هب علية) كنت اجي في الفسحه واشق كراسته واخذ الرسمه اللي تعجبني ( سوري بدري عليه يطقني ) << مسوي قوي المهم وكل ما شفته جيته بالغصب وخذت كراسته واخذت اللي ابي منها جا ذاك اليوم طلعنا من المدرسه وكالعاده نطلت دروسي بالبيت وطلعت في الحاره اتمشى في هالظهريه ومريت من عند باب المدرسه والقى صديقي امجد واروح له واقول بسرعه كراستك قال مابدي اعطيك قلت انا وشووووو اقول لك جب قال لا.. اول مره .امجد يسويها قلت بس مالي الا اني اطب عليه واطقه واخذ كراسته امجد كان اكبر مني جسم بس الظاهر انه كان يخاف عشاني امشي بوسط شله حنشل وراعين شر بس الشله للاسف ما كانت معي ولا كان فيه جوالات ذاك الوقت ندق عليهم والله يوم قلت بس ما بدهاش ما فيه الا انا وهو والحين بيقوم ويكمخني وانا لحالي هنا قلت له خلاص هالمره سماح ما رح اخذها منك <<< بيني وبينكم خفت
    الا الولد صار ناوي لي على نيه قال لي شوووووووو سمااااااااااح ؟؟؟ والله ويقوم يمسكني مع صدري ويرفعني فوق ويرضخ بي وانا احاول اهديه يا امجد حنا اصدقاء ما يصير طال عمرك والله والولد ما التفت لي وركبه من هنا وبقس من هناك يا ابن الحلال هد اعصابك والله الرجال ماسك خط قلت مالي حل الا اني اسوي نفسي بموت عشان يفكني واجلس اصيح واصارخ بموت بموت . هو فكني ؟؟ وانقزززززز وبدون نعال وانتم بكرامه اركض حافي واطالع فيه من بعيد وانا اصيح والله ما اخليك
    بس الجد ؟؟ يوم جا من بكره وانا اللي اروح له واقول له تدري امس ما بغيت اطقك ولا ارد عليك مهوب خايف منك لكن كان ما ودي بالمشاكل << اشوى انه تصفق
    المهم صار صديقي بعد كذا وخليت شلتي وصرت امشي معه لقيت معه عيشة الرفاهيه اللي ما لقيتها مع الحنشل اخوياي الاولين وصرت افطر على ساندويشات طحينيه وحمص وزيتون وتونه ما قصر صديقي امجد صرت اذا شفت شلتي القديمه ودي الحقهم بالنعال ولا عاد اعبرهم ابد وامجد اعجب فيني وصار صديقي الصدوق وصرت ادق عليه وانقل منه واجب الرياضيات لين مره ردت امه علي وهاوشتني قالت اعتمد على نفسك بعدها جلست اصيح وقلت لازم اصير جيد زي امجد

    لله درك يا امجد حياً او ميتاً


    :94:
    2- مرحله المتوسطه كانت مرحله مراهقه قويه وكانت عندي ميول فنيه وكان نفسي اصير فنان ( والله محد يحقر عمره ) > يسمع بخالد عبدالرحمن المهم شريت لي آله موسيقيه تعرف باسم الاورق واتوقع كلكم تحضرون زواجات وتسمعونها << بس ترى مهب هو اللي يعزف
    المهم مرتن من المرارير اهلي معزومين والبيت رح يكون فاضي ( والله مخططها صح ) قلت لابد اني اظهر مواهبي على عيال الحاره واعزمهم عشان يسمعون مخاوي الليل وهو يعزف والله واروح بعد المغرب واطق على بيت الدحمي والبريهي وحمني الدب الداشر وهارون << هارون ترى مهب عبد وكلنا **** لله
    صلينا العشا في مسجد الحاره اول من طلع انا والعيال ينتظرون عند باب بيتنا قلت لهم اول ما تشوفون سيارة ابوي محركه من هنا معناته بدت الحفله
    جا ابوي من الصلاة وخذ العايله ومشو بحفظ الله انا مانيب رايح معهم بجلس اذاكر ( الله من قل الصدق ) طقو الباب العيال فخرج إليهم طش طش متبسماً قائلاً هلا بالعيال
    والله وندخل المجلس وارقى فوق في السطح في كسره الدرجه فيه فرشه هناك كنت لاف مواهبي فيها واطلعها واجي ركض وادخل المجلس على هتافات الجماهير وهارون مستعد ناوي يهز والله واجلس في صدر المجلس 3 2 1 اكشششششششن وبدت الفرقه الموسيقيه وطمبق طمبق عليهمممم ادعسسسسسسسس اكوي وهارون يتردح والعيال صفقه كورس اكوووووووووووي يا طش طش عليهم عليهم شوي وكنا ماخذين على الجو الا اطالع باب المجلس انفتح ودخل شخصاً ما من هو يا ترى ؟؟؟


    ابوي <<<<<<<<<<<<< مصيبه
    هارون الدحمي والبريهي والدب الداشر كل واحد يطالع في الثاني طبعا انا ما خفت ( عساكم صدقتو ؟ ) دخل قال الوالد ما شاء الله هو قال ما شاء الله والا ما قاله
    <<<<<<<< اول من طالع في الباب واجي واحط رجلي مع الباب حافي شوي كل خمس ثواني طالع لنا واحد من البيت شباب
    العيال يا اللي فيك ما يخطيك يا كميبنرمنلاكمنزبطكمنةرلاكنم كمنتا<<< كلام مشفر من هيئة الرقابه في مبتعث شوي الا يطبون بحوض بطني انا قلت والله ما ارجع للبيت
    صار الوالد راح العزيمه وكان مواعد واحد يجيب له ورقه ونساها بالبيت ورجع عشانها
    صدق لين قالو ان الفنانين محاربين وبداياتهم صعبه ( ان شاء الله مو مقلب )
    طبعا الوالد صك باب البيت وراح لعزيمته وانا بالشارع حافي قلت مالي الا الله همن اصدقائي المخلصين ادور واحد يضفني
    لين كل واحد منهم يبي الفكه مني كارهيني من جد ادور فلان ابيه يعزمني اقول له الباب تسكر علي والحين ما ادري وين اروح يقول لي بروح امي تبيني فلان يا حمني يا الدب الداشر والله ما حولك احد واجلس لين الساعه 11 حافي في الحاره وانا بعيييييييييييييييط وبرضو بعيييط
    اتمنى اكون ما طولت عليكم ولكن هذي موقفين من مليون ههههههههه <<<
    وفي الختام السلام
    طش طش
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.